Walîtiya Mêrdînê biryar daye û aşkere kiriye ku li tevahiya bajêr heta 15 rojan hemû çalakî û bername hatine qedexekirin. Walîtiyê di daxuyaniya xwe de yadkirina Apê Mûsa weke sedema qedexeya çalakiyan nîşan daye.

Wezareta Tenduristiyê aşkere kiriye ku di 24 saetan de test ji bo 338 hezar û 873 kesan hatine kirin û di encamê de testa 26 hezar û 398 kesan pozîtîf derketiye. Her weha 213 kes jî mirine, 216 hezar û 856 doz derzî hatine kirine.

Wezareta Perwerdeyê ya Afganistanê çend roj berê diyar kiribû ku di dibistanan de bi tenê xwendekarên kur wê werin perwerdekirin û behsa perwerdeya xwendekarên keç nekiribûn.

Kemal Kiliçdaroglû, Serokê Giştî ê CHPê gotiye, “Heke tê xwestin pirsgirêka Kurd çareser bibe, em dikarin bi dezgehekî rewa re çareser bikin. Ji ber vê yekê, bi ya min divê HDP li parlamentoyê be.”

Komîteya Wezîran a Konseya Ewropayê ku ji bo Kavala azad nebûye wê Tirkiye ceza bikira, biryara cezakirinê taloq kiriye. Komîteyê ji bo Demîrtaşî jî heta 30ê Îlonê wext daye Tirkiyeyê.

Malbata Şenyaşar, bang li Onder Yenîçerî, Serdozgerê Komarî yê Rihayê kiriye û gotiye: “Heke tu nikarî edaletê pêkbînî, îstîfa bike.”

Li gorî rapora IFRCyê di destpêkê şewba Covîd-19ê heta niha zêdetirî 17 hezar kes ji ber karesatên ku di encama guherîna îklîmê de pêk hatiye, mirine.

Wezîreta Xezîneya DYAyê pênc kesên li Tirkiyeyê dijîn, bi sedema ku “alîkariya darayî û lojîstîk dane” El Qaîdeyê ceza kiriye.

Alî Erbaş, ji sala 2017an vir ve weke serokê Saziya Karûbarên Olî wezîfedar bû. Bi biryara ku îmzeya Serokomar li bine û di Rojnameya Fermî de hatiye weşandin, Erbaş dîsa ji bo serokatiya wê saziyê hatiye wezîfedarkirin.

Li salonên sînemayê yên Tirkiyeyê vê hefteyê 2 jê xwemalî li ser hev 9 fîlm ketine vîzyonê

Wezareta Tenduristiyê aşkere kiriye ku di 24 saetan de test ji bo 343 hezar û 142 kesan hatine kirin û di encamê de testa 28 hezar û 118 kesan pozîtîf derketiye. Her weha 262 kes jî mirine, 494 hezar û 127 doz derzî hatine kirine.

Parêzerên malbata Tahir Elçiyî, piştî axavtina wî ya ku gotiye “Tahîr Elçî bû qurbaniyê kuştineke siyasî” ji dadgehê daxwaz kirine ku li Ahmet Davûtogû, Serokwezîrê wê demê guhdar bike.

Di lîsteya TIME-ê de Scarlett Johansson, Aleksey Navalny û Ebdûlxenî Barader, Alîkarê Serokwezîrê Talîbanê û Joe Biden jî hene.

Ozkan bi rêya SEGBÎSê beşdarî danişînê bûye. Lê dengê dadger û dozgeran neçûye wî. Gardiyanê li bal wî, ji “We fêm nake û nabihîze.”

4emîn danişîna doza Mûsa O., çawişê pisporê ku tecawiz li İpek E. yê kiribû û bûbû sedema xwekuştina wê, dûh pêk hatibû. Dozger xwestiye Musa O. were cezakirin. Lijneya dadgehê daxwaza dozgerî qebûl nekiriye.

Mehmet Laçînê ku îdia dike keça birine çiyê, xwestiye li ber avahiya Navenda Giştî ya HDPyê konekê vegire. HDPyiyan gotine ku “Ew kes dîdevanê kujerê Denîz Poyrazê ye” û nexwestine Laçîn li wir konî veke.

Serokomarê Fransayê Macronî gotiye ku hêzên leşkerî yên Fransayê, Serokê DAIŞê yê Sehrayê kuştine.

Wezareta Tenduristiyê aşkere kiriye ku di 24 saetan de test ji bo 341 hezar û 4 kesan hatine kirin û di encamê de testa 28 hezar û 224 kesan pozîtîf derketiye. Her weha 248 kes jî mirine, 525 hezar û 195 doz derzî hatine kirine.

Leyla Guven, Hevseroka KCDê û Hulya Alokmen, Hevseroka HDPê ya Amedê li dijî cezayê ji ber govend û stranên kurdî li wan hatibû birîn, xwestine bi kurdî parastina xwe bikin. Dadgehê daxwaza wan qebûl nekiriye.

Miduriyeta Îcrayê ya Panosê, ji ber deynên dema Cem Afşîn Akbayê AKPî hesabên banqeyê yên Şaredariya Panosê ya HDPê asteng kiriye.