Çar dosyayê parêzbendiyê yên Meral Daniş Beştaş, Huda Kaya û Garo Paylan, parlamenterên HDPê û Salîha Aydenîz, parlamentera DBPyê şandine Serokatiya Meclîsê.

Wezareta Tenduristiyê aşkere kiriye ku di 24 saetan de test ji bo 355 hezar û 564 kesan hatine kirin û di encamê de testa 29 hezar û 802 kesan pozîtîf derketiye. Her weha 228 kes jî mirine, 332 hezar û 665 doz derzî hatine kirine.

Piştî Serokomar Erdoganî xwendekar kirine hedef, 11 xwendekarên ku xwestine li Zanîngeha Bogaziçiyê perwerde rû bi rû destpê bike û çalakî li dar xistine, li nava kampusê û ji derveyî wê hatine desteserkirin.

Mêran di meha Îlonê de tundkarî herî hindik li 65 jinan kiriye, herî hindik 4 zarok kuştine. Mêran, zarokên kur jî di nav de herî hindik îstismar li 13 zarokan kirine, herî hindik 10 jin tacîz kirine. Mêran bi darê zorê karê seksê herî hindik bi 78 jinan dane kirin.

Xelata Fîzîkê ya Nobelî îsal di nava Syukuro Manabe, Klaus Hasselman û Giorgio Parisiyî de hatiye parvekirin.

Dadgeha Destûrî ew serlêdan qebûl nekiriye ku ji bo rayedarên fermî werin dadgehkirin hatibû kirin. Dadgehê sedemên serlêdanê bi gotina “bêbingeh in” qebûl nekiriye.

Platforma Zimanê Kurdî(PZK) bi armanca ku nûnertiya xwe li Mêrdînê ava bike, civînek li dar xistiye. Desteya ku çûye Mêrdînê diyar kiriye ku heta zimanê kurdî bibe xwedî statû ew ê xebatên xwe bidomînin.

Komeleya Rojnamegeran a Dicle Firatê rapora binpêkirina mafên rojnamegeran a meha Îlonê aşkere kiriye. Li gorî raporê di meha Îlonê de derbarê 6 rojnamegeran de lêpirsîn hatiye destpêkirin, li 7 rojnamegeran doz vebûye, li 6 rojnamegeran 27 sal û 3 meh cezayê girtîgehê hatiye birîn û 50 rojnameger hatine dadgehkirin.

Nûçeya bianetê ya astengkirina nûçeyekê ya derbarê şîrketa bi navê Met-Gun Înşaatê de jî hate astengkirin.

Ewropa li dijî şewba Covîd-19ê wê doza 3em ya vaksîna Bîontechê jî bikarbîne.

Li Rihayê Ûgûr Tekstîlê bi hinceta KOD-18ê nêzîkî 300 karkeran ji kar derxistiye. Karkeran li ber kargehê dest bi çalakiya rûniştinê kirine.

Dûaa Mûhammed ji bo perwerdeya lîsansa bilind bike ji Dîlokê hatiye Stenbolê. Lê xwediyê xaniyan ji ber ku ew ji Sûriyeyê ye, xaniyên xwe bi kirê nedane wê. Ew jî neçar maye û careke din vegeriyaye Dîlokê.

Wezareta Tenduristiyê aşkere kiriye ku di 24 saetan de test ji bo 352 hezar û 214 kesan hatine kirin û di encamê de testa 28 hezar û 810 kesan pozîtîf derketiye. Her weha 248 kes jî mirine, 411 hezar û 865 doz derzî hatine kirine.

Ew doza ku ji ber “Bîranîna Qetlîama Roboskiyê” hatibû vekirin, careke din taloq bûye.

Weşanxaneya Nayê Ferhenga Felsefeyê bi kurdî çap kiriye. Ferheng ji aliyê Alî Gurdilî, Felsefevan û Civaknas ve hatiye amadekirin.

Li Kabîl, paytexta Afganistanê hêzên Talîbanê êrişî cihê ku endamên DAIŞê lê dihewin, kiriye.

Dema bav û xwişka zarokê 12 salî dîtine ku di nava avê de diperpite, wan jî xwe avêtiye nava avê. Bav û xwişk paşê ji nava avê derketine û haya ji ekîban ji bûyerê çêkirine.

Xelata Tibê ya Nobelê ya 2021an wê bidin David Julius û Ardem Patapoutianî .

Di çarçoveya Bernameya Qonaxa Payîzê de di mehên Çiriya Pêşiyê, Çiriya Paşiyê û Kanûna Pêşiyê de sê kargehên cûda yên Rojnamegerîya Bingehîn dê were pêkanîn.

Gunturkê li Girtîgeha Sîlîvriyê girtî ye ji Komîsyona Girtîgehan a OHDyê ya Şaxê Stenbolê re gotiye, ûra di mejiyê wî de mezin bûye û doktorê/î ji wî re diyar kiriye ku “ji bo dermankirinê dereng maye, diviya bû ku berê midaxele lê bikirana.”