Partiya Edalet û Pêşdeçûnê(AKP) eşkere kir ku ew ê rêyê nedin Dayikên/Mirovên Şemiyê. Partiya navborî diyar kir ew ê çalakiyên li Caddeya Îstîklalê û çalakiyên bi wî rengî asteng bike.

Roja pêşiyê ya Cejna Qurbanê canegayek dema bê serjêkirin reviyaye xwe avêtiye avê û sê rojan melevanî(sobarî) kiriye. Platforma AHBAPê ew kiriye û ji bo stargehekê şandiye.

Komeke hunermend ji bo mafparêz û karsaz Osman Kavalayî kom bûne û pankarta “Em bêriyê dikin” vekirine. Osman Kavala 300 roj in ku di girtîgehê de tê girtin.

Wezîrê Karên Navxweyî Soylu di derbarê hefteya 700em a çalakîya Dayîkên\Mirovên Şemîyê a ku li Qada Galatasarayê tê kirin û mudaxeleya ku polêsan li wan kiriye de axivî.

Wezareta Karên Navxweyî diyar kiriye ku 20-27ê Tîrmehê ji bo 281 hesabên medyaya civakî lêkolîn hatiye dest pê kirin. Ji bo 146 bikarhêneran ji ber parvekirinên wan lêpirsînname hatine amadekirin.

Polîsan destûr neda ku Dayikên Şemiyê ji bo hefteya 700î li Qada Galatasarayê kom bibin û mudaxeleyî kir. Hin xizmên wendayan haline desteserkirin.

Dayikên ku ji bo dîtina wan kesên hatîn bêserûşûnkirin li meydana Galatasarayê kom didin, 699 hefteyan/Şemiyan kom bûne, dê vê şemiyê, cara 700ê jî kom bıbın û pirsa xizm û lêzimên xwe bikin.

UNESCOyê diyar kiriye ku li Tirkiyeyê metirsî heye 18 ziman tine bibin.

3yem Dadgeha Cezayê Giran a İzmîrê jî daxwaza tehlîyeya Brunsonî qebûl nekiriye. Brunson bi tohmeta ku “li ser navê rêxistinekê sûncekî bike” û bi “sîxurtî”yê tê tewanbarkirin û di hepsa malê de tê girtin.

Aretha Franklînê 50 salan stranbêjî kiribû, wê 18 caran xelata Grammyê standiye. Ew di 76 saliya xwe de miriye.

Umît Kivançî ji bo hefteya 700î ya Dayîkên Şemîyê vîdeoyek amade kiriye û stranbêj Ceylan Ertemê tevlî Besna Tosun, Maşîde Ocak, Serpîll Taşkaya, İkbal Eren û xizmên wendayên ên din di vîdeoyê de, strana Ahmet Kayayî ya bi navê “Beni Bul Anne” gotiye.

Li Semsûrê çar leşker hatine kuştin, sê jî birîndar bûne. Li gorî daxuyaniya Walîtiyê sê aşker bi guleyên hevalên xwe hatine kuştin.

Wezîrê Parastina Neteweyî Hulusî Akar û serokê Lijneya Xwendina Bilind(YOK) Prof. Dr. Yekta Saraç li ser pêvajoya çûna leşkeriya bibedel civiyane.

Ji bo parêzer Taner Kiliçî biryara tehliyeyê hatiye dayîn ku zêdetirî salekê ye girtî bû. Parêzerê wî Mûrat Dînçerî gotiye, “Girtina wî siyasî bû, serbestiya wî li gorî hiqûqê ye”.

Bi hinceta parvekirinên wan ên li ser medyaya civakî, ji bajarên Dîlok û Konyayê 11 kes hatine desteserkirin.

Wezîrê karên derve, Mevlûd Çavûşoglû digel wezîrê karên derve yê Rûsyayê Sergey Lavrovî civiyaye. Çavûşoglûyî gotiye rewşa keşeyê Amerîkayî wek xwe ye.

Gulistan Kiliç Koçyîgît Parlamentera HDPyê ya Mûşê wêneyên ku rojnameger û wênesaz Zehra Doganê xêz kirine çap kiriye û weke kartên pîrozbahiya cejnê ji siyasetmedarên girtî re şandiye.

Elmas Eren dayîka Hayrettîn Erenî, Zubeyde Tepe dayîka Ferhat Tepeyî, Emîne Ocak dayîka Hasan Ocakî û Sabrîye Maltu dayîka Mehmet Şîrîn Maltuyî ji bo hefteya 700î banî beşdariyê dikin.

Piştî ku nirxê dolar û euroyî li hemberî pereyê tirkan zêde bû û vê rewşê bandora xwe li bihayê xaza siruştî û elektrîkê kir, li Dîlokê karkerên tekstîlê ji kar têne avêtin.

HDP, İHD û ÖHPyê ji bo êrîşa li Geverê daxwaza avakirina komisyanê li Meclîsê kirin. Di wê êrîşê de Nûrcan Karakaya û kurê wê yê 11 mehî Bedirhan Karakaya miribûn.