Hunermend û xebatkarên saziyên çand û hunerê, ji bo mafparêz û karsaz Osman Kavalayî li ber Girtîgeha Silivriyê hatine ba hev. Kavalayî 320 roj in ku girtî ye.

Li gorî daxuyaniya Wezareta Navxweyî, di hefteya dawiyê de lêkolîn li ser 376 hesabên medyaya civakî kirine û lêpirsîn li 261 bikarhênaran dane destpêkirin.

Însyatîfa Azadiya Heywanan duhî li Buyukadayê bangî xwediyên faytonan kirin û ji wan xwest ew hespan azad bikin.

Xelata ku li ser navê Hrant Dînkî belav dikin, îsal dan Mûrat Çelîkkan, Dîrektorê Navenda Heq, Edalet û Bîrê û Rêxistina Mafên Mirovan a bi navê Mwatanyê ya ji Yemenê.

Karkerên ku li Balafirxaneya 3yem dest bi çalakiyê kirine, daxwazên xwe pêşkêşî rêveberiya şîrketa bi navê İGAyê kirine. Hate diyarkirin ku şîrketê daxwaz qebûl nekirine.

Karkerên li Balafirxaneya 3yem a Stenbolê kar dikin, ji ber şert û mercên xirab dest bi çalakiyê kirine. Piştî ku karkeran dest bi çalakiyê kirine polîs û cenderme çûne herêmê û ketine qada înşaatê.

HDPyê giliyê wî dozgerî kirine ku şopandina hesabên Hevserokên berê yên HDPyê Selahattîn Demîrtaş, Fîgen Yuksekdag û parlamenterên HDPyê ên medyaya civakî, weke sûc qebûl kiribû. HDPyê di heman demê de giliyê dadweran jî kirine ku îdianameya dozgerî qebûl kirine.

Dadgeha Aslîye-Cezayê ya 2. a Stenbolê ji ber “heqareta li serokkomarî” du rojnamegerên li rojnameya Evrenselê kar dikin yên bi navê Arif Coşar û Vural Nasuhbeyoglu ceza kirine. Li gor biryarê her rojnamegerek dê 7 hezar TLyan bide.

Parêzerên mexdûrên doza JİTEMê ya Qoserê daxwaza anîna şahidan kirine ku çar sal in “li navnîşanên xwe nayên dîtin” û ji ber wê jî dadgeh nikare li wan guhdar bike.

Daxwaza serbestiya bi kefaletê ya nûçegihanê fotoyan Shahidul Alamî nehatiye qebûlkirin. Alam piştî bi televizyona Al Jazeerayê re hevpeyvîn kiribû li mala xwe ya Dhakayê hatibû desteserkirin û rastî îşkenceyê hatibû.

Vê sibê li taxa Küçük Armutluyê ya Sariyerê polîsan destê sibê girtiye ser malekê kesekî bi navê İbrahim Devrim Top bi guleyan hatiye kuştin.

Rêveberiya girtîgeha Girtîgeha Tîpa Fyê ya Bolûyê, ji ber karîkaturekê, bi îdiaya “heqaret li Serokomarî û karmendan kirine”, 10 roh cezayê hicreyê daye 6 girtiyan. Girtiyan karîkatur li kovara ku li girtîgehê derdixin xêz kirine.

Çiftçi Senê daxuyaniyek belav kiriye û tê de xwestiye ku “Tirkiye bila dengê erê ji bo Danezana Kesên Din ên li Çoltaran Kar Dikin û Mafên Gundiyan a Neteweyên Yekgirtî” bide ku wê li Konseya Mafên Mirovan a NYyê û Cıvata Giştî ya NYyê dengdan ji bo wê çêbibe.

Yûsûf Nazîkê li Sûriyeyê hatiye desteserkirin, di îdianameya êrîşa Reyhanliyê de wiha hatiye nîşandan ku ku kesê wesayit peyda kiriye û ew bombe li wan bar kiriye û ji bo teqandinê amade kiriye. Her weha bi tohmeta ku “ji bo plankirina êrîşê bi Beşar Esad Serokdewletê Sûriyeyê re hevdîtin kiriye” tê sûcdarkirin.

Hatiye îdiakirin ku kesê bi navê M. A yê ji Êlihê, dema li bajarê Afyonê leşkeriya neçarî dikir, xwe bi tivinga xwe kuştiye.

5 akedemîsyenên ku li kampusa Cebeciyê ya Zanîngeha Enqereyê hatibûn girtin piştî 4 salan beraet kirine.

Çar akademisyen li 35em Dadgeha Cezayê Giran a Stenbolê hatin dadgehkirin.

Şahînkayayî ji Girtîgeha Wanê nameyek şandiye û tê de gotiye, “Ez nizanim wê kengî bê ber destê we…”. Her weha diyar kiriye ku rêveberiya girtîgehê pirtûkên biryara qedexeyê ji bo wan nehatiye dayin nade wan. Dadgehê biryara dayîna pirtûkan derxistiye lê rêveberî li gorî vê biryarê tevnagere û pirtûkan nade wan.

Seketerê Giştî yê Neteweyên Yekbûyî António Gueterres ji bo guherînên îklîmê got “em ber bi keraxa kendalê ve diçin”. Gueterres got ku heta sala 2020an em vê rewşê neguherînin alternatîv me pêşerojeke xeternak û tarî ye.

Parlementerê HDPyî(Partiya Gelan a Demokratîk) Omer Faruk Gergerlîogluyî diyar kiriye ku “li girtîgeha Sêwasê li odeya 8 kesî 22 kes dimînin. Rojê bi tenê nîv sietê av tê lê ew av jî ne paqij e.”