16 namzetên ku îmze avêtibûn binê Peymana Mafên LGBTI+yan di hilbijartinê de hatine hilbijartin û bûne parlamenter. Peyman ji hêla Komeleya LGBTI+yên Ciwan ve hatiye amadekirin.

Li Pirsûsê hat diyarkirin ku polîsan di wesayitekê de çar çewal qaxizên dengan ên ku hatine mohrkirin bi dest xistine.

Li Elezîzê du kes bi tohmeta ku “li ser medyaya civakî propaganda kirine” îro hatine girtin. Duh jî li Riha û Wêranşarê du kes bi heman hincetê hatibûn girtin.

Sputniknews ajanseka fermî ya dewleta Rûsyayê ye, nêzîkî sê salan e ku ew bi navê “Sputnîk Kurdistan” weşana bi zimanê kurdî jî dike, Rusyayê biryar daye Sputnik Kurdistanê bigire.

Li Colemêrgê endamên PKKyê, bi rokêtan êrîş li wesayitên leşkerî kirine. Bi êrîşê du leşker mirine.

Rêxistina Koçberiyê ya Neteweyên Yekbûyî eşkere kir: Par(2017) jimara wan kesên ji ber şer û tûndkariyê mecbûr mane ku ji warê xwe koçber bibin bûye 68.5 milyon.

Ezhelê rabpêj îro di danişîna yekem de beraet kiriye ku ji 23yê Gulanê û vir ve girtî bû.

Li gundê Serxetê yê navçeya Dihê ya Sêrtê dema wesayita leşkerî derbas dibû bombe teqiya ye. Di encamê de leşkerek miriye, du leşker bi giranî birîndar bûne.

Li gorî rapora destpêkê ya heyeta HDPyê ya derbarê bûyerên li Pirsûsê de, Parlamenter Yildiz beriya pevçûna bi çekan bi du rojan dîsa çûye dikana Şenyaşaran. Di encama pevçûna li Pirsûsê de 4 kes miribûn.

Li Hatayê du operasyon hatine kirin û du bikarhênerên medyaya civakî, ji ber parvekirinên wan hatine girtin.

TTByê aşkere kiriye ku li Pirsûsê di nava Nexweşxaneya Dewletê de jî êrîş berdewam kirine û du kes li nava nexweşxaneyê hatine kuştin.

Ji bo parastina xelkê Filistînê pêşniyarnameyek ji bo Lijneya Giştî ya Neteweyên Yekbûyî hatibû dayin. Lijneyê bangî bangî Îsraîlê kir ku divê ew tûndkariyê li Filistînîyan neke.

Navenda Çavdêriya li Mafên Mirovan îro raporek belav kir û diyar kir hin komên ji Artêşa Sûriyeya Azad(ASA) li herêma Efrînê dest daniye ser malên welatiyan, warên wan xera kirine û malên wan talan kirine.

Mafparêz û Karsaz Osman Kavalayî di nameya xwe ya ji Girtîgeha Sîlîvriyê şandiye de gotiye ku 7 meh in girtî ye û ji ber vê rewşê wî serî li Dadgeha Mafên Mirovan a Ewropayê (DMME) daye.

2 akademisyenên ji Zanîngeha Bogaziçiyê di danişîna duyem de paraznameyên xwe pêşkêşî dadgehê kirin. Dadgehê daxwaza Parêzer Eyubogluyê qebûl nekir ku xwestibû lêpirsîn berfirehtir bibe. Dadgehê ji bo xweparastina akademisyenan danişîn bi paş de xist.

Delegasyona Tirkiyeyê ya YEyê got ku, divê ji bo mafparêzên li Tirkiyeyê girtî ne di çarçoveya feraseta DMMEyê de mafê dadgehkirina adil bên sazkirin. Hat bibîrxistin ku Taner Kiliç û Osman Kavala hîna di girtîgehê de ne.

Muhterem Suren, parêzerê mafparêz ku yek ji birêvebirên Komeleya Mafên Mirovan bû, miriye.

Di danişîna yekem ya dadgehkirina xwendekarên Bogaziçiyê de ji bo 14 xwendekaran biryara tehliyeyê derket.

21 xwendekarên Zanîngeha Bogazîçîyê îro li Dadgeha Cezayên Giran ya Stenbolê ya 32. têne dadkirin. 14 ji wan xwendekaran di girtîgehan de ne. Dadkirina xwendekarên girtî temam bûye, dadkirina xwendekarên dî dom dike.

Ji hilbijartinê re 17 roj mane. Rojeva medyaya nêzîkî hikûmetê plana operasyoneka li Qendîlê ye.