FERİD DEMİRELÎ NIVÎSANDIYE
Hunername: Nîzamettîn Arîç, Tara Mamedova, Mahsa Vahdat, Sharhabil Ahmed, Depeche Mode...
Bandora şewba Covid-19ê ji ber ku berdewam dike, bernameyên çand û hunerî weke li tevahiya cîhanê li nava kurdan jî gelek kêm pêk tên. Gelek hunermendan, stranbêjan xebatên xwe heta demekê dane sekinandin. Lê helbet di vê navberê de video-klîpên nû, albumên ku di nava şert û mercên nexweşiyê de tên amadekirin tên weşandin.
Vê hefteyê vîdeo-clîpa Nîzamettîn Arîçî, ya Tara Mamedovayê, albuma Dephece Mode û ya Mahsa Vahdatê û hin nûçeyên din di Hunernameya me de ne.
Arîçî stranek li ser “Geliyê Zîlan”ê amade kiriye
Nîzamettîn Arîçî demeke berê li ser hesabên xwe yên medyaya civakî aşkere kiribû ku ew ê vîdeo-klîpekê li ser “Geliyê Zilan”ê amade bike û biweşîne. Arîçî beriya niha bi çend rojan ev klîp weşandiye.
Arîçî ji ber helbesteke Dengbêj Keremî ev stran honandiye û amade kiriye. Stran behsa Qetlîama Geliyê Zîlanê dike.
Tara Mamedovayê strana “Wehar” stra ye
Tara Mamedova amadekariyê dike ku di demên pêş de single û maxi single-ekê biweşîne. Beriya vî karî jî strana “Wehar” şîrove kiriye û vîdeo-klîpek ji bo wê weşandiye. Vîdeo-klîp bi filmekî Mohsen Makhmelbafî hatiye amadekirin. Harûn Elkiyî aranjeya stranê kiriye.
Albuma “Şahê Caza Sûdanê” derketiye
Sharhabil Ahmed, yek ji navdarên muzîka Sûdanê ye. Ji ber ku serkeftinên wî yên li seranserê cîhanê jê re gotine “Şahê Caza Sûdanê”. Albumeke nû ya Ahmedî bi navê “Habibi Funk 013: The King Of Sudanese Jazz” hatiye weşandin. Di albumê de 7 stran hene ku Ahmedî ew bi şêweyê xwe yê taybet amade kirine, ango melodiyên Sûdanê û yên cazê bi hev re honandine.
Depeche Mode
Depeche Mode, koma rocka ingilîzî albuma xwe ya nû weşandiye. Komê ev stran ji bo filmê li ser Depeche Mode-ê hatibû amadekirin çêkiribûn û di sala 2018an de li Berlînê di konserekê de jî stra bûn. Album ji ber tomarkirina vê konsere hatiye amadekirin. Di albumê de 21 stran hene.
Mahsa Vahdet
Stranbêja îranî Mahsa Vahdatê jî demeke berê albumeke nû weşandiye. Navê albuma wê “Enlighten the Night” e û tê de 13 stran hene. Ev albuma wê ya 10em e û Vahdatê helbestên klasîk û yên modern ên farisî kirine stran û xwendiye.
Di demên pêş de
Stranbêja kurd a navdar Hani Mojtahedy-yê ev demeke aşkere kiriye ku wê di 24ê Tîrmeha 2020an de single-ekê biweşîne. Hani ji bo vê albumê bi Babylon Orchestrayê re kar kiriye. Navê albumê “Nour”e û tê de helbesteke Forugh Farrokhzad, helbestvana îranî weke stran hatiye strîn.
Massive Attack wê albumeke nû biweşîne
Massive Attack, koma rockê piştî 4 salan wê albumeke nû biweşîne. Robert Del Naja ve Massive Attackê li ser hesabên xwe yên medyaya civakî weşandine ku ew ê EP (kurte-album) biweşînin. Li gorî van mesajan wê navê albumê “Eutopia” be lê hîna nayê zanîn ku wê kengî bi weşandin û çend stran tê de hebin.
#eutopiaEP
— Massive Attack (@MassiveAttackUK) July 9, 2020
Generative art: @quasimondo pic.twitter.com/w6aotqSRah
Kom di sala 1988an de li Ingilîstanê hatiye avakirin. Herî dawî di sala 2016an de EPyek bi navê The Spoils û yek jî bi navê Ritual Spirit weşandibûn. Di sala 2010ê de albumeke bi navê Heligoland weşandibûn ku ji wir û vir ve albumên dirêj naweşînin.
Pêşniyar
Albuma hefteyê
Chants et musiques kurdes - Temo, Nasir & Bedirxan
Album di sala 1995an de hatiye weşandin. 11 stran tê de hene.
Klîpa hefteyê
Gare Sazkar - Were Were & Lê Dînê
(FD)
Edîtorê bianet kurdiyê ye. Ji Zaningeha Marmarayê, ji beşa Rojnamegerîyê derçûye. Li Zaningeha Marmarayê di beşa Rojnamegerîyê de masterê dike. Di rojnamaya Birgünê, Dicle Haber Ajansı (DİHA), Dem Tv, Rûdaw Tv û Sputnik Kurdistanê de wek nûçegîhan, edîtor, gerînendeyê nûçeyan û şef edîtor kar kiriye. Edîtorî û redaktoriya gelek pirtûkan kiriye. Yek ji nivîskarên “E- Kitêba Rojnamegeriya Kurdî a Dijîtal”, “Ferhengoka Kurdî-Tirkî ya Nûçegihaniya Zayenda Civakî” ye. Nivîseke wî ya lêkolînê di pirtûka “Haber Analizi ve Arşiv İncelemeleriyle Türkiye’de 9 Gazete” de hatiye weşandin. Li bianetê û Botan Internationalê, di Kargehên Medyaya Kurdî de dersên dîroka çapemeniya kurdî, rojnamegeriya mafparêz û hevpeyvînan daye. Pirtûkek bi navê "Guldesteyek ji Baxê Rewanê" (Sor Yay.), yek jî bi navê "Çîrokên Şêwra Ermenan" (Cervantes Yay.) derxistiye. Xwediyê Xelata Rojnamegeriyê ya Mûsa Anterî û Rojnamegerên Çapemeniya Azad (di beşa nûçeyên kurdî de) yê sala 2023yan e.
Diyarname 29 Reşemî: Ev rojname wê her ji çar salan carekê çap bibe
Weşana kurdî ya Radyoya Swêdê piştî 23 salan bi dawî bû: “Radyo pirek bû”
Muzîka Kurdî 2023: “Nazdar Nazdar”, Koma Amed, Şivan Perwer, hunermendên jin
LI STENBOLÊ WÊ DIBISTANA MUZÎKÊ YA EGÎDÊ CIMOYÊ VEBE
“Em dixwazin Egîdê Cimoyên nû derkevin”
“Dema em li betlaneyê bûn, rêveberiya Kurdistan24ê em ji kar derxistin”
