Polîsan li Stenbol û Îzmîrê êrîşî xwendekarên “Bêwargeh” kirine
Fotograf: Yurtsuzlar / Twitter
Ji bo nûçeya tirkî / ingilîzî bitikîne
Polîsan li Stenbol û Îzmîrê êrîşî çalakiya nobetê ya xwendekaran kiriye ku bihayên zêde ên wargehan protesto dikirin.
Hesabê bi navê “Yurtsuzlar” (Bêwargeh) li ser medyaya civakî diyar kiriye ku polîsan li Parka Modayê ya Kadikoyê êrîşî nobeta ciwanan kiriye. Ciwan 8 roj in heta sibê li wir dimînin. Polîsan derb li 50 kesan xistine û ew desteser kirine.
????#YurtsuzlarGözaltında diyerek bütün dostlarımızı günlerdir savunduğumuz nöbetin sesini yükseltmeye çağırıyoruz. Polis saldırısı sonucu yaklaşık 50 arkadaşımız gözaltına alındı.
— yurtsuzlar (@yurtsuzlar_) September 27, 2021
Li Îzmîrê jî nêzîkî 30 xwendekar hatine desteserkirin
Li Îzmîrê jî polîsan midaxele li nobeta “bêwargehan” kiriye. Polîsan nêzîkî 30 kes bi darê zorê desteser kirine û di nava mînîbusê de tundkarî li wan kirine.
Li nexweşxaneyê destê wan li paş wan qeyd kirine
GÖZALTINDA İŞKENCE VAR!
— yurtsuzlar (@yurtsuzlar_) September 27, 2021
İzmirde gözaltına alınan arkadaşlarımız Yeşilyurt Devlet Hastanesinde tekrardan darp edilerek işkenceyle kelepçeleniyor. Tüm kamuoyunu arkadaşlarımıza desteğe çağırıyoruz!#YurtsuzlarGözaltında pic.twitter.com/quZLZAuxys
Li Îzmîrê polîsan li ber deriyê Nexweşxaneya Perwerde û Lêkolînê ya Ataturkî ya Zanîngeha Katîp Çelebiyî wî xwendekarên desteserkirî derb kirine ku ji bo kontrola tenduristiyê ew birine wir.
Xwendekarên di nava mînîbusê de, ev vîdeo bi navê “di dema desteserkirinê de îşkence heye” li ser hesabên medyaya civakî weşandine. Di vîdeoyê te têdîtin ku polîs xwendekar avêtine erdê û bi tundkariyê dixwazin destên wan li paş wan qeyd bikin.
Daxwazên xwandekaran çi ne?
Li ser hesabê medya civakî yên “Tevgera Cih Tune Ku Em Lê Bihewin” hatiye destnîşankirin ku ji ber zêdebûna kirêyên xaniyan nikarin xaniya bigrin, di wargehên dewletê de jî cih ji wan re nîne lewra wan weke nerazîbûn li derve kon vedan û daxwaza çareseriya pirsgirêkan kirine.
Tevgerê di 20ê Îlonê de peyamek weha belav kiriye:
“Em xwendekarên zanîngehê yên ku bêmal, bêbûrs û bêwargeh hatine hêştin e. Heke hemû derfetên me yên ji bo ku em bibe xwedî cihekî ku di nava şert û mercên mirovî de em lê bijîn ji destê me hatibe girtin, em ê van derfetan biafirînin.”
Li Tirkiyeyê îsal 815 hezar û 365 xwendekar li zanîngehan bicihbûn in. Li gel xwendekarên ku li zanîngehan perwerdeyê dibînin pêdiviya hewandinê ya bi milyonan xwendekaran heye. (TP/FD)