Li Şirnex, Riha û Edeneyê gelek kes hatine desteserkirin

Ji bo nûçeya tirkî bitikîne

Lêpirsîneke Serdozgeriya Komarî ya Şirnexê weke hêcet hatiye nîşandan û polîsan vê sibê li taxên Nûr, Barbaros û Cûmhûriyetê yên navçeya Silopiya ya Şirnexê bi ser hin malan de girtine.

Li gorî nûçeya Ajansa Mezopotamyayê piştî lêgerînên li malan 4 kesên navên wan diyar bûne û gelek kesên navên wan nediyar in hatine desteserkirin.

Kesên hatine desteserkirin birine Rêvebiriya Polîsan a Şirnexê.

Edene

Li Ceyhan, navçeya Edeneyê polîsan di saetên sibê de bi ser malan de girtine û gelek kes desteserkirin.

Sedema desteserkirina wan nehatiye hînbûn û birine Rêvebiriya Polîsan a Navçeya Ceyhanê.

Riha

Di çarçoveya lêpirsîna Serdozgeriya Komarî a Rihayê de li 7 bajarên polîsan vê sibehê bi ser hin malan de girtine.

Di çarçoveya lêpirsînê de li bajarên Êlih, Mêrsîn, Konya, Antalya, Bedlîs û Stenbolê 11 kes hatine desteserkirin.

Diyar bûye ku dê kesên hatine desteserkirin bibin Rihayê.

(TY/AY)