Îbrahîm Reîsî, Serokomarê nû yê Îranê dest bi wezîfeyê kiriye

Fotograf: AA

Ji bo nûçeya tirkî bitikîne

Îbrahîm Reîsî di hilbijartinên serokomariyê de ku di 18ê Hezîranê de pêk hatibû, bi serketibû û roja Sêşemê mazbataya xwe ji Ayetûllah Alî Hamaneyî, Serokê Rûhanî yê wî welatî girtibû.

Piştî ku Reîsî hatiye ser wezîfeyê behsa nirxên olî û politikaya derveyî kiriye.

Reîsî destnîşan kiriye û gotiye, “Ez ê xwe fîdayî xizmeta gel, rûmeta welat, belavkirina exlaq û ol, piştgirîkirina edalet û heqîqetê bikim.”

Her weha Reîsî soz daye ku ew ê li dijî dijminên Îranê yên li herêmê û rojhilat têbikoşe.

Îbrahîm Rêîsî diyar kiriye ku encamên hilbijartinê li dijî “hêzên pozbilind” peyameke.

Reîsî soz daye ku ew ê pêwendiyên xwe bi welatên din yên rojhilata navîn re çak bike. Reîsî weha gotiye, “Ez destê biratî û dostayetiyê dirêjî di serî de cîranên me tevahî welatên herêmê dikim.”

Reîsî destnîşan kiriye ku tu “astengî” li pêşiya me nîne ku em têkiliyên xwe Erebîstana Siûdî re çak bikin.

Îbrahîm Reîsî di axavtina xwe de qala cezayên Dewletên Yekbûyî yê Amerîkayê(DYA) yên li ser Îranê kiriye û gotiye, divê ew ceza bên rakirin. Amadebûna welatê xwe ji bo diyalog û çareserkirina pirsgirêkan ragihandiye.

(PT/AY)