Di çarçoveya lêpirsîna ku li dijî Şaredariya Bajarê Mezin a Stenbolê hat destpêkirin de derbarê 106 kesî de biryara desteserkirinê hat dayîn û Serokê Şaredariya Bajarê Mezin a Stenbolê Ekrem Îmamoglû hat desteserkirin.
Kongreya Demokratîk a Gelan (HDK) têkildarî desteserkirina Şaredarê Bajarê Mezin ê Stenbolê Ekrem Îmamoglû daxuyaniyeke nivîskî weşand.
Di daxuyaniyê de hat gotin ku desteserkirin nayên qebûlkirin û wiha hate gotin:
“Tişta hatiye kirin derbeyeke li dijî rêgeza ewlehiya hiqûqê, dewleta hiqûqê, serbixwebûna darazê, mafê bijartina serbest û îradeya gel e. Lewma, bi aşkerayî binpêkirina destûra bingehîn re bi destê îktîdarê sûcekî makezagonî tê kirin. Nayê qebûlkirin ku Lihevkirina Bajar a di navbera CHP û DEM Partiyê weke sûc were nîşandan. Hemû xebatên demokratîk ên HDK’ê weke sûc hatine nîşandan û ev yek ji hêla hiqûq û demokrasiyê ve cihê bextreşiyê ye.
Em dibînin ku îktîdara ku qaşo digot li dijî zîhniyeta derbeker têdikoşe, yekser mekanîkên derbeyê bi xwe re dirêse. Pêdiviya welat ne bi derbeyan heye, bi aştî, demokrasî û hiqûqê heye. Îktîdareke ku li dijî gelên xwe şer daye destpêkirin, ji zû ve winda kiriye. Tekane tişta ku dikare van ewrên reş ji holê rake, israra demokrasiyê ya gel e. Em ê vê tarîtiyê belav bikin û pêşerojeke ronî ava bikin. Bila gumana kesekî ji vê nebe.”
