Emîne Şenyaşar: Bila edalet pêk were

Ji bo nûçeya tirkî / ingilîzî bitikîne

Emîne Şenyaşara ku xizmên Îbrahîm Halîl Yildiz, Parlamenterê Partiya Dad û Geşepêdanê du kurên wê û hevjînê wê kuştin û kurekî wê jî hate girtin, ev şeş meh in li ber avahiya Edliyeya Rihayê nobetê digire.

Bixwîne - Li Emîne Şenyaşarê doz hatiye vekirin

Emîne Şenyaşar her roj tevlî kurê xwe Ferît Şenyaşarî ji Pirsûsê diçe Rihayê.

Di Îlonê de jî li Rihayê germa 41 pîle ye. Nahêlin Şenyaşar biçin ber avahiyê û ew çend gav dûrî avahiyê rûdinin.

Nobeta wan di saetên sibehê de bi vekirina deriyên avahiya edliyeyê re destpê dike û saet di 17.00ê de diqede.

Emîne Şenyaşara ku ev 185 roj in nobeta edaletê digire got: “Ma va hikûmata. Ma ev ûcdan e. Em edaletê dixwazin. Em seva edaletê hatine li vir rûniştine.”

(RT/FD)