Dozgerî xwestiye Kavala, Aksakoglû û Yapici bi cezayê muebeta girankirî werin cezakirin

Ji bo nûçeya tirkî bitikîne

Edîp Şahiner, Dozgerê Komarî yê Doza Geziyê nêrîna xwe aşkere kiriya. Di dozê de Osman Kavala, karsaz û mafparêzê girtî jî tê de 15 kes tên dadgehkirin.

Dozgerî xwestiye Kavala neyê berdan ku Dadgeha Mafên Mirovan a Ewropayê (DMME) di 10ê Çiriya Pêşiyê de biryar dabû ku Kavala demildest divê serbest bimîne. Dozgerî xwest Kavalayê ku 828 roj in girtî ye, Yigit Aksakoglûyê ku 221 rojan girtî ma û paşê hate tehliyekirin û bersûc Mucella Yapicî bi cezayê muebeda girankirî werin cezakirin.

Ji bo mafparêzên din jî cezayê girtîgehê xwestiye

Dozgerî xwestiye Çîgdem Mater Utku, Ali Hakan Altinay, Mine Ozerden, Şerafettin Can Atalay, Tayfun Kahraman, Yigit Ali Ekmekçi ji 15 salan heta 20 salan werin cezakirin. Dozgerî di nêrîna xwe de diyar kiriye ku kesên navborî “xwestine bi tundkariyê hikûmeta Komara Tirkiyeyê ji holê rakin, li pêşiya karkirina wê bûne asteng.”

Xwestiye ku dosyayên bersûcên li derveyî Tirkiyeyê veqete

Dozgerî her weha destnîşan kiriye ku bila dosyayên Ayşe Pinar Alabora, Can Dundar, Gokçe Yilmaz, Handan Meltem Arikan, Hanzade Hikmet Germiyanoglu, Mehmet Ali Alabora û İnanç Ekmekçiyî werin veqetandin. Her weha îdia kiriye ku van û Kavala, Aksakoglû û Yapiciyê heman sûc kirine. (HA/FD)