Walîtîya Şirnexê da zanîn ku ji sibeyê pê ve ji bo 15 rojan 22 cihên Şirnexê dê bibin Herêmên Ewlehiya Taybet.

Rêxistinên rojnamegeran DISK Basin Îş, RSF, TGS û TGCyê bangî her kesan kirin ku di siet 19.00ê de biçin ber Cumhurîyetê.

Serokê Partiya Sosyalîstên Ewropayê Stanishev ligel Hevserokê Giştî yê HDPê Selahattîn Demirtaş bi awayekî hevpar civîna çapemeniyê lidar xist û di axavtina xwe de got ku ew ji ber serxwebûna dadê û geşedanên herî dawî yên li Tirkiyeyê fikar in.

Dozgerîyê biryara desteserkirina şêwirmend û nivîskarê Rojnameya Cumhurîyetê û endamê Dîwana Birêveber a IPIyê, Kadrî Gûrselî û midûrê mûhasebeyê yê Rojnameya Cumhuriyetê Gûselî Ozaltayî daye.

Di çarçevoya lepirsîna bi îdiaya “FETO/PYD” û “KCK/PKK” de îro polîsan avêtin ser rojnameya Cumhuriyetê. Derbarê lêpirsîna pêk tînin de biryara veşartinê dan.

Hilbijartinên zanîngehan hatin betalkirin. Serokkomar dê serokên zanîngehan erkdar bike. Zanîngeha Bogazîçîyê çar meh in ku serokê zanîngehê hilbijartiye lê serokê zanîngehê hê jî nehatiye erkdarkirin, 17 zanîngehên dî jî di heman rewşê de ne.

Bi KHKên hejmara 676an ku nû hat îlankirin ve DÎHA, JÎNHA, Azadiya Welat û Yuksekova Haber jî tê de gelek rojname, ajans, kovar û malperên nûçeyan hatin girtin.

Polîsan bi ser mala berpirsê weşana giştî Murat Sabûncû, berpirsê lijneya îcrayê Akin Atalay û endamê dîwana Birêvebir a Weqfa Cumhurîyetê Guray Oz de girtin, Sabuncu û Oz desteser kirin.

Hevşaredarên Amedê Gultan Kişanak û Firat Anli û Berdevka KJAyê Ayla Akat hatin girtin.

Bînalî Yildirimê serokwezîr li ser desteserkirina hevserokên Şaredariya Bajarê Mezin a Amedê got: ‘’pêvajo çawa biqede li gor wê divê hereket bê kirin.’’

Her du keçên êzidî Nadia Mûrad û Lamiya Beşar, Xelata Azadiya Fikr û Raman a Saxarov standin.

Tanrikuluyê parlamenterê CHPyê li ser desteserkirina hevserokên Şaredariya Bajarê Mezin a Amedê, Kişanak û Anliyî bi van gotinan nerazîbûna xwe dîyar kir: ‘’mirov di heman avê de du caran xwe naşûn lê belkî Tirkiyeyê ji bo kêşeya kurdan deh caran xwe şûştiye.’’

Hevserokê Giştî yê HDPê Selahattîn Demirtaş diyar kir ku hetanî hevşaredarên wan serbest werin berdan ew dê çalakiyên xwe bidomînin ûı got: “Derketina qadan mafeke meşrû ye.”

Serokwezîrê Hikûmeta Herêma Kurdistanê Neçîrvan Barzanî daxuyand ku piştî operasyona Mûsilê wê hewldanên ji bo serxwebûnê destpê bike.

Grup Yorumê bi enstrumanên xwe yên ku di serdegirtina polîsan de hatine şikandin ve kilîbek çêkirin.

Walîtîya Amedê di 25ê Çiriya Pêşiyê de ji bo 16 gundên navçeyên Hênê û Licê derketina derve qedexe kiribû, walîtîyê îro qedexe rakir.

Nêzîkî 100 rêxistinên jinan û LGBTÎyan ji bo desteserkirina hevseroka Şaredariya Bajarê Mezin a Amedê nerazîbûna xwe dîyar kir.

Serokê Herêma Kurdistanê-Iraq, Mesûd Barzanîyî da zanîn ku li gor hevpeymanê hêzên Pêşmerge dê neçin navenda Mûsilê.

Hevserokê Giştî yê HDPê Selahattîn Demirtaş got: “Me heta niha digot em hilbijartina pêşwext bikin. Lê qisûrê nenêrin, hilbijartin nîn e. Niha hetanî ku hevşaredarên me neyên berdan û nezivirin ser wezîfeya xwe em dest jî berxwedanê bernadin.”

Rojnameger Hamza Aktan ji ber twitên parvekiriye bi îdiya “propagandaya rêxistinê kiriye” ve tê dadkirin û derbarê wî de heta 5 salan cezayê hepiskirinê tê xwestin. Rûniştina yekem ya dozê îro hat kirin.