Rêxistina Navneteweyî ya Bexişînê da zanîn ku “bi zordariya rayedarên Tirkiyeyê, bi hezaran kesên li Sûrê jî tê de, nêzîkî nîv milyon kes mecbûr mane bar bikin.”

Hevserokê Şaredariya Şemzînanê, Seferî Yilmaz bi îdiaya “endambûna rêxistinê” hatiye girtin. Hejmara hevserokên DBPyî yê girtî bû 48.

Polîsan hevserokê Şaredariya Peyasê(Yenîşehîr), Mehmet Alî Aydin û hevserokê Şaredariya Bajarê Nû(Yenîşehîr) desteser kir.

Polîsan Asoc. Prof.Dr. Fatîh Gûrsul desteser kir. Gûrsul şêwirmendê berê yê Kemal Kiliçdaroglûyê serokê Partiya Komarî ya Gelî(CHP) bû.

Tijekirina depoyeke 50 litreyî; ji bo wesayîtên bi benzîn 15.5, bo wesayîtên bi mazot jî 13,5 biha bû. Di nav 42 dewletên Ewropayê de Tirkiye di rêza 12. de ye ku benzîna herî biha bi kar tîne.

Di meha Mijdarê de herî kêm 190 kedkar canê xwe ji dest dan. Di nav kedkarên mirine de 8 jê jin, 182 jî mêr in.

Serokwezîrê Îtalyayê eşkere kiribû ku heke bi referandûmê xelkê Îtalyayê guhertina Qanûna Bingehîn red bike, ew dê îstifa bike. Îtalyayê guhertina Qanûna Bingehîn red kir, serokwezîr dê îstifa bike.

Ersin Çaksu di merasîmê de axivî û got: “Dema rojname hatibû bombekirin Ahmet Altanê hatibû ku rojname belav bike. Ew niha di zinadanê de ye. Zana Kayayê ku hatibû vir jî di girtîgehê de ye. Necmiye Alpay, Asli Erdogan û Înan Kizilkaya di zindanan de ne.”

Hevşarerdarên Çelê Hîlal Duman û Servet Tunç, Cîgira Hevşaredara Geverê Adûle Kozay û Hevşaredarê Şemzînanê Seferî Yilmaz hatin binçavkirin.

Li Awistûryayê hilbijartina serokkomariyê ji nû ve hat kirin û dîsa Van der Bellenî qezenc kir.

Ji sedî 14ê jinên hatîn kuştin ji ber ku wan xwestine ji mêrê xwe cida bibin hatine kuştin. Îstismar li 35 keçên zarok hatiye kirin, ji sedî 60ê van bûyeran li dibistanan bûye.

Li Samsûnê komeka êrîşkaran êrîşî fenomenê medyaya civakî, Kerîmcan Durmazî kirin û poz da rojnamegeran.

Piştî girtina Hevşaredarên Milazgirê, qaymeqamê navçeyê weke qayûm li şaredariyê hat tayînkirin. Bi vî awayî hejmara şaredariyên DBPê ku qayûm lê hatine tayînkirin, derkete 36an.

Çagla Sevena ku di Qetlîama Pirsûsê de birîndar bûbû derbarê dermankirina xwe û 500 rojên piştî qetlîamê de ji bianet’ê re axivî.

Li navçeya Çelê ya Colemêrgê leşkeran li dijî hêzên PKKê operasyon pêk anîn û di encama şerê derketî de 3 leşker hatin kuştin, 3 leşker jî birîndar bûn.

Li Bûyûkçekmeceyê dema ku karkerekê tankêreka petrolê qeynax dikir tankêr teqiyaye, kesek miriye.

Li Stenbolê dema çar parêzer û 5 xwendekarên dadnasiyê li kolanekê dimeşiyan polîsan ew desteserkirine û bi zorê Sirûda Mehterê(Sirûda Împeretoriya Osmanîyan) li wan da guhdarkirin.

Wezîra Polîtîkayên Civakî û Malbatî bersiv da pirsnameya Parlementerê CHPê Tanrikulu û got ku li Tirkiyeyê 137 stargehên jinan hene û li 49 bajaran jî ŞONIMan faliyetan pêk tînin.

Heyeta CHPê bi Demirtaş û Turk re hevdîtin pêk anîn. Demirtaş got: “Min dizanibû ku ez ê werim girtin, lê ez dîsa jî neçûm derveyê welêt.” Ahmet Turk jî di wê hevdîtinê de got: “Bila aştî were avakirin, ez raziyê her tiştê me.”

Serokkomarê Recep Tayyîp Erdogan dîyar kiribû ku êrîşa di 24ê Çiriya Pêşiyê de, li Sûriyeyê li leşkerên Tirkiyeyê hatibû kirin, hêzên rejîmê kirine. Wezîrê Karên derrve yên Rûsyayê Lavrovî eşkere kir ku “ne hêzên rejîmê ne jî hêzên Rûsyayê êrîş nekirine.”