Îro destê sibehê li gelek bajaran li dijî HDPê operasyon hat kirin. Di encama serdegirtinên li dijî hevserok, rêvebir û endamên HDPê de heta biha herî kêm 235 kes hatin binçavkirin.

Teyrên Baz ên Azadiya Kurdistanê(TAK) eşkere kir ku êrîşa li yarîgeha Vodafone Arenayê wê kiriye.

Li Stenbolê piştî maça Beşiktaş-Bursasporê teqîneke mezin pêk hat.

Weqfa IPSyê/bianetê ji bo rojnamegerên bêkar hatîn hiştin dest bi projeyekê kir. Nûçeyên ku dê bi projeya “Rojnamegerên bêkar li pey nûçeya xwe ne” bêne amadekirin dê di bianetê de bêne weşandin.

Şêwirmenda weşana bianetê û rojnamegera Nadîre Mater, ji ber Nobedariya Berpirsiyarîya Weşana Ozgûr Gûndemê îro hat dadkirin. Doz hat paşdedan di 14ê Sibatê de Mater dê dîsa bê dadkirin.

Erdoganî got ew gelî pîroz dike ku wan Dolarên xwe hûr kirine lê ew ne bes e divê zêdetir hûr bikin.

Yekem astronotê ji Amerîkayê yê ku li dora dinyayê geriyaye, John Glenn di 95 saliya xwe de mir.

Dadgeha Yewnanîstanê derbarê 2 leşkerên tirk ku piştî 15ê Tîrmehê revîbûn wir de biryar da û daxwaza Tirkiyeyê ya readestkirina wan red kir.

Rêxistinên çapemeniyê yên li Tirkiyeyê û gelek saziyên navneteweyî ji balkişandina ser rojnamegerên girtî wê îro di Twitterê de bi hastinga #GazetecilikSuçDeğildir û #FreeTurkeyJournalists (rojnamegerî sûc nîn e) ve peyaman belav bikin. Wê di 10ê Kanûnê de jî li ber Girtîgeha Silivriyê jî çalakî were lidarxistin.

Hevşaredara Geverê Adîle Kozay hat girtin. Bi vî awayî hejmara hevşaredarên DBPî ku hatine girtin derkete 55an.

Hevşaredara Geverê Adîle Kozay hat girtin. Bi vî awayî hejmara hevşaredarên DBPî ku hatine girtin derkete 55an.

Wezîrê Karên Derve yê Rûsyayê Sergey Lavrov ragihand ku ji ber rewşa nebaş ên sivilên li Helebê Artêşa Sûrî operasyonên xwe yên li bajêr dane sekinandin ku ew sivîlana werin tehliyekirin.

Şeva dî êrîş li Rojnameya Yenîçagê hat kirin. Rojanmeya Yenîçagê, rojnameya MHPyîyên mixalif e.

Berdevkê HDPê Bilgen derbarê çêkirina makeqanûnê de got: “Dixwazin Erdogan bibaprêzin û derbarê rewşa wî de hiqûqeke beredayî çêbikin. Niha hewl didin riyek bibînin ka vê yekê çawa bi civakê ve bidin qebûlkirin.”

TSK(Hêzên Leşkerên Tirk) û AAS(Artêşa Azad a Sûriyeyê) li Sûriyeyê Operasyona Mertalê Firadê bi rê ve dibe. Li nêzîkî El Babê DAIŞê êrîşî leşkerên Tirkiyeyê kiriye û şeş leşker birîndar kirine.

Dema Îsmet Sezgin Wezîrê Karên Hundir bû 47 kes piştî binçavkirinê hatin qetilkirin. Dayîkên Şemiyê daxuyanî û got: “Îsmet Sezginê ku ji bo daxwaza malbatên kesên winda re digot ‘winda nîn e, firar kiriye’, bêyî hesabdayînê mir.”

Çawîşê pispor yê bi navê Ahmet Şahin ku di operasyona TSK/OSOyê de hate kuştin û cenazeyê wî şandin Afyonkarahisarê. Bi vî awayî hejmara leşkerên Tirkiyeyê ku li Sûriyê mirine derkete 19an.

Rayedarên Tirkiyeyê destûr neda ku desteya Partiya Çepgir a Swêdê Yûksekdagê di girtîgehê de bibîne. Aysel Tûglûk û Sîbel Yîgîtalp çûn serdana Yûksekdagê.

Hevşaredarên Yenişehir, Peyas û Çelê hatin girtin û piştre li her sê şaredariyan qayûm hatin tayînkirin.

Hevserokê Giştî yê HDPê Selahattîn Demirtaş ku ji 4ê Mijdarê vir ve girtî ye, di nameya xwe ya şandî de diyar kir ku her ciqas bi awayekî zorkirinê warê wî hatibe guherandin jî moral û kelecana wî gelek zêde ye û rewşa wî jî baş e.