Piştî Akademîsyenên Aştîxwaz danezana “Em Nabin Hevparê vê Sûcê” ragihandibûn, Sedat Peker gef li wan xwaribû. Li ser gilîkirinê wê demê derbarê Peker de doz hat vekirin û rûniştina yekem wê sibê li Dadgeha Anadolu Kartalê were kirin.

RTUK(Lijneya Bilind a Radyo û Televizyonan) bi fermana serokwezîrîyê digel nûnerên televizyonan civîya. Li gor RTUKê eşkere kirî ji bilî nûçeyên bi agahî û dîmenên ji aliyên fermî ve hatîn, çêkirina nûçeyên bilez qedexe ye.

Wezîrê Karên Derve yê Rûsyayê, Lavrovî eşkere kir ku mekanîzmaya di navbera Rûsya, Tirkiye û Amerîkayê de ji bo aştiya li Sûriyeyê kar dike.

Di 15ê Tîrmehê de piştî Hewldana Derbekirinê, 8 leşkerên Tirkiyeyê çûbûn Yewnanîstanê. Leşker ji wê demê ve desteserkirî ne. Dadgeha Yewnanîstanê dema desteserkirina 8 leşkerên Tirkiyeyê sê mehan dirêj kir.

Derbarê Parlamenterên HDPê yên Rihayê Îbrahim Ayhan û Dîlek Ocalan de biryara girtinê hat derxistin.

Walîtîya Dîlokê da zanîn ku ji bo mehekê li Dîlokê hemî çalakîyên li derveyî avahiyan yên wek kampanyayên îmzekomkirinê, daxuyaniyên ji bo çapemeniyê û hwd. qedexe ne.

Standart&Poor'sê di 27ê Kanûna Paşiyê de, di rapora nîşandana pleya kredî-danê de nota kredîyan a Tirkiyeyê kêm kir. Ji bilî kêmkirina kredîya wî welatî nota çar banqeyên wê yên bi navê İş, Vakıflar, Yapı ve Kredi û Garanti kêm kir.

Xwediyê Pac-Manê, Masaya Nakamurayê 91 salî mir. Nakamura avakerê şirketa pêlîstok û kodgerîyê ya Namcoyê bû.

Ayhan Bîlgen piştî ku hat desteserkirin, hat serbestberdan. Serdozgerîyê îtiraz kir li ser vê yekê Bîlgen hat girtin.

DBP, DTK, HDK, HDP û Tevgera Jinên Azad ji bo li referandûmê dengê “na” bê dayin danezana hevpar eşkere kir.

Prof. Dr. Mîne Gencel Bekê got “li şûna her roj em li bendê bimînin ku ji karê xwe bêne derêxistin, ez dixwazim li cîhana xwe ya xwendin û nivîsînê vegerim ku ew ti caran nankorîyan nake.”

Trumpî bi biryarnameyekê qedexe kir ku welatiyên heft welatan têbikevin DYAyê, ji bo vê yekê xwenîşandan têne kirin.

Parlementera Mûşê ya HDPê Bûrcû Çelik derbarê îdiaya ku li Girtîgeha Edirneyê îşkence û muameleya nebaş tê kirin ji Wezîrê Dadê Bekir Bozdag pirsî.

Parlementerên HDPê Ayhan Bilgen û Meral Daniş Beştaş duh careke din hatin binçavkirin û derbarê Daniş-Beştaş de biryara girtinê hat dayîn. Herwiha Parlementerê Wanê Lezgîn Botan jî piştî binçavkirinê serbest hat berdan.

Wezîrê Karên Derve yê Rûsyayê Sergey Lavrov derbarê pilana herêma ewle ku Serokê Amerîkayê Tramp anîbû ziman de got ku divê ev yek bi destûrdayîna hukimeta Sûriyê pêk were.

Polîsekê bi navê Mehmet Ergîn ji beriya neh salan bi îdiaya ku wî ji Gemîkî re gotiye bisekine û ew nesekiniye, ew kuştibû. 13 sal cezayê girtinê ji bo wî hat dayin.

Endamê Lijneya Weşana BirGunê Bariş Ince li ser banga ji bo îfadedayînê dema çû emniyetê ji ber lêpirsîneke din hat binçavkirin. Ince piştî îfadedayînê li Dadgeha Çaglayanê serbest hat berdan.

Wezareta Karên Navxweyî eşkere kir ku di navbera 23 û 30ê Kanûna Paşiyê de 986 kes hatine desteserkirin, 84 kes hatine girtin.

Derbarê Serokwekîlê Koma HDPê Îdrîs Baluken ku ji 4ê Mijdarê vir ve girtî bû de, di rûniştina dozê ya îro de serbest hat berdan.

Di daxuyaniya hevpar ya serokên 18 baroyan de wiha hat gotin: “Di bin navê guherandina makeqanûnê de erkê hukumdariyê didin kesekî lê navê sîsyemê jî kirine serokomarî. Ev yek îktîdarbûna yekkesî ye.”