Li dijî Dogan Holdîngê operasyon hat kirin. Rêvebirê holdîngê Erem Turgut Yucel û rêvenbirê berê Yahya Uzdiyen hatin binçavkirin. Tê zanîn ku di çarçoveya heman lêpirsîna ku beriya niha destpê kiribû de nûnerê Dogan Holdîngê yê Enqereyê Barbaros Muratoglu jî hatibû girtin.

Hevserokên Rêxistina HDPê yên Stenbolê jî tê de 9 kesên ku 25 roj in binçavkirî bûn, hatin girtin. Derbarê 2 rêvebirên HDPê de jî cezayê hepiskirina di malê de hat dayîn.

Walîtîya Amedê da zanîn ku operasyonên li dijî PKKyê hatine dest pê kirin û ji ber wan operasyonan li 10 gundên Amedê derketina derve qedexe ye.

Di şerê li El Babê de du leşkerên dî jî mirin. Hejmara leşkerên di operasyonên Tevgera Mertalê Firatê de mirîn bû 43.

Hevserokê Giştî yê HDPê Demirtaş derbarê êrişa Reînayê de daxuyaniyek ji girtîgehê şand û got: “Divê desthilatdarê siyasî hêza xwe ne ji bo êrişên li dijî HDPê, ji bo aştî û ewlehiya civakî xerc bike.”

Cihgirê serokê Partiya Nijadperest a Gelî(MHP) Atîla Kayayî ji ber hewildanên serokê MHPyê yên ji bo referandûmê dest ji karê xwe berda.

10 rêvebir û nivîskarên Cumhuriyetê bi hinceta ‘di dest de hêj delîl nîn e’ ve nehatin tehliyekirin.

Kesek an jî hin kesan kûçikê xwe li Karakoyê hişt û bi vapûrê çû aliyê dî yê avê(Kadikoy). Kûçikî jî xwest li vapûrê siwar bibe. Karkeran destûr neda kûçikê bêxwedî. Ji bo kûçikî seferên vapûrê sekinîn.

Parlementera Şirnexê Leyla Birlik ku rûniştina doza derbarê wê piştî girtina du mehan hat kirin de, biryara tehliyekirinê hat dayîn.

Barbaros Şansal ku ji ber parvekirinên twitterê ji Bakurê Qibrîsê hatibû dersînorkirin û dema anîbûn Tirkiyeyê ewil hatibû lînckirin piştre jî polîsan wî binçav kiribûn de biryara girtinê hat dayîn.

Hat zanîn ku Ahmet Şikê rojnameger ji beriya du rojan ji Girtîgeha Metîsê ji bo Girtîgeha Silîvrîyê hatiye birin.

Xwediyê Îmtiyazê Ozgur Gundemê Kemal Sancili ku li Rihayê hatibû binçavkirin, bi SESGISê îfade da Dadweriya Stenbolê û bi îdiaya ‘endamê rêxistinê ye’ hat girtin.

Rewşa Awarte ji 19ê Kanûna Paşiyê ve sê mehan hat dirêjkirin.

Parlementerê HDPê Ziya Pir ku rûniştina doza Nûrsel Aydogan dişopand dema ji dadgehê derdiket hat binçavkirin. Pir piştî îfadedayîna li dozgeriyê serbest hat berdan.

HDPê derbarê guherandina makeqanûnê de şerha muxalefetê diyar kir. Di wê şerhê de hat gotin ku di makeqanûna nû de ferqmeyilî li ser hin aliyên civakê hatiye kirin û her wiha aştiya di nav civakê de jî tê binpêkirin.

Mixalifên Sûriyeyê bi garantoriya Rûsya û Tirkiyeyê hevpeymaneka agirbestê îmze kiribû. Dihat plankirin ku li paytexta Qazakistanê hevdîtinên ji bo aştiyê bêne kirin û amadekariyên ji bo vê yekê dihatin kirin. Mixalifan dan zanîn ku wan amadekariyên xwe sekinandine.

Partiya Komarî ya Gelî(CHP) sebebên mixalefeta li Qanûna Bingehîn a nû eşkere kir. Partiya Dad û Geşepêdanê(AKP) reşbelekeka Qanûna Bingehîn amade kiriye û dixwaze ew bibe Qanûna Bingehîn a nû.

John Berger ku bi pirtûkên xwe yên ‘Awayên Dîtinê’, ‘G.’, ‘Fotokopî’ tê naskirin wefat kir. Berger 90 salî bû.

Halime û Ramazan Akdag du cotkar in. Polîsan ji ber ku kovar û kitêb li mala wan dîtine ew desteser kiribûn. Bi biryara Dageha Menderesê herdu cotkarên ku nizanin bixwînin ji girtîgehê hatin derêxistin.

Barbaros Şansalê ku li Bakurê Qibrisê bû ji ber parvekirinên xwe yên di medyaya civakî hat dersînorkirin, duh dema li Balafirgeha Ataturkê peya bû girseyek hewl da ku wî lînc bike.