Wezîrê karên derve yê Rûsyayê Lavrov û wezîrê karên derve yê Tirkiyeyê Çavûşoglûyî diyar kiribû ku DYA dê beşdarî civînên li Astanayê bibe, Îranê nerazîbûna xwe diyar kir.

Sê rojnameger; Tunca Ogreten, Mahîr Kanaat û Omer Çelîk hatin girtin. Metîn Yoksû, Derya Okatan û Eray Saygin serbest hatin berdan.

Derbarê Hevserokên Giştî yên HDPê Selahattîn Demirtaş û Figen Yuksekdag de îdianame hat nivîsandin. Li gorî wê yekê ji Demirtaş re 142 sal, ji Yuksekdag re jî 83 sal ceza hat xwestin.

Qaymeqamê Bêgirê Mehmet Fatih Çelikel piştî binçavkirina Hevşaredar Mehmet Ali Tunç îro weke qayûm li şaredariyê hat tayînkirin.

Lîstîkvan Mehmet Aslan ku ji MHPê bûbû namzetê parlementeriyê bi îdiya ‘heqaret li serokomar kiriye’ hat binçavkirin.

Ceylan Onkol keçek 12 salî bû ku dema wê heywanên xwe ji bo çêreyî biribû derve bi teqînekê miribû. Malbata Onkolê li DMMEyê doz li dewletê vekir lê DMMEyê biryar da ku de mafên mirovan nehatine binpêkirin.

Di doza Pasûrê de dadgehê biryar da ku ji Sererkaniyê were pirsîn ka operasyon bi emrê kî ve hatiye kirin.

Waliyê Stenbolê piştî desteserkirina êrîşkarê Reînayê daxuyanîyek da.

Êrîşkarekê êrîşî avahiya şahiyê ya Reînayê kiribû û 39 kes kuştibûn, hat girtin.

Li Amed û Şirnexê teqîn pêk hatin. Li Amedê polîsek mir, li Şirnexê jî hin kes birîndar bûn.

6 rojnamegerên ku ji 25ê Kanûnê vir ve binçavkirî ne, wê îro li emniyetê îfadeyên wan were hilanîn.

HDPê derbarê wan dîmenên ku li Sûrê hatibû kişandin de pirsname da meclisê. Di wê dîmenan de dixwiyê ku tîmên taybet jin û zarokan tazî dikin û bi heqerat û dijûnan ve wan kontrol dikin. HDPê ji meclisê pirsî ka wan dîmenan kî kişandiye û weşandiye û aqûbeta wan ji n û zarokan niha çiye?

Ji ber ku Garo Paylanî gotina “qirkirin” bi kar anibû, parlamenê cezayê beşdarnebûna sê civînên parlamentoyê dabû wî. Li ser vê yekê Paylanîş serî li Dadgeha Makeqanûnê da.

Lîderê Filîstînê Mehmût Ebas çû Vatîkanê û bi Papa Francesco re hevdîtin pêk anîn. Piştî wê hevdîtinê Abbas bi merasîmek ve Konsulxaneya Dewleta Filîstînê ya li Vatîkanê vekir.

Hevşaredarê Bajarê Mezin û Ahmet Turk û Hevşaredarê Bajarê Mezin a Amedê Firat Anli sewqî Girtîgeha Xarpêtê hatin kirin.

Xala 17. ya Makeqanûna nû bi 342 dengên erê û 135 dengên na hat qebûlkirin, xala 18. bi 344 dengên erê û 131 dengên na hat qebûlkirin.

Li paytexta Qirgizîstanê, li Bişkekê balafireka bi cûreyê Boeng 747ê ket. 32 kes mirin.

Axavtin û dengdanên ji bo guhertina makeqanûnê duh jî dewam kirin. Duh qanûnên 9.,10., 11. û 12. ji meclisê derbas bû.

Di roja pêncem a axavtin û dengdanên ji bo guhertina makeqanûnê de qanûnên 9.,10., 11. û 12. ji meclisê derbas bû.

Parlamenterê CHPyê kûçikê xwe anî parlamentoyê. Baltayê AKPyî îdia kiribû ku parlamenterekê/a CHPyê gez li wî kiriye. Li ser vê yekê hin parlamenterên AKPyê nivîsên wek “kûçik nikarin bên” li ser kaxezan nivîsîbûn û nûşan dabûn.