Nobeta Wicdan û Edaletê ya HDPyê li Parka Yogûrtçûyê di roja çarem de ye. Hişyar Ozsoy ê ku îro di civîna çapemeniyê de axivî, polîtîkayên derve û hundur ên AKPyê û Erdoganî rexne kir.

Berdevkê Hêzên Hevpeyman ên li dijî DAIŞê têdikoşin, Albayê Ryan Dillonî eşkere kir nûçeya Ajansa Anadolûyê ya diyar kiribû ji bo YPGyê 900 TIR çek hatine şandin ne rast e.

Ji 205 kedkarên ku di meha Tîrmehê de mirin e 163 heb ji wan karker in. Her wiha 30 cotkar an jî xwediyên erdên biçûk û 12 jî esnaf, bi giştî 42 kesên li ser hesabê xwe kar dikirin di vê mehê de mirin e.

Bi banga Platforma Berxwedana ji bo Jinên Dîlgirtî jin siet 11ê kom bûn û qirkirina Êzidîyan protesto kir.

Yekîtiya Weşangerên Navdewletî ji bo ku balê bikişînin ser mercên zehmet yên derbarê azadiya xweîfadekirinê yên li Tirkiyê wê xelata Voltaire ya 2017ê bidin weşanger Tûrhan Gunayî û Weşanên Evrenselê ku di nava 30 weşanên di encama KHKyê de hatibûn girtin de bû.

12 parlamenterên HDPyê di sêyem roja nobetê de bi paqijiya derdorê û kirina sporê dest bi rojê kirin. Onder îro di civîna çapemeniyê de axivî û got, nahêlin zêdetirî 60 kesan bikevin Parka Yogûrtçû yê.

Dîrektorê Asyaya Navîn û Ewropayê yê HRWyê Williamsonî got: “Hin delîl hene ku rê dide em bifikirin rayedarên dewletê bi zorê ew bêserûşûn kirine.”

Kurtefilmê bi navê “Dijî”, behsa hişyarkirina Nûriye Gulmen û Semîh Ozakçayî ya di girtîgehê de ji hêla gardiyanan ve dike.

Di meha Tîrmehê de bi hêceta cilikên jinan ya kêm tûndkarî li sê jinan hatiye kirin. Di mehên havînê de li şûna dibistanan destdirêjî li qursên hînkirina Quranê hat kirin.

Polîsan rojnamegerê Fransî yê bi navê Loup Bureau li Deriyê Sînorî yê Xabûrê desteser kir, dozgerîyê biryara girtina wî da.

Parlamenterê HDPyê yê Wanê Lezgîn Botan li Balafirxaneya Ferît Melen a Wanê hat desteserkirin û piştî demekê biryara serbestiyê ji bo wî hat dayin.

Mafparêzên Idil Eser, Ozlem Dalkiran û Nalan Erkem ji bo Girtîgeha Silîvrîyê hatibûn şandin, piştî wan ji bo Alî Garawî û Peter Steudtnerî jî heman biryar hat dayin.

Parlamenterên HDPyê li Stenbolê bi paqijiya derdorê dest bi roja duyem a Wicdan û Edaletê kirin. Di nava rojê de wê meş û serdan ber bi Parka Yogûrtçûyê çêbibin.

Li gorî bersiva ku Wezareta Dadê li ser pirsa Adiguzelî parlamenterê CHPyê daye, di girtîgehan de 2800 zarok hene ku temenê wan ji 12yan heta 17yan e. Herwiha ji 2013yê heta niha 13 zarok di girtîgehan de mirine ku 6an xwekuştine.

Walîtiya Enqereyê çalakiyên li hemberî girtina Semîh Ozakça û Nûriye Gulmenê û yên ji bo piştevaniya wan kir hincet û biryar girt ku ji bo mehekê li Enqereyê hemû çalakî bên qedexekirin.

Li Stenbolê wesayiteka zirxkirî ya polîsan li zarokekê ji Sûriyeyê da. Zarok ji bo nexweşxaneyê hat birin lê li nexweşxaneyê mir.

Odeya Bijîşkên Amedê û Şaxa Amedê ya SESê diyar kirin ku navnîşan û kargehên bijîşkên li Amedê hatin girtin aşkere bûn û her roj bi dehan nexweş derman dikirin, heke ku ji bo îfadeyê bang li wan bihata kirin ew ê biçûna.

Nobeta Wicdan û Edaletê ya ku HDPyê di 25ê Tîrmehê de li Parka Ekîn Ceren a Amedê dabû destpêkirin wê li Parka Yogûrtçû ya Kadikoyê berdewam bike. Polîsan tenê ji bo parlamenter û rêveberên Kadikoyê yên HDPyê destûra ketina Parka Yogûrtçûyê dan.

Li ser rêya di navbera Lice û Qulpê de teqeminay ku berê hatibû bicîkirin hat teqandin û di encamê de yek jê serdar du leşker mirin, leşkerek jî birîndar bû.

Almanyayê ji YEyê re dokumanek şand û tê de daxwaz kir ku fişara aboriyê li ser Tirkiyeyê zêde bike û di çarçoveya gotûbêjên endamtiyê de lêkolînê bikin ku wê karibin alîkariyên darayî qut bikin an na.