Baskê jêr ê Parlamentoya Hollandayê, pêşnûmeyek qebûl kir ku bûyerên 1915yê weke qirkirin nas dike. Hikûmeta Hollandayê aşkere kir ku ew ê weke parlamentoyê tevnegerin.

Rêxistina Çavdêriya li Mafên Mirovan(HRW) îro eşkere kir ku di sê bombardimanên Hêzên Çekdar ên Tirkan(TSK) kirîn de “welê dixweyî ku ji bo parastina sivîlan tedbîrên pêwîst nehatine girtin.”

Walîtîya Enqereyê hemî çalakiyên rêxistinên LGBTyê qedexe kiribû, komeleyên KaosGL û Pembe Hayatê ji bo betalkirina biryarê doz vekirin. Dadgehan daxwaza komeleyên LGBTyê red kir.

Ajansa nûçeyan a navneteweyî, Reutersê agahiyên nûçeyeka xwe spartiye şahidekê û diyar kiriye Artêşa Sûriyeyê li Helebê ket herêmên di bin kontrola Yekîneyên Parastina Gelî(YPG) de.

Komîserê berpirsê geşepêdanên Yekîtîya Ewropayê(YE), Johannes Hahn bi rojnameya Die WEltê re li ser rewşa hiqûqa li Tirkiyeyê axivîye.

Lijneya Ewlehiyê ya Netweyên Yekbûyî, ji bo li Sûriyeyê 30 rojan agirbest bê îlankirin reşbelekek amade kiriye. Endamên lijneyê ji bo qebûlkirina reşbelekê dê îro deng bidin.

Partiya Dad û Geşepêdanê(AKP) û Partiya Nijadperest a Gelî(MHP) ji bo hevpeymaniya di hilbijartinan de reşbelekeka guhertina qanûnan daye meclîsê.

Girtîya trans Dîren Coşkûn li girtîgehê 27 rojan ket rojiya mirinê. Piştî hevdîtinên digel birêvebiriya girtîgehê Coşkûnê îro navber da rojiya mirinê.

Berdevkê serokkomariyê, Îbrahîm Kalinî got peywendiya Tirkiyeyê û Sûriyeyê ya rasterast nîne lê yek ji hersê garantorên Sûriyeyê Tirkiye ye û pêwîst be peywendî dê bêne danîn.

Birêvebirên HDP/HDKyê Celalettin Can, Filiz Yılmaz, Metin İlan, Suphi Yıldız, Bedia Aydemir, Gonca Yangöz, Şamil Altan, Abdulselam Yolcu, Taylan Talaş, Hüseyin Gencer, Atilla Sayır, Erhan Sarıkaya, Gülsen Biter, Vahit Dalgıç, Taylan Ürün û Can Memiş hatin girtin.

Dema min bi mereqdariyê li wî kesê li erdê dinêrî hinekan hewil da wî ji erdê rake. Dema wê komê ez bi paş de avêtim ciwanê serê wî şikestî ji ber çavê min çû, ez reviyam û dûr ketim.

Kûtay Merîç Endamê Lijneya Rêveberiya Navendî ya Halkevleriyê û Serdar Başçetîn Akademisyenê Aştîxwaz hatin girtin ku ji ber parvekirinên wan ên medyaya civakî heft roj in desteserkirî bûn.

Li navçeya Qilabanê ya bajarê Şirnexê leşkeran çar hêstir desteser kirine û gotine “piştî temamkirina pêvajoya desteserkirinê dê ji bo serdozgeriyê bêne şandin.”

Hêzên Asîmanan yên Sûriyeyê ji asîmanan êrîşî bakurê Gutayê kirine, bi êrîşê 77 kes mirine, 20 ji miriyan zarok bûne.

Ji bo Hevseroka Giştî ya berê ya HDPyê Serpîl Kemalbay îro piştî derket pêşberiya dozgeriyê bi şertê kontrola edlî biryara serbestiyê hat dayin. Kemalbay ji 13yê Sibatê û vir ve desteserkirî bû.

16emîn Festîvala Filman a Jinan a Filmmorê ya Gerok 10ê Adarê li Stenbolê dest pê dike. Festîval heta 10ê Gulanê wê li Trabzon, Îzmîr, Antalya, Bodrûm, Mêrsîn, Edene û Amedê filman pêşkêşî jinan bike.

Wekîlê Rûhayê yê ji Partiya Gelan a Demokratîk(HDP), Osman Baydemîrî ji bo mafê jiyaneka aştiyane teklîfnameyeka guhertina qanûnan da serokatiya meclîsê.

Piştî serbestbûna rojnamegerê Almanyayî-Tirkiyeyî, Deniz Yucelî hikûmeta Almanyayê bi daxuyaniyekê diyar kir ew ji bo girtiyên ji Almanyayê yên li Tirkiyeyê girtî ne “bi rêya hemî qenalan dixebitin.”

Serokomar Erdoganî derbarê Efrînê de duh bi rêya telefonê bi Pûtîn Serokdewletê Rûsyayê û Serokomarê Îranê Rûhaniyî re axivî. Hat aşkere kirin ku mijara pêvajoya Astanayê jî hatiye rojevê.

Li ser nûçeyên ku diyar dikin Artêşa Sûriyeyê dê biçe Efrînê wezîrê karên derve, Mevlud Çavuşogluyî got: “Heke desthilat ji bo tinekirina YPGyê biçe baş e lê heke ji bo parastina wê biçe Efrînê ti kes nikarin pêşiya me bigire.”