Zavayê Kadîr Demîrelê berpirsê weşana Yenî Akîtê, ew kuşt û keça wî E.K. birîndar kir.

Walîtîya Amedê vê sibeyê ji siet 7ê pê ve li 43 gundan derketina derve qedexe kir.

Di civîna Lijneya Rêveberiya Biryardayinê ya Navendî (LRBN) ya ku Serokomar Erdogan piştî bû Serokê Giştî yê AKPê de Lijneya Birêveberiya Navendî (LBN) ya nû hat hilbijartin.

Parlamentera HDPê ya Sêrtê Besîme Konca, îro li Êlihê hat desteserkirin ku beriya demekê ji doza ku dihate darizandin hatibû berdan, lê li ser îtiraza dozgeriyê derbarê wê de biryara zeftkirinê hatibû derxistin. Konca piştî derket pêşberî dadgehê hat girtin.

Parlamenterê HDPê yê Dîlokê Togrul got ku li Girtîgeha Tîpa L a Dîlokê girtî nikarin ava vexwarinê bidest bixin û ji bo paqijiyê jî avê nabînin, pirsgirêkên wan bir rojeva Parlamentoyê.

Birêvebirên rojnameya BîrGûnê Îbrahîm Aydin û Berkant Gûltekîn bi sûcê “heqareta li serokkomarî” çûn girtîgehê. Dadgehê 21 meh cezayê girtinê da her yek ji wan.

Dewra xwendinê ya 2016-2017ê temam bû. Di vê dewrê de 5 hezar û 295 akademîsyen ji karê wan hatine avêtin.

Walîtîya Colemêrgê 25 herêmên li navçeyên Çelê, Gever, Şemzînan û li navenda bajarî ji 29ê Gulanê heta 13ê Hezîranê wek Herêmên Ewlehiya Taybet îlan kirin.

Programa 3yemîn Hefteya Rûmetê li Mêrsînê hat aşkerekirin ku îsal wê mijar “mozaîk” be.

Erdoganî got:”Erê şehîdên me jî çêdibin lê tola wan tê hildan.”

10 meh di ser hewldana derbeya 15yê Tîrmehê re derbas bû. Heta îro derbarê 154 hezar û 694 kesan de lêpirsîn hatiye vekirin. Li 7 hezar û 112 kesan digerin, 655 kes jî hîna desteserirî ne.

Girtîgeha Wanê ji bo sê kovaran biryara qedexeyê stand ku hejmarên hîna nehatine çapkirin jî di nav de ye. Hin hejmarên rojnameyên Cûmhûriyet û Ozgurlukçu Demokrasiyê jî hatin qedexekirin.

Li Enqereyê bi biryara walîtiyê hemû çalakiyên piştî rojavabûnê hatin qedexekirin.

Rêxistina Îstixbarata Neteweyî(MIT) Rapora Hewildana Derbekirinê da Lijneya Lêkolînan a Parlamentoyê.

Rêxistina Efûyê ya Navdewletî ji bo akademisyen Nûriye Gulmen û mamoste Semîh Ozakça yên ku di 75emîn roja greva birçîbûnê de hatin desteserkirin û paşê hatin girtin bilez û bêşert û merc bên berdan di qada navdewletî de kampanyeya îmzeyan a bilez da destpêkirin.

Kongreya Amerîkayê reşbeleka biryarnameya şermezarkirina polîsên parastina Recep Tayyîp Erdoganê serokkomar qebûl kir.

Li paytextê Belçîkayê, Brûkselê civînên NATOYÊ pêk tê. Bernameyeka taybet ji bo hevseran jî hat çêkirin.

Li navçeya Çelê ya Colemêrgê li gorî îdiayê teqemeniya ku berê PKKyiyan bicî kiriye teqiya û di encamê de çawişekî pispor mir, du leşker jî birîndar bûn.

Gun ê 70 salî ku 90 roj in ji bo hestiyên kurê xwe bistîne di greva birçîbûnê de bû, cenazeyê kurê xwe li Goristana Xozatê spart axê.

Li navçeya Şemzînanê ya Colemêrgê pevçûn derket û di encamê de leşkerek mir.