2yê Nîsanê Roja Hayjêbûna ji Otîzmê di çarçoveya kampanyaya #lightitblue, #jibootîzmêlempeyaşînvêxe de wê li qadên navdar ên cîhanê lempeya şîn bê vêxistin. Weqfa Otîzmê ya bi navê Tohûm jî bang li raya giştî kir ku ji bo piştgiriya bi kampanyayê re cilûbergên şîn li xwe kin.

Burak Tatarê 23 sal yek ji karmendên gihandina hewarê bûye ku di ambûlansekê de kar dikir. Dema ku ew li Efrînê bûye, teqemeniyeka bi destan hatî çêkirin lê teqiyaye. Tatar duhî miriye.

Piştî ku polîsan bi ser Çapxaneya Gunê de girtin, rojnameya Welatê bê çapxane ma. Ji ber ku çapxaneyên din nexwestine rojnameyê çap bikin, Welat îro bi makîneya fotokopiyê hat çapkirin.

Polîsan nehişt ku 46emîn bîranîna Kizildereyê li Qada Galatasarayê çêbibe. Yûnûs Bîrcan endamê Hewldana 78an hat desteserkirin ku di destê wî de pankarta kesên li Kizildereyê hatine kuştin hebû.

Wekîla Partiya Gelan a Demokratîk(HDP), Huda Kayayê li meclîsê behsa nûçeya bianetê ya li ser weşaneka HaberTurk TVyê axivî.

Akademîsyenan bi nameyeka vekirî piştgiriya xwendekarên di girtîgehan de yên Zanîngeha Bogazîçîyê kirin.

Li gorî salnameya Cihûyan Cejna Pesahê îro dest pê dike. Cihû di dema cejnê de rizgariya xwe ya ji koletiya li Misrê pîroz dikin. Hag Pesah Sameah!

6 bikarhênerên medyaya civakî yên operasyona li ser Efrînê rexne kirine haten girtin ku duh di bin dengê marşa Mehterê (marşa Osmaniyan) ew biribûn edliyeyê. 5 kes bi şertê kontrola edlî serbest bûn.

Heyeteka ji Rojavayê duhî li paytexta Fransayê, li Parîsê digel serokê wê dewletê Emmanuel Macronî civîya. Nûnerê PYDyê, Xalid Îsayî da zanîn ku Fransa dê li Minbîcê ji aliyê leşkerî ve tiştên dikeve ser milê wê bike.

Li navçeya Dihê ya Sêrtê PKKiyan gule bera ser hêzên ewlekariyê yên fermî dan. Di encamê de 6 cerdevan mirine, 4 leşker û 3 cerdevan jî birîndar bûne.

Berpirsên Weşanê yên Giştî yên Ozgur Gundemê Keskîn û Aykol, Midûrê Nivîsan Çapan, nûçegîhan Çaksû û nivîskar Batûmlû cuda cuda hatin dadgehkirin. Di encamê de ceza li van navan hat birîn.

Di operasyona “Çiqilê Zeytûnê” de ku li ser Efrînê hatibû kirin, serbazekê pispor ê bi navê Necmettin Yigit birîndar bûbû. Yigitê birîndar vê sibeyê li Nexweşxaneya GATAyê miriye.

Malta, Slovakya û Luksembûrgê biryar girtin ku balyozên xwe ji Rûsyayê vekişînin. Piştî jehrîkirina Skripal sîxurê kevin li Îngiltereyê DYA û gelek welatên din biryara dersînorkirina dîplomatên Rûsî standibûn ku jehr yek ji wan jehrên ku Rûsya çêdike bû.

Di belavoka MGKyê de hatiye gotin ku dibe operasyon li hemberî Minbicê, Şingal û Qendîlê çêbibe.

Xebatkarê berê yê Cambridge Analyticayê, Christopher Wylieyî bersiva pirsên meclîsa Kralîyeta Yekbûyî da.

Di çend hefteyên borî de endamekî Konseya Bajêr ê Reqqayê jî di nav de 3 kes di encama sûîqestan de hatine kuştin. Berdevkê Konseya Leşkerî yê Minbicê jî di encama sûîqestekê de birîndar bûye.

Li gorî anketa TGSyê çêkiriye, ji sedî 60 ji rojnamegerên jin dibêjin ku rastî tundkariya psîkolojîk û mobbîngê hatine. Rêveber di lîsteya kesên ku tundkariyê dikin di rêza yekê de ne. Di rêza duyem de hevalên wan ên karî tên.

Komîsyona Edebiyata Kurdî ya Bogazîçîyê li ser operasyona li xwendekarên Zanîngeha Bogazîçîyê hatî kirin daxuyaniyeka nivîskî belav kir.

Wezîrê parastinê yê Dewletên Yekbûyî yên Amerîkayê, Jimm Mattisî eşkere kir ku ew dixwazin bibînin ku PKK(Partiya Karkerên Kurdistanê) ji Şingalê çûye.

Kesên ku wê xelatên rojnamegeriyê yên Cemiyeta Rojnamegerên Tirkiyeyê (TGC) bistînin hatin aşkerikirin.