Dîrektorê Asyaya Navîn û Ewropayê yê HRWyê Williamsonî got: “Hin delîl hene ku rê dide em bifikirin rayedarên dewletê bi zorê ew bêserûşûn kirine.”

Kurtefilmê bi navê “Dijî”, behsa hişyarkirina Nûriye Gulmen û Semîh Ozakçayî ya di girtîgehê de ji hêla gardiyanan ve dike.

Di meha Tîrmehê de bi hêceta cilikên jinan ya kêm tûndkarî li sê jinan hatiye kirin. Di mehên havînê de li şûna dibistanan destdirêjî li qursên hînkirina Quranê hat kirin.

Polîsan rojnamegerê Fransî yê bi navê Loup Bureau li Deriyê Sînorî yê Xabûrê desteser kir, dozgerîyê biryara girtina wî da.

Parlamenterê HDPyê yê Wanê Lezgîn Botan li Balafirxaneya Ferît Melen a Wanê hat desteserkirin û piştî demekê biryara serbestiyê ji bo wî hat dayin.

Mafparêzên Idil Eser, Ozlem Dalkiran û Nalan Erkem ji bo Girtîgeha Silîvrîyê hatibûn şandin, piştî wan ji bo Alî Garawî û Peter Steudtnerî jî heman biryar hat dayin.

Parlamenterên HDPyê li Stenbolê bi paqijiya derdorê dest bi roja duyem a Wicdan û Edaletê kirin. Di nava rojê de wê meş û serdan ber bi Parka Yogûrtçûyê çêbibin.

Li gorî bersiva ku Wezareta Dadê li ser pirsa Adiguzelî parlamenterê CHPyê daye, di girtîgehan de 2800 zarok hene ku temenê wan ji 12yan heta 17yan e. Herwiha ji 2013yê heta niha 13 zarok di girtîgehan de mirine ku 6an xwekuştine.

Walîtiya Enqereyê çalakiyên li hemberî girtina Semîh Ozakça û Nûriye Gulmenê û yên ji bo piştevaniya wan kir hincet û biryar girt ku ji bo mehekê li Enqereyê hemû çalakî bên qedexekirin.

Li Stenbolê wesayiteka zirxkirî ya polîsan li zarokekê ji Sûriyeyê da. Zarok ji bo nexweşxaneyê hat birin lê li nexweşxaneyê mir.

Odeya Bijîşkên Amedê û Şaxa Amedê ya SESê diyar kirin ku navnîşan û kargehên bijîşkên li Amedê hatin girtin aşkere bûn û her roj bi dehan nexweş derman dikirin, heke ku ji bo îfadeyê bang li wan bihata kirin ew ê biçûna.

Nobeta Wicdan û Edaletê ya ku HDPyê di 25ê Tîrmehê de li Parka Ekîn Ceren a Amedê dabû destpêkirin wê li Parka Yogûrtçû ya Kadikoyê berdewam bike. Polîsan tenê ji bo parlamenter û rêveberên Kadikoyê yên HDPyê destûra ketina Parka Yogûrtçûyê dan.

Li ser rêya di navbera Lice û Qulpê de teqeminay ku berê hatibû bicîkirin hat teqandin û di encamê de yek jê serdar du leşker mirin, leşkerek jî birîndar bû.

Almanyayê ji YEyê re dokumanek şand û tê de daxwaz kir ku fişara aboriyê li ser Tirkiyeyê zêde bike û di çarçoveya gotûbêjên endamtiyê de lêkolînê bikin ku wê karibin alîkariyên darayî qut bikin an na.

Di 5 salên dawiyê de 391 bûyerên tundkariyê yên li hemberî kêmendaman di rojnameyan de belav bûn. Nîvê van bûyeran ji êrîşên zayendî pêk tên. Kesên ku êrîş pêk anîne yan ji malbatê ne, yan cîran û xizm yan jî erkdarê dewletê ne ku xizmetê didin kesên kêmendam.

Serokê Diyanetê Mehmet Gormez teqawid bû ku di Çiriya Paşiyê ya 2010ê de dest bi kar kiribû.

Parlamentera CHPyê Selîna Dogan di dema serdana Girtîgeha Bakirkoyê de hîn bû ku wê Îdîl Eser, Ozlem Dalkiran û Nalan Erkem îro şandin Girtîgeha Sîlîvriyê.

Li Urdunê baskê jêr ê parlamentoyê guhertina wê yaseyê qebûl kir ku cezayên kujerên jin bi hinceta "namûsê" dikuştin, kêm dikir.

Dadgehê biryar girt ku Guray Oz, Mûsa Kart, Bulent Ûtkû, Hakan Kara, Onder Çelîk, Mûstafa Kemal Gungor û Tûrhan Gunay bên berdan û Mûrat Sabûncû, Akin Atalay, Kadrî Gursel, Ahmet Şik û Ahmet Kemal Aydogdû girtî bimînin.

4 penaberên ku dixwestin ji Sûriyeyê derbasî Dîlokê bibin rastî tundkariya leşkeran hatin û hatin dersînorkirin. Leşkerên ku tundkarî li penaberan kirin hatin desteserkirin û derbarê wan de lêpirsîn hat destpêkirin.