Rêxistina Çavdêriya li Mafên Mirovan aşkere kir ku hikûmeta Sûriyeyê nahêle sivîlên Efrînê biçin herêmên ku alîkariya xwarin, av û bijîşkî lê heye. Li gorî daxuyaniya Rêxistinê, rewşa sivîlên li Efrînê mane ji ber talaknekî û rûxandinê her diçe xiraptir dibe.

Wezareta Parastinê ya Rûsyayê daxuyaniyek belav kir û di daxuyaniyê de diyar kir ku du balafirên Îsraîlê şeva dî fûze li Balafirgeha Hûmsê barandine.

Li Enqereyê bi tohmeta ku “propagandaya rêxistinê” kirine polîsan di saetên sibê de operasyon biriye ser bikarhênerên medyaya civakî ku rêveberên Partiya Kedê jî di nava wan de ne.

Mîhrîcana Fîlman a Yilmaz Guneyî şeş salan li bajarê Êlihê hatibû pêkanîn. Ev du sal bûn ku mîhrîcan nedihat pêkanîn. Mîhrîcana 7. dê di 27-29ê Nîsanê de dîsa li Êlihê bê pêkanîn.

Cejna Paskalyayê duh li dêrên Stenbol, Edîrne, Amed, Mêrdîn û Hatayê hat pîrozkirin.

Serokdewletê berê yê Katalonyayê Puigdemont ji Girtîgeha Neumuensterê hat telhiyekirin. Serokê Katalonyayê ji bo serbest bê berdan 75 hezar Euro daye.

Piştî ku polîsan bi ser rojname û çapxaneyê de girtine bi çend rojan, biryara dadgehê ya erkdarkirina qeyûm ji o rojnemeya Ozgurlukçu Demokrasî û Çapxaneya Gunê hate aşkerikirin.

Qatilê heft jinan mêrê wan in, destgirtiyê du jinan ew kuştine, mêrê berê yê jinekê ew kuştiye, birayê jinekê ew kuştiye, jinekê teklîfa zewacê ya mêrekî qebûl nekiriye li ser vê yekê mêrî ew jin kuştiye, tecawizkarekê jina tecawiz lê kirî kuştiye, miştêrîyê jinekê karkereka seksê kuştiye.

Parêzer Karamanî got ku di muzekkereya girtiyê ya derbarê Demîrtaşî de dema girtîtiyê herî zêde 18 meh. Parêzer Karamanî diyar kir ku Demîrtaş 17 meh in girtiye û daxwaza tehliyeya wî kir.

Serokê Dewletên Yekbûyî yên Amerîkayê, Donald Trumpî diyar kiribû ku Amerîka dê ji Sûriyeyê derbikeve Sererkaniya Leşkerî û Wezareta Parastinê ya wî welatî pey hev diyar kirin ku ti tişt neguherîne, her tişt wek-xwe ne.

Dema serokomarê Recep Tayyîp Erdogan çûyî Dewletên Yekbûyî yên Amerîkayê(DYA) li ber deriyê Balyozxaneya Tirkiyeyê ya li Washingtonê şer çêbûbû, du beşdarên wî şerî; Sinan Narin û Eyup Yildirimî 12 meh û rojek cezayê girtinê stand.

Di 28ê Adarê de polîsan bi ser rojnameya Ozgur Demokrasî û Çapxaneya Gûnê de girtibûn û 21 kes desteser kiribûn. Ji 21 kesên desteserkirî 20 kes hatin girtin.

Rektorê Zanîngehê aşkere kir ku kesekî li zanîngehê weke akademisyen kar dikir êrîşeke biçek pêk aniye û di encamê de 4 kes mirine.

Wekîlê Izmîrê yê ji Partiya Gelan a Demokratîk(HDP), Ertugrul Kurkçuyî ji bo Roja Rojnamegerên Hatîn Kuştin ji bo çapemeniyê daxuyaniyek xwend.

37emîn Festîvala Filman a Stenbolê wê 6ê Nîsanê bi filmê Lean On Peteyê dest pê bike.

Xebatkarê berê yê Cambridge Analyticayê, Christopher Wylieyî eşkere kiribû ku wê şirketê agahiyên 60 milyon kesan berhev kirine, Facebookê jî eşkere kir ku agahiyên 87 milyon kesan hatine berhevkirin.

Serokkomarê Iraqê, Fûad Mehsûmî diyar kir “piştî endamên PKKyê ji Şingalê derketin ti hêzên biyanî nikare parçeyeka axa Iraqê dagir bike.”

Dadgeha Bilind Cezayê Îlhan Çomakî di cara duyemîn de jî erê kir ku sala 1994ê dema li Fakulteya Fen-Edebiyatê ya Zanîngeha Îstanbûlê xwendekar bû bi tohmeta “endamtiya rêxistinê” hatibû girtin.

Li gor nûçeyeka ajansa nûçeyan ya TASSê, li bajarê Moskovayê agirî girtiye firoşgeheka bi navê Perseus, di bûyerê de kesek miriye.

Ji heyetê parlamenter Glasmanî gotiye, “Em bi wê armancê li vir in ku li hemberî kesên dixwazin azadiya we tune bikin em piştgiriya we dikin”. Russel-Moyleyî jî diyar kiriye ku di vegerê de ew ê çavdêriyên xwe bi hemû parlamento û gel re par ve bikin.