MHP dê teskereyê qebûl bike, CHP dibêje “heke tehdîda li dijî Tirkiyeyê ya terorê berteref bike” ew ê qebûl bike HDP dê qebûl neke.

Rojnamegerên li Derve û Kovara Lemanê ji bo beşdariya doza Cumhuriyetê bangewazî kirin ku 6 jê girtî 20 kes girtî tên dadgehkirin.

Digel ku Qaymeqamiya Beyoglûyê rêûresma Xelatên Mûsa Anterî qedexe kiribû, rêûresm li avahiya Komeleya Mafên Mirovan pêk hat.

Serokkomarê Recep Tayyîp Erdogan û serokê Amerîkayê Donald Trump li New Yorkê civîyan. Hat eşkere kirin ku Erdogan û Trumpî diyar kirine ew li dijî referandûma serxwebûnê ya Herêma Kurdistanê ya Iraqê ne.

Wezîrên Karên Derve yên Îran-Iraq û Tirkiyeyê civîyan. Hersê wezîran bi daxuyaniyekê eşkere kir ku ew li dijî referandûma serxwebûnê ya Herêma Kurdistana Iraqê ye.

Wezareta Karên Derve ya DYAyê aşkere kir ku ew “bi tundî” li hemberî referandûma Rêveberiya Herêmî ya Kurdistana Iraqê derdikevin, bang kirin ku di navbera Rêveberiya Herêmî û Iraqê de gotûbêj çêbibin.

Dadgeha Îdareyê ya 3. biryar da ku di kuştina Ugugr Kurtî de hemîya qusûrê ya Wezareta Karên Navxweyî ye û divê wezaret 734 hezar Lîreyan bide malbata Kurtî. Wezaretê îtiraz kir.

Parêzer ji ber parêzeriya Nûriye Gulmen, Semîh Ozakça û doza Berkîn Elvan, Dîlek Dogan û Hasan Ferît Gedîkî kirine tên sûcdarkirin.

Li gund û gundikên navçeyên Hezro, Qulp, Farqîn û Liceyê yên Amedê biryara qedexeya derketina derve hat ragihandin.

Îşev destpêka sersala nû ya Cihûyan e ku wê bikevin sala 5778ê. Roş Aşana cejna Cihûyan ango sersala wan a nû pîroz be.

Hunerhez wê karibin berhemên hunerê yên 50 hunermend û 41 atolyeyên hunerê di çarçoveya Open Studio Daysê de (Rojên Studyoyê yên ji bo herkesî) temaşe bikin.

Di beşa nûçeyên bi zimanê Tirkî de nûçegihanên dihaberê(Ajansa Nûçeyan a Dîcle Medyayê) û di beşa nûçeyên jinparêz de nûçegihana Şûjinê Xelata Mûsa Anterî standin. Herdu sazî jî bi Biryarnameya di Hikmê Qanûnan de hatibûn girtin.