122 rojnameger di meha Çiriya Pêşiyê de hatin girtin. Ji bo 296 rojnameger û nûnerên medyayê di çarçoveya Yasaya Ceza ya Tirkan (TCK) û Yasaya Têkoşîna Dijterorê (TMK) de bi giştî 182 cezayê muebetê û 3 hezar û 36 sal cezayê girtinê hatiye xwestin. 109 rojnameger û xebatkarên medyayê ji kar hatin avêtin an jî neçar man ku ji kar derkevin.

Li Enqereyê di encama serdegirtina malan de, editora Jin Newsê Sîbel Yukler, nûçegîhanên Jin Newsê Duygu Erol û Habîbe Eren û nûçegîhanên Ajansa Nûçeyan a Mezopotamyayê Dîren Yûrtsever û Selman Guzelyuz hatin desteserkirin.

Jinan bûyerên destdirêjiyê yên hatîn serê wan, li medyaya civakî bi etîketa #MeToo(#EzJî) parve kirin. Mêran bi etîketa #HowIWillChange (#EzêÇawaBiguherim) dest bi parvekirinan kirin.

UNICEFê eşkere kir ku di sala 2016ê de her roj 15 zarokên ji 5 saliyê biçûktir mirine.

Pêşnûmeya Yasayê ya ku di Xizmetên Serjimariyê de Guhertinan Çêdike li Lijneya Giştî ya Parlamentoyê hat qebûlkirin. Pêşnûme ji hêla jinan ve demeke dihat protestokirin.

Wezîre Dadê Gulî got ku hevdîtinên vîzeyê erênî bûn û wiha axivî, “Heke ku niyete xerab tune be, ez li bende me ku di çarçoveya hiqûqa normal de, di çarçoveya dîplomasiyê de derbarê vîzeyan de hin pêşketinên erênî rû bidin”.

Polîsan li Stenbolê bi operasyonekê 16 kes desteser kirin di nav wan de du rojnameger û du parêzer jî hene.

Karsaz û aktivîstê civaka sivîl Osman Kavala di dema vegera ji Dîlokê de, li Stenbolê hat desteserkirin ku ji bo civîna projeyekê çûbû Dîlokê.

Rojnamegeran banga beşdariya doza Tûnca Ogreten, Mahîr Kanat, Omer Çelîk, Derya Okatan, Metîn Yoksû û Eray Sarginî kirin ku ji ber mailên Bakan Albayrakî kiribûn nûçe tên dadgehkirin.

Serdozgeriya Stenbolê bi sûcê “propagandaya ji bo rêxistineka terorî” doz li Ferhat Tûnçî vekir.

Li 19 bajarên mezin ên dinyayê lêkolînek hat kirin û hat eşkerekirin ku bajarê ji bo jinan herî metirsîdar ê 10ê Stenbol e.

Fermandariya Yekîneyên Berxwedana Şengalê (YBŞ), Hêzên Parastina Gel (HPG) û Koma Civakên Kurdistanê (KCK) derbarê operasyona artêşa Iraqê û pozisyona xwe ya nû de daxuyanî belav kirin.

Serokwezîrê Iraqê Haydar Ebadî got ku pêvajoya referandûmê li paş maye û banga diyalogê li Rêveberiya Herêmî ya Kurdistana Iraqê kir. Mesûd Barzanî destnîşan kir ku encamên referandûmê wê têk neçin.

Wezareta Karên Derve ya Amerîkayê eşkere kir ku hê jî Tirkiyeyê ji bo girtina xebatkarên wan ti delîl nîşan nedaye.

Polîsekê bi navê O.Y. li Silopyayê di 3yê Gulanê de li xaniyekê dabû û du zarokên di xanîyî de kuştibûn. Dadgehê di yekem rûniştina dadkirinê de polîs tehlîye kir.

Li Mêrsînê li hemberî wesayita polîsan êrîşa bibombe pêk hat. 12 polîs birîndar bûn.

Li Şirnexê di kanayeke komirê ya bêdestûr de hezaz pêk hat. 6 karker mirin, karkerek jî bi giranî birîndar bû. Ji bo rizgarkirina karkerekî di bin hezazê de maye, xebat berdewam dikin.

Bi wesayiteka bombe lê hatî kirin êrîş mli rojnamegera mûxalif ya ji Maltayê, Daphne Caruana Galiziayê hat kirin, rojnamegera Maltayî di êrîşê de mir.

Hêzên Sûriyeya Demokratîk (HSD) piştî şerê çar mehan kontrola bajarê Reqqa yê Sûriyeyê ji destê DAIŞê derxist ku DAIŞê ev der weke paytext ragihandibû.

Hulya Gûlpinara parêzer nerazîbûna xwe diyar kir ku ji beriya parêzer pê bihaesin dîroka dadkirinê ji bo medyayê hatiye gotin.