DMME sibê wê derbarê kuştinên di jêrzemînên Cizîrê de çêbûne nîqaş bike ku beriya niha li Tirkiyeyê pêvajoya hiqûqê bê encam mabû. Parêzer Demîrî got, “Sibê li gel bingeha qanûnî ya qedexeyên derketina derve wê bê nîqaşkirin ku gelo li gorî hiqûqê bû yan na.”

Li dewleta Californiayê ya Dewletên Yekbûyî yên Amerîkayê daristan dişewitin, heta niho 31 kes mirine 228 kes winda ne.

PENa Tirkiyeyê ji bo 15ê Çiriya Paşiyê (Sermawez, Mijdar) Roja Nivîskarên Girtî peyamek weşandiye û gotiye ku zindanîkirina rojnamegeran nayê qebûlkirin.

40. Maratona Vodafoneyê ya Bezê roja Yekşemê hatiye pêkanîn. Zêdetrî 150 hezaran kes beziyane. Du bezayên ji Kenyayê bûne yekem.

Li Şirnexê li derdora Çiyayê Gabarê di dema operasyonê de bombeya ku bi destan hatiye çêkirin û li ser rê hatiye bicihkirin teqiyaye. Di encama teqînê de du leşker mirine, pênc leşker jî birîndar bûne.

Dadgeha Îsnafê ya Stenbolê cezayê ji bo Atîlla Taşî pesend kiriye, polîsan ew li mala wî desteser kiriye û bi biryara dadgehê hat girtin.

Di dema Rewşa Awarte de bi Biryarnameyên Di Hikmê Qanûnan de bi hezaran kes ji karê wan hatibûn avêtin. Komîsyona Lênêrîna Rewşa Awarte diyar kiriye ku wan li 42 hezar daxwazan nêriye û biryar daye ku 3 hezar kes dê vegerin ser karê xwe.

Tahir Elçî mafparêz û parêzerek bû ku dema serokê BAROya Diyarbekirê bû, hatibû kuştin, Muharrem Erbeyê parêzer “çîroka jiyana wî nivîsîye.” Erbeyî gotiye her kes dipirsin ka Tahir çawa miriye lê min di kitêbê de nivîsî ka ew çawa jiyaye.

Li du dadgehên Stenbolê çar akademîsyen hatine dadkirin, li Dadgeha Cezayên Giran a 36. a Stenbolê, dozgerê dozê xwestiye akademîsyenek bi sûcê “propagandaya ji bo rêxistinên terorî” ceyayî bistîne.

Weqfa Îsmaîl Beşîkçî(IBV) rêzesemîneran pêk tîne. Di semînera duyem de Prof. Dr. Baskin Oran dê biaxive.

Lîga Mafên Mirovan ji sala 1962yê ve li ser navê rojnamegerê Alman Carl von Ossietzkyî, xelatê dide mafparêzan. Xelata îsal Leyla Îmret û Ottmar Miles Paulî standiye.

Kovara mûzîkê ya xwerû bi kurdî, Ziryabê dest bi weşanê kiriye û jimara yekem li firoşgehan e.

Zanîngeha Oxfordê û Enstîtûya Reutersî li 37 welatan ji 74 hezar kesan pirsên li ser medyayê kiriye û wek raporekê amade kiriye.

BBC Cultureyê, ji bo diyarkirina fîlmên herî baş ên dinyayê yên ne-ingilîzî bi rexnegirên fîlman re rapirsînek amade kiriye. 12 fîlmên herî baş hatine hilbijartin yek ji wan fîlmeka kurdî ya bi navê “dema hespên serxweş e.”

Wekîla Partiya Gelan a Demokratîk(HDP) ya Colemêrgê û hevseroka Kongreya Civaka Demokratîk, Leyla Guvenê daye zanîn ku wê dest bi greva birçîbûnê kiriye.

Kakerên avakirina Balafirgeha Stenbolê ji bo di şertên mirovane de kar bikin li balafirgehê xwenîşandanek pêk anibû. Cendirme û polîsan karkerên xwe nîşan dayîn desteser kiribû, dozgerekî îdianameyek li ser karkeran amade kiriye û Dadgeha Stenbolê qebûl kiriye.

Wezareta Karên Navxweyî rapora xwe ya hefteyane eşkere kiriye û diyar kiriye di hefteyekê de lêpirsîn li ser 142 kesên bikarhênerên medyaya civakî hatiye vekirin.

Duhî hilbijêrên Dewletên Yekbûyî yên Amerîkayê(DYA) ji bo hilbijartina walîyan, endamên Meclîsa Nûneran û Senatoyê deng dane. Yekem car e ku jinên kurd bûne endamên meclîsa navborî. Rashida Tlaib û Ilhan Omar ji bo endametiya meclîsê hatine hilbijartin.

Neteweyên Yekbûyî îro raporek weşandiye û tê de diyar kiriye lku DAIŞê li Iraqê ya kêm li 200 cihan mirov bi komî bin-ax kirine.

Welatîyên Dewletên Yekbûyî yên amerîkayê dê îro bi hilbijartinê endamên Kongreyê hilbijêrin