Dêya Leyla Guvenê çûye ser dilovaniya xwe. Leyla Guven 58 roj in di greva birçîbûnê de ye. Guven dema di girtîgehê de bû, bavê wê miribû lê destûr nedabûn wê ku beşdarî merasîma cezaneyê wî bibe.

PKKyiyan êrîş birine ser qereqoleke li ser sînorê Îranê û di encamê de leşkerek miriye. Li gorî daxuyaniya Walîtiya Îdirê, du leşker jî birîndar bûne.

Teatra Jiyana Nû wê şanoya xwe ya bi navê “Tenê Ez” li Amed, Êlih û Stenbolê bilîze.

36em Dadgeha Cezayê Giran a Stenbolê sal û 3 meh cezayê girtinê li akademisyenekî birî. Aşkerekirina biryarê hatiye taloqkirin.

Weqfa Mafên Mirovan a Tirkiyeyê(TIHV) eşkere kiriye ku ji 16ê meha heştem(Tebax) a 2015ê heta 1ê meha yekem(Kanûna Paşiyê) a 2019ê li 11 bajar û 51 vaçeyan derketina derve hatiye qedexekirin.

Donald Trump, Serokê DYAyê gotiye ku piştî vekişandina hêzên DYAyê ji Sûriyê, ew dixwazin li wî welatî kurdan biparêzin.

Şaxê Amedê yê Weqfa Ismaîl Beşîkçî(IBV) dê 5ê vê mehê(05.01.2019) li Amedê, paneleka bi navê “Gelo hûnereka kurdan (a aktûel) heye?” pêk bîne. Şener Ozmen dê di panelê de biaxive.

13 partî wê bikaribin beşdarî hilbijartina rêveberiyên xwecihî bibin.

Şanoger Memet Erbey wê bi Stand-Upa xwe ya bi navê “Qirdik” li Stenbolê pêşkêş bike.

Parlementerê berê yê Partiya Gelan a Demokratîk(HDP) Abdullah Zeydanî daxuyandiye ku wî duhî dest bi greva birçîbûnê kiriye. Zeydan dê 10 rojan di grevê de be.

Li Pakistanê di dema Meşa Rûmetê ya Transan de daxwaza reforman hatiye kirin.

Şifreya(password) herî xerab a pênc salên dawiyê “123456” bûye. Sala 2012ê komeka hacker bi vê şifreyê malpera Wezareta Karên Navxweyî “hack” kiribû.

Li gorî daxuyaniya Wezareta Navxweyî, di sala 2018ê de lêkolîna parvekirinên 42 hezar û 406 hesabên medyaya civakî kirine. Ji van, derbarê 18 hezar û 376 kesan de lêpirsîn hatine vekirin.

Lindsey Graham, senatorê Amerîkanî piştî kombûna xwe ya bi Serokê Amerîkayê Donald Trûmp re gotiye, tiştê herî dawî ew ê bixwaz in ew e ku “Tirkiye û kurd şerê hev bikin”. Grahamî diyar kir ku “ihtimal heye Trump heremeke tampon ji bo Tirkiyeyê misoger bike”.

Îsmaîl Metîn Temel, Fermandarê Artêşa 2yem ji wezîfeyê hatiye dûrxistin û li Serfermandariyê hatiye wezîfedarkirin. Temel operasyona li ser Efrînê bi rê ve biriye û li gorî nûçeyên medyaya nêzîkî hikûmetê wê operasyona li ser Rojhilatê Feratê jî bi rê ve bibira.

İHDyê derbarê Baybars, girtiyê nexweş de daxuyaniyek belav kiriye û bang li rayedaran kiriye ku ji bo Baybars demildest bê emeliyatkirin rêya çareseriyê bibînin.

Rapora Zayendperestiyê ya Egitim-Senê ya dawiya salê diyar dike ku li Tirkiyeyê, rewşa paşwendî ya jin, zarokên keç û LGBTIyan kûrtir bûye.

Piştî hewildana derbekirinê hin leşkerên Artêşa Tirkiyeyê reviyabûn û çûbûn Yewnanistanê/Yûnanistanê. Îro ew leşkerên reviyayîn û komek leşkerên hevkarên wan hatine dadkirin.

Neşet Gîrasunê parêzer diyar kir ku heta li Tirkiyeyê polîtîkayên bêcazayîyê* neyên guhertin gelek zehmet e ji ku ji bo doza Robozikê gavek bê avêtin.

Li gor lêkolîneka Creative Artists Agency û şirketa lêkolînan shift7ê ji sala 2014ê heta sala 2017ê fîlmên serlehengên wan jin ji fîlmên serlehengên wan mêr zêdetir Dolar qezenc kirine.