Pirtûka Harper Lee-yê ya bi navê “Kuştina Bilbilî” weke romana ku herî zêde Amerîkaniyan jê hezkiriye hatiye hilbijartin.

Wezîrê Çandinî û Daristanan Bekir Pakdemirliyî, nûçegihana Fox TVyê bi darê zorê ji civîna wezaretê derxistiye. Nûçegihanê beriya niha du caran hewl dabû wan îdiayan bipirse ku 300 tir goşt bê-îhale xistine Tirkiyeyê.

Wezareta Karên Navxweyî ji bo walîtîyan fermannameyek şandiye û diyar kiriye li dawetan berdana guleyan(fîşekan) qedexe ye.

Biryara YSKyê ya derbarê hihbijartina herêmî de di Rojnameya Fermî de hatiye weşandin. Li gorî vê biryarê hilbijartin wê 31ê Adara 2019ê çêbibe.

Çîroka nivîskarê navdar ê fransî, Antoine de Saint-Exupéry ya bi navê “Mîrzayê Biçûk” bûye şanonameyeka kurdî. Şano dê 26 û 27ê Çiriya Pêşiyê(Cotmeh) li Şa Performansê siet 20.00ê bê lîstin.

Dadgeha Asliye-Cezayî ya 2. a Stenbolê bi sûcê “heqareta li serokkomarî” ceza daye sê rojnamegeran. Dadgehê 4 sal 9 meh û 12 roj cezayê girtinê daye İnan Kızılkaya, İhsan Çaralan û Hüseyin Aykol ên rojnameger.

28em DCGyê bi xala 7/2yê ya Qanûna Dij-Terorê(TMK) bi sûcê “propagandaya rêxistinê” salek û sê meh daye Feyziye Deniz Tarba Ceylanê.

Parlamentera Partiya Gelan a Demokratîk(HDP) ya Êlihê, Ayşe Acar Başaranê bi pirsnameyekê ji wezîrê dadê pirsî ka wî hay jê heye ku li Girtîgeha Wanê du girtî di greva birçîbûnê de ne.

Îtalyayê bi hinceta ku bi zanebûn telefonên mobile ên modelkevin giran kirine, bi milyonan euro cezayê pereyan li Apple û Samsungê biriye.

Hevseroka Komeleya Mafên Mirovan(IHD) Eren Keskîn yek ji berbijarên Xelata Martin Ennalsî ye. Ji bo standina xelatê sê kes mane fînalê.

Ofîsa Tirkiyeyê ya Rêxistina Efûya Navnetewî bi navê “Ixrackirinê Bêveger: Rêya Çareseriyê Ji Bo Kesên Li Tirkiyeyê Ji Saziyên Dewletê Hatine Ixrackirin Tune Ye” raporek amade kiriye û tê de dibêje ku 130 hezar kes li hêviya edaletê ne.

Atolyeya ji bo rojnamegeran wê di navbera 8 û 16ê Çiriya Paşiyê (mijdar/sermawez) de çêbibe. Di atolyeyê de wê mijarên weke destpêka rojnamegeriyê, nûçegihaniya mafparêziyê, nûçegihaniya LGBTIparêziyê, nûçegihaniya tenduristiyê, nirxandinên rewşa Tirkiyeyê, nûçegihaniya wênegirtinê, bikaranîna medyaya civakî ya di nûçegihaniyê de, ewlehiya dijîtal bên dayîn.

Li Esenyurta Stenbolê agirî girtiye fabrîqeyekê jû ji wê fabrîqeyê agirî girtiye du fabrîqeyên dî jî. Walîtîya Stenbolê daye zanîn ku ti kes nemirine û wan pêşî li belavbûna agirî girtiye.

Li Hollandayê cara pêşiyê ye ku pasaporteke tê de zayend nehatiye nivîsandin hatiye dayîn.

Dadgeha Cezayên Giran a Stenbolê ya 2. ji bo 26 kesan biryara girtinê daye. Di nav wan kesan de Atîlla Taş û Murat Aksoy ên rojnameger jî hene.

Kemal Ozer, nûçegihanê li Dêrsimê yê rojnameya Evrenselê di sêyem danişîna dadgehê de jî nehatiye berdan. Ozer ji 15ê Îlona 2017ê û vir ve girtî ye. Dadkirin wê 28ê Kanûna Pêşiyê (Berfanbar) berdewam bike.

Balafirgeha 3. a Stenbolê dê 29ê Çiriya Paşiyê(Mijdar) bê vekirin û Balafirgeha Ataturkî dê 31ê Kanûna Pêşiyê(Berfanbar) bê girtin.

Weşanxaneya Nûbiharê “Yekem Gramera Kurmancî” çap kiriye ku ji hêla Mela Eliyê Teremaxî ve 400 sal berê hatiye nivîsandin.

Rêxistinên sivîl diyar dikin ku Tirkiye ji bo rojnamegerên biyanî ûne cihekê ewle ye.

Akademîsyenên ku “Danezana Em ê Nebin Şirîkên Vî Sûcî” îmze kirîn têne dadkirin. Îro li sê dadgehên Stenbolê 12 akademîsyen hatine dadkirin. Sê akademîsyenan ceza xwariye.