Lijneya Rêveberiyê ya Navendî ya AKPyê daxwaz kiriye ku Ahmet Davutoglu, Abdullah Başçi, Ayhan Sefer Üstün û Selçûk Ozdag ji partiyê werin ixrackirin.

Li navçeya Basa ya Şirnexê ji ber ku devikên bendavê hatine girtin Cizîr bê av mane. Şaredarê Cîzirê Mehmet Zirigî got, “Em li berpirsiyaran digerin lê belê deng nabine xwe.”

19em Dadgeha Cezayê Giran a Enqereyê biryara tehliyeya Selahattîn Demîrtaşî daye. Lê ji ber ku di dosyayeke din de ceza lê hatiye birîn, Demîrtaş wê di girtîgehê de bimîne.

Erdogan di dema merasîma vekirinê ya Sala Nû ya Edlî de axiviye û gotiye: "Di pergala dewletê da heke îla ku desthilatdariyek bê xwestin ev yek weke di Makezagonê da jî cih digire, serdestiya desthilatdariya gel e."

Li DYAyê bahozekî mezin rabû ye. Ev bahoz bandoreke mezin li eyaleta Bahamayan pêk aniye. Li bendê ne ku bandora bahozê li eyaleta Georgia û Başûrê Carolinayê jî bike.

Parêzerên Demîrtaşî aşkere kiriye ku ji ber ew amadekariyê ji bo danişîna dadgehkirina li DMMEyê dikin beşdarî danişîna dadgehkirina Demîrtaşî ya îro nabin. Parêzer Karamanî gotiye, “Em li bendê ne Daîreya Mezin jî biryara binpêkirina mafan bistîne.”

Niviskar Shahîn Bekir Soreklî li Weqfa IÎsmaîl Beşikciyî wê behsa berhem û xebatên xwe bike.

Li Stenbolê xizmeta taksiyan ji îro û pê de wê bihatir be. Li gorî vê biryarê mesafeya herî kurt ji 10 lîreyan derketiye 13 lîreyan. Her weha bihayê xizmeta parka wesayitan û kirêkirina pisqilêtan jî zêde bûye.

Li navçeya Keşanê ya Edîrneyê, wesayîtek qelibîye ku penaberên afganî tê de bûne. Di encamê de ajokar û 13 penaber birîndar bûne.

Walîtîyên Amed, Wan û Antalyayê daxuyandiye ku li mîtîngên aştiyê gotinên “qeyûm”,”qesir” û “derbe” qedexe ne.

Wezareta Karên Derve ya Yemenê daxuyandîye ku balafirên Emîrîyên Yekbûyî yên Ereban li paytexta welatî Aden û bajarê Ebyenê daye.

Di salonên sînemayê yê Tirkiyeyê de vê hefteyê 3 jê xwemalî 7 fîlm ketine vîzyonê.