Li tevahiya cîhanê hejmara kesên bi vîrusa koronayê ya nû (Covîd-19) ketine gihaştiye 7 milyon û 471 hezar û 73yan.

Wezareta Perwerdeya Netewî bersiva pirsên Mûazzez Orhan, Parlamentera HDPyê daye û gotiye ku "Ji 81 Midûrên Karûbarên Perwerdeyê yên parêzgehan tenê 3 jê jin in."

Parlamentoya Herêma Kurdistanê daxuyaniyek belav kiriye û gotiye, parlamenter û karmendên parlamentoyê jî di nav de testa Covîd-19ê ya 197 kesî hatiye çêkirin. Ji ber ku encamên hinek testan pozîtîv derketiye, tevahiya kar û çalakiyên parlamentoyê ji bo du hefteyan rawestîne.

Li Tirkiyeyê duh 17 kes mirine û nexweşî li 922 kesên din peyda bûye. Heta niha 173 hezar û 36 kes bi nexweşiyê ketine.

Serdozger Krister Peterssonî gotiye ku Stig Engströmê weke Skandiamannan dihate naskirin, kujerê Olof Palmeyî ye.

Sarûhan Olûç, Wekîlê Serokê Koma HDPê, aşkere kiriye ku li dijî betalkirina parlamenteriya Leyla Guven û Musa Farisogullariyî ew ê serî li Dadgeha Destûrî bidin.

Ji bo George Floydê ku bi tundiya polêsan miribû, heta niha li 3 eyaletên cuda 3 merasim hatine lidarxistin. Herî dawî Houstonê, bajarê Texasê merasîmek hatiye pêk anîn û Floyd liv ir hatiye binaxkirin.

Li gor daxuyaniya Wezareta Tenduristiyê li Helebceyê 5 kes, li Hewlerê jî 26 kesên din bi vîrusa koronaya nû ango Covid-19ê ketine. Heta niha 29 kes li Herêma Kurdistanê mirine.

Li gorî biryarên ku Erdoganî aşkere kirine, welatiyên salên wan ji 65an berjortir wê bikaribin her roj di navbera saetên 10.00-20.00an de derkevin derve. Ji bo kesên temenê wan di bin 18an de ne jî bi şertê ku dê û bavên wan li gel bin, qedexeya wan a derketina derve rabûye.

Piştî ku Parêzer Berdan Acûnî hefteya borî ji bo tehliyekirina wan serî li dadgehê dabû, duh biryara tehliyeyê ji bo Dilgeşê 3 salî û dêya wî Gonul Aslanê hatiye dayîn.

Kelemçeya elektronîk xistine linge nivîskar û siyasetmedar Mahmût Alinakî. Alinakî ev helwest şibandiye ya kolonyalîstan ku li Afrîka û Amerîkayê toq dixistine stuyê koleyan.

Leyla Guvena ku tevlî Enis Berberoglû ve Mûsa Farisogûllariyî parlamenteriya wê hatibû betalkirin û girtin, hatiye tehliyekirin.

Li Tirkiyeyê duh 18 kes mirine û nexweşî li 993 kesên din peyda bûye. Heta niha 172 hezar û 114 kes bi nexweşiyê ketine.

Gokçe Gokçen, Cîgira Serokê Giştî yê CHPê bal kişandiye li ser tundkarî û cudakariya li dijî LGBTİ+yan û banga têkoşîna li dijî sûcên nefretê kiriye.

Wezareta Darayî ya DYAyê ragihandiye, wan ceza dane du şîrketên Îranê. Herdu şîrket di kerta veguhastina deryayî de kar dikin.

Cendekê Burhan Altintaşî piştî 27 salan di qutiyeke plastîk de dane dêya wî. Sabîha Altintaş, dêya Bûrhan Altintaşî gotiye: "Ez bi salan li bendê bûm ku rojekê kurê min were û wî hembêz bikim lê hestiyên wî di qutiyeke plastîk de dan min."

Rêxistina Tenduristiyê ya Cîhanî (WHO) bang li dewletan kiriye ku tedbîrên li dijî vîrusa koronayê ango Covid-19ê sist nekin.

Li Amedê ji 7 rêveberên HDP, DBP û Komeleya Jinan a Rosayê yên hatibûn desteserkirin 6 ji wan hatine girtin û ew şandine girtîgehê.

HDP wê di 15ê Hezîranê de ji Colemêrg û Edîrneyê ber bi Enqereyê bimeşe. Meşa Demokrasiyê ya Li Dijî Derbeyê” wê di 20ê Hezîranê de bidawî bibe.

Li Wanê êrişek li dijî wesayîta servîsê karkeran pêk hatiye. Di encama êrişê de 2 karker mirine, 8 karker jî brîndar bûne.