Termê Necmeddîn Kerîm, Waliyê bere yê Kerkûkê sibê 6ê Çiriya Paşiyê wê ji Amerîkayê bibin Herêma Kurdistanê û li Hewlêrê bin ax bikin.

Pervîn Buldan, Hevseroka Giştî ya HDPyê çûye cihê ku li Gulistan Dokuyê digerin û serdana malbata wê kiriye. Buldanê gotiye ku divê li ser navên gumanbar bisekinin.

Pisîka yekem piştî 75 saetan ya dawî piştî 100 saetan ji kavilan hatibûn rizgarkirin. Ekîbên Midaxeleya Lezgîn ya Rêvebiriya Karên Beytarî bi wesayîtên guhestinê birine Polîklînîka Ajalên Piçûkî ku li Kulturparkê ye.

Hikûmeta Fransayê tevgera bi navê “Gurên Boz” qedexe kiriye. Hikûmetê ev tevger bi wê yekê tometbar kiriye ku “çavkaniya kiryarên tundiyê û belavkirina kîn û nefretê” li Fransayê ne.

Hejmara 2yem a Temaşe, e-kovara sînemayê weşiyaye. Di vê hejmarê de sinemaya Yilmaz Guneyî mijara sereke ye.

Li Tirkiyeyê heta niha 384 hezar û 509 kes bi Covîd-19ê ketine û 10 hezar û 558 kes jî pê mirine.

Fatih Sayan, Alîkarê Wezîrê Binesazî û Veguhastinê aşkere kiriye ku ceza li Facebook, YouTube, Twitter û TikTokê hatiye birin. Van şîrketan daxwaza Saziya Teknolojiyên Zanistê û Ragihandinê pêk neanîne û nûnerên xwe yên fermî li Tirkiyeyê diyar nekirine.

Li Stenbolê ji bo karmendên ku ji dewletê re kar dikin, naveroka destura îdarî hatiye berfireh kirin. Karkerên pîşesaziyê êdî di 07.00ê sibê de wê dest bi kar bikin.

Cendermeyan destûr nedane karkerên madenê yên ji Somayê ku piştî tevlî xebatên lêgerîn û rizgarkirinê yên Îzmîrê bûne, xwestine meşa xwe ya ber bi Enqereyê dewam bikin.

HDPyê di vê daxuyaniyê de gotiye: “derbeya ku di serî de li dijî partiya me, li hemberî HDPê hate pêkanîn, di dirêjahiya wê pêvajoyê de bandora xwe li ser temamî civakê jî kir.”

Li Îzmîrê xebatên lêgerîn û rizgarkirinê yên li avahiyên ji ber erdhejê rûxîyabû bi dawî bûne.

DAIŞê aşkere kiriye ku wan êrîşa çekdarî ya li Viyanayê, paytexta Awistiryayê pêk aniye. Di êrîşê de çar kes miribûn.

Li Tirkiyeyê heta niha 382 hezar û 118 kes bi Covîd-19ê ketine û 10 hezar û 481 kes jî pê mirine

Rafet Fahrî Semîzoglû, Serokê Şaxa ÎHDê yê Balikesîrê ji ber ku li girtîgehên Balikesîrê serdana girtiyan kiriye, hatiye desteserkirin.

Ji roja erdhej çêbûye heta niha li Îzmîrê 109 kes mirine. Xebatên lêgerînê dewam dikin. Hezar û 36 kes birîndar bûne ku 138 kes hîna tên dermankirin.

Mêran di meha Çiriya Pêşiyê de tundkarî herî hindik li 80 jinan kiriye, herî kêm çar zarok kuştine. Zarokên kur jî di nav de Istismara cinsî li 25 zarokan kiriye, herî hindik tacîz li 7 jinan kiriye. Bi darê zorê karê sekse bi 49 jinan dane kirine.

Di encama êrîşa çekdarî ya li ser sînagogeke li herêma Schwedenplatzê ya Viyanayê yek jê êrîşkar 3 kes mirine. Karl Nehammer, Wezîrê Karûbarên Navxweyî gotiye ku êrîşkarê hatiye kuştin, alîgirê DAIŞê ye.

Li Tirkiyeyê heta niha 379 hezar û 775 kes bi Covîd-19ê ketine û 10 hezar û 402 kes jî pê mirine

Wezareta Tenduristiyê ya Herêma Kurdistanê ragihandiye, ku di 24 saetên dawin de hezar û 137 kes bi Covîd-19ê ketine û 26 kes jî pê mirine.

Hezkurdê ji bo “Kurdî bibe zimanê perwerdehiyê” kampanyayek daye destpêkirin.