Walîtiya Colemêrgê biryar daye û aşkere kiriye ku heta 15 rojan hemû çalakiyên weke xwenîşandan, mitîng, civînên li cihên vekirî û yên weke wan hatine qedexekirin.

Wezareta Tenduristiyê aşkere kiriye ku di 24 saetan de test ji bo 205 hezar û 397 kesan hatine kirin û di encamê de testa 29 hezar û 718 kesan pozîtîf derketiye. Her hewa 240 kes jî mirine.

Komeleya Lêkolînên Kurdî(Enstîtuya Kurdî ya Stenbolê), li ser Youtubeyê dest bi perwerdeya Kurdî kiriye.

Li gorî rapora Komîteya Parastinê ya Rojnamegeran(CPJ) li tevahîya cîhanê herî kêm 274 rojnameger ji ber çalakiyên xwe yên pîşeyî di girtîgehan de ne.

ÎHD û OHDyê bal kişandine ser rewşa Abdûllah Tûran, girtiyê nexweş û xwestine Tûran demildest serbest bibe. Herdu sazî ew ê giliyê wan kesan bikin ku li pêş dermankirina Tûranî bûne asteng.

Fona Alîkariya bi Zarokan a Neteweyên Yekgirtî (UNICEF) aşkere kiriye ku ji meha Çiriya Paşiyê û vir de li Etipoypayê ji ber şerê li eyaleta Tigrayê, 2,3 milyon zarok nikarin alîkariyê bidest bixin.

Serdozgeriya Komarî ya Dadgeha Bilind xwestiye cezayê miebeta girankirî yê li Ozgur Arduç, kujerê Ceren Ozdemirê hatiye birîn were qebûlkirin.

Wezareta Tenduristiyê aşkere kiriye ku di 24 saetan de test ji bo 206 hezar û 190 kesan hatine kirin û di encamê de testa 32 hezar û 102 kesan pozîtîf derketiye. Her hewa 235 kes jî mirine.

Heyeta dadgehê doza Înan Kizilkaya, Can Dundar, Huseyîn Aykol, Zana Kaya Hatîp Dîcleyî taloq kiriye.

Wezareta Tenduristiyê ya Herêma Kurdistanê ragihandiye, ku di 24 saetên dawin de 222 kes bi Covîd-19ê ketine û 3 kes jî pê mirine.

Lijneya Hilbijêran seroktiya Joe Bidenî bi awayekî fermî aşkere kiriye.

TTByê destnîşan kiriye û gotiye, “Dr. Şeyhmûs Gokalp, endamê Lijneya Rûmetê ya Bilind ya me bêsûce, em li gel têkoşîna wî ya mafdar in. Girtina Gokalpî bêhiqûqiye, divê demildest bê berdan û weke negirtî bê dadgehkirin.”

Danişîna doza kuştina Hrant Dinkî tenê 10 deqîqeyan domand ku karmendên dewletê tên dadgehkirin. Parêzerên herdu aliyan ji bo li dijî nêrîna dozgerî daxwaza deme kirin.

Li Tuşba, navçeya Wanê bi pileya 4,7ê erd erd hejiyaye. Bandora erdhejê li bajarên derdorê çêbûye.

DYAyê ji ber ku Tirkiyeyê S-400, sîstemên berevaniya asmanî ji Rûsyayê kirine, biryar daye ceza li hin rayedarên Tirkiyeyê bibire.

Wezareta Tenduristiyê aşkere kiriye ku di 24 saetan de test ji bo 204 hezar û 289 kesan hatine kirin û di encamê de testa 29 hezar û 617 kesan pozîtîf derketiye. Her hewa 229 kes jî mirine.

HDPyê têkildarî 5emîn salvegera operasyon û qedexeya derketina derve ya li Cizîrê daxuyanî daye û bal kişandiye ser polîtîkayên bêcezatiyê yên wê demê.

Walîtiya Dêrsimê li ser malpera xwe ya fermî aşkere kiriye ku ji ber şewba Kovid-19ê wan ji bo 15 rojan çalakî û xwepêşandan qedexe kirine.

Li gorî rapora Rêxistina Rojnamegerên Sînornenas (RSF) li seranserê cîhanê 387 rojnameger girtî ne, 54 rojnameger dîlgirtî ne û 4 rojnameger jî winda ne. Di nava salekê de hejmara rojnamegerên jin ên kêfî hatine girtin ji sedî 35 zêde bûye.

Meclîsa Jinan a HDPyê piştgirî daye wan jinan ku li ser hesabên medyaya civakî mêrên tacîz li wan kirine, aşkere dikin.