Hejmara sêyem a kovara Bernamegehê derketiye ku bi awayê dijîtal weşana xwe dike.

Walîtiya Stenbolê gotiye ku ji 94 kesên ku li Kadikoyê di dema xwenîşandanên protestoyî yên ji bo Zanîngeha Bogaziçiyê de hatine desteserkirin, 65 ji wan serbest bûne. 11 kesên ku li Beşîktaş û Sariyerê desteser bûbûn jî serbest bûne. 29 kes hîna desteserkirî ne.

Mêran di Kanûna Paşiyê de tundkarî herî hindik li 60 jinan kiriye, herî hindik zarokek kuştine. Mêran, zarokên kur jî di nav de herî hindik îstismar li 12 zarokan kirine, herî hindik 9 jin tacîz kirine. Mêran bi darê zorê karê seksê herî hindik bi 28 jinan dane kirin.

Wezareta Tenduristiyê aşkere kiriye ku di 24 saetan de test ji bo 140 hezar û 120 kesan hatine kirin û di encamê de testa 7 hezar û 795 kesan pozîtîf derketiye. Her hewa 120 kes jî mirine.

Wêjegeh Amed, di bernameya xwe ya meha Sibatê de wê cih bide bernameyeke bi navê “Çanda Kurdî ya Li Sovyeta Berê”. Sazî wê vê mehê her weha yeksaliya xwe pîroz bike.

Korur-Fîncanci, Onderoglû û Nesîn di doza Nobedariya Berpirsiyariya Weşanê ya Ozgur Gundemê de wê ji nû ve were dadkirin. Ji ber vê yekê Saziyên fikrî yên weke IFEX, RSF, CPJ, IFJ, IPI û PEN daxwaza betalkirina tohmetên derbarê wan de kirine.

Ferhat Çelîk, Berpirsê Karûbarên Nivîsan ê Ajansa Mezopotamyayê ku ji ber nûçeya “Li Baybûrtê kêzikan dixin xwarinên girtinan” doz lê hatibû vekirin, di danişîna yekem a dadgehkirinê de beraet kiriye.

Ferhat Baysal ku li Belçîkayê weke penaber dijî sepaneke bi navê 'Peyvên Kurdî' çêkiriye. Armanca Baysalî bi sepanê ewe ku him kurdî bide naskirin , fêrkirinê hêsantir bike û him jî fikirandina bi kurdî pêşbixe.

Weşanxaneya Aramê “Dewran” û “Leylan”, her du pirtûkên Selahattîn Demîrtaşî bi kurmancî çap kirine.

Wezîr Selçûkî gotiye ku ji 15ê Sibatê û pê de wê hemû beşên dibistanên gundan û ji 1ê Adarê û pê de jî hemû dibistanên seretayî dest bi perwerdeya rû bi rû ya sivik bikin. Wê dê û bav biryarê bidin bê ka xwendekar wê biçin dibistanê yan na.

Zêdetirî 100 xwendekarên ku polîsan ew duh li Zanîngeha Bogaziçiyê desteser kiribûn, piştî îfadeya wan hatiye wergertin, serbest bûne.

Wezareta Tenduristiyê aşkere kiriye ku di 24 saetan de test ji bo 141 hezar û 703 kesan hatine kirin û di encamê de testa 7 hezar û 719 kesan pozîtîf derketiye. Her hewa 124 kes jî mirine.

Li Zanîngeha Bogazîçiyê protestoyên li dijî biryara “tayînkirina kayûmî” bi ber Deriyê Başûrî dewam dikin. Polîsan li ber Deriyê Başûrî du xwendekar desteser kirin. Serpîl Kemalbay, Parlamentera HDPyê jî got ku li Etîlerî nêzîkî 35 xwendekar hatine desteserkirin.

Bi tohmeta ku “propagandaya rêxistinê kiriye” 4 sal cezayê girtîgehê li rojnameger Îdrîs Sayilganî birîne. Sayilgan hezar û 137 rojan girtî mabû û di 27ê Çiriya Paşiyê ya 2019an de tehliye bûbû. Doza navborî dema ew girtî bû, lê vekiribûn.

Rojnamegerên Sînornenas rewşa azadiya xweîfadekirinê ya Tirkiyeyê bi hejmaran şîrove kiriye û weke daxuyaniyekê weşandiye. Li gorî daxuyaniya RSFyê di 5 salên dawiyê de zêdetirî 200 rojnameger girtine.

30em Dadgeha Cezayê Giran a Stenbolê ya ku girteya destpêkirina dozê ji bo dadkirina ji nû ve amade dike, qedexeya derketina derveyî welat daye 8 kesan. Dadgehê biryar daye ku wê danişîn di 21ê Gulanê de pêk were.

Platforma Zimanê Kurdî ji bo ku Zimanê Kurdî li Tirkiyeyê bibe fermî nameyek ji Recep Tayyîp Erdogan, Serokomar û Serokê Giştî ê AKPê re şandiye.

GOG, yekem kovara dîjîtal a wêneromanî a bi kurmancî û kirmanckî/zazakî dest bi weşanê kiriye.

Artêşa Myanmarê dest daniye ser rêveberiya welêt. Win Myint, Serokdewletê Myanmarê hatiye desteserkirin. Partiya desthilat ji bo li dijî dîktatoriya leşkerî serî hildin, bang li gelî kiriye.

Li gorî amarên ku Resetxaneya Kandîlliyê belav kirine, li Behra Egeyê çar caran erd hejiyaye ku ya herî mezin bi pîleya 5,2yê bûye.