Di vê hejmara Dilopê de dosyayek li ser rewşa zimanê kurdî ya li bajarên kurdan, nivîsên li ser Kurdên Sovyetistanê û hin mijarên din hatine weşandin.

Li ber Otela Madimakê ya Sêwazê, cihê ku 33 rewşenbîr, nivîskar û hunermend hatin qetilkirin bernameya bîranînê pêk hatiye. Beşdaran xwestine ku Otela Madimakê bibe Muzexaneya Şermê.

Li Tirkiyeyê 62.7 mîlyon kes înternetê bikar tînen. Ev hijmar li gorî sala 2019an ji sedî 4 zêdetire. Hejmara bikarhênerên medya civakî jî 54 mîlyon e. Ev jî tê wê wateyê ji serjimara giştî jê sedî 64 medya cîvakî bikartînin.

Komeleya Mafên Mirovan di daxuyaniya xwe de gotiye ku ew kesên di Qetlîama Madimakê de mirine bi rêzdarî bibîr tînin û ji bo rastî derkevin holê ew ê têkoşîna xwe berdewam bikin.

Civata Ewlekarî ya Neteweyên Yekbûyî ji ber şewba vîrusa korona agirbesteke cîhanî ya bo 90 rojan ragihandiye. Operasyonên li dijî DAIŞ, El-Nusra, El-Qaîdeyê û komên girêdayî wan li derveyî agirbestê ne.

Wezareta Tendirustiyê ya Herêma Kurdistanê ragihandiye ku di maweyê rojekê de 259 kes bi koronavirusê ango Covid-19ê ketine û 6 nexweşên koronayê jî mirine.

Li gorî raporeke Press Emblem Campaignê (PEC) ya ku navenda wê li Cenêvê ye, ji serê Adarê û vir ve li 35 welatan herî kêm 186 rojnameger ji ber Covid-19ê mirine.

Li Tirkiyeyê heta niha 201 hezar û 98 kes bi Covîd-19ê ketine û 5 hezar û 150 kes jî pê mirine.

Di 27emîn salvegera Komkujiya Sêwasê de destûra meşê nayê dayîn û wê tenê 100 kes bikaribin beşdar bibin. Eren Aysan, keça wêjevan Behçet Aysanê ku di qetlîamê de hatibû kuştin, got:“Li gorî nêrîna me bîranîn pir girîng in, ji ber ku ev li dijî çanda lîncê hişyariyeke.”

Weqfa Îsmaîl Beşîkçiyî bi piştgiriya Komeleya Îsmet Şerîf Wanliyî (AFKÎV) dê bursê bide 6 xwendekaran. Bûrs wê bê beranber were dayîn û divê ew xwendekarên ku serî li bûrsê didin serkeftî bin û pêdiviya wan bi alîkariyê hebin.

Recep Tayyîp Erdogan, Serokomar û Serokê Giştî yê AKPyê gotiye ku, “Em dixwazin medyaya civakî bi temamî were rakirin, dixwazin bê kontrolkirin.”

Serdozgerê Komarî yê Kerbaronê di lêpirsîna doza JÎTEMê de biryar da û got, hewce bi şopandina dozê tune ye. Ji ber kuştina 7 gundiyan doz hatibû vekirin.

Li Gola Wanê piştî ku kelekeke penaberan bi nav bûye û 6 kes xeniqîne, 11 kes hatine desteserkirin. Mixtarê gund ji wezîfeyê hatiye dûrxistin.

Li Dersimê 5 xwendekarên zanîngehê ji ber ku tevlî çalakiya ji bo dîtina Gulîstan Dokûyê bûne ji wargeha xwendekaran hatine avêtin.

Firotina cixareyên ku ji tûtina qaçax hatine pêçan, qedexe bûye. Kesên ku van cixareyan bifiroşin wê ji 3 salan heta 6 salan cezayê girtîgehê li wan bê birîn.

Li Tirkiyeyê heta niha 199 hezar û 906 kes bi Covîd-19ê ketine û 5 hezar û 131 kes jî pê mirine.

Li seranserê cîhanê hejmara pêketiyên koronavirusê ango Covid-19ê derketiye 10 milyon û 421 hezar û 490î.

Emmanuel Macron, Serokomarê Fransayê gotiye, Tirkiye berpirsiyariyeke dîrokî li ser tawanên li Lîbyayê hildigire û tişta ku li Lîbyayê dike, nayê qebûlkirin.

Mafparêzan xwestiye kesên ku tê îdakirin işkence li Sevîl Rojbîn Çetînê kirine bên girtin û derbarê wan de pêvajoya qanûnî û hiqûqî were destpêkirin.

Deniz Yildirim, Hevserokê berê yê HDPya Xozatê li girtîgehê bi koronavîrusê ketiye. Yildirim her weha bi penceşêrê ye. Birsen Dogan Yildirim, hevjîna Deniz Yildirimî bang kiriye û xwestiye ku ji bo rewşa Yildirimî hesas bin.