IHDyê ew kes şermezer kirine ku di dema operasyona Gareyê de bûne sedema kuştina 13 kesan. IHDyê gotiye ku divê li dadgehan hesap ji wan kesan were xwestin.

Dadgehê di doza rojnameya Ozgur Gundemê de 6 sal û 3 meh cezayê girtinê li Eren Keskîn, İnan Kizilkaya û Kemal Sancili û sal û 13 meh jî li Zana Kayayî birî ye.

Ji ber nirxandinên wan ên li ser medyaya civakî yên derbarê “Gare”yê de, lêpirsîname ji bo Huda Kaya û Omer Faruk Gergerliogluyî amade kirine.

Parêzer Elîf Bîrkîlî, Seroka Lijneya Zimanê Kurdî a Baroya Amedê got, Baro bi kelecan e ku yekem kovara hiqûqê ya bi kurdî di weşîne. Yekem hejmara kovarê wê di nava çend rojan de çap bibe. Baro hêvî dike ku kovar di qada hiqûqê de mayînde bibe.

Wezareta Tenduristiyê aşkere kiriye ku di 24 saetan de test ji bo 104 hezar û 108 kesan hatine kirin û di encamê de testa 6 hezar û 287 kesan pozîtîf derketiye. Her hewa 94 kes jî mirine.

Piştî ku nivîskar Mihemed Ronahiyî li dijî bikarhênerekî medyaya civakî gotinên homofobîk bikar anî, rastî bertekan hat.

Mîthat Sancar, Hevserokê HDPê biryara Dadgeha Destûrî ya ku derbarê Enîs Berberoglûyî de dabû, nirxandiye û gotiye, “ Enîs Berberoglû careke din li meclîsê dest bi wezîfeyê kir. Divê weha jî biba. Lewra parlamenterên me Leyla Guven û Mûsa Farisogûllari jî di heman rewşê de bû lê rastî cûdakariyê hatin.”

Parêzer Bariş Yildirimî aşkere kiriye ku li gundê Sîndamê yê Mazgêrd Dêrsimê laşê 12 pezûviyan dîtine. Yildirimî ji bianetê re got ku “ew ziyana ku didin cih û warên wan, parazîtan çêdikin.”

Tora Essential Autonomous Struggles Transnationalê bang li tevahî jinan kiriye û gotiye “Em bang li tevahî kesên ku li dijî tûndkariya kapîtalîst, regezperest û baviksalarî têdikoşin dikin ku di 8ê Adarê de tevlî girevê bibin.”

Weşanxaneya NAyê “Seta Êzdiyatiyê” weşandiye ku di setê de 5 pirtûk hene û ev pirtûk behsa bawerî, çand, ziman, huner û dîroka êzidiyan dikin.

Çînê weşana BBC World Newsê daye sekinandin. Rêveberiya Fîlm, TV û Radyoyê ya Dewletê li Çînê di daxuyaniya xwe de îdia kiriye ku BBC World Newsê di hin nûçeyên xwe yên derbarê Çînê de “xalên rastî û bêalîtiyê” binpê kiriye.

Di hejmara 8an a kovara “Folklora Me” de nivîsên weke “Loriyên Botanê”, “Kilama Heso”, “Sê Hîkayetên Qereçobanê”, “Rewşa Folklorê li Devera Behdînanê” û hinên din cih girtine.

Wezareta Tenduristiyê aşkere kiriye ku di 24 saetan de test ji bo 130 hezar û 313 kesan hatine kirin û di encamê de testa 7 hezar û 590 kesan pozîtîf derketiye. Her hewa 94 kes jî mirine.

ÎHDyê Rapora Binpêkirina Mafên Mirovan a Sala 2020an a Herêma Rojhilat û Rojhilatê Başûrê Anatoliyayê aşkere kiriye û bal kişandiye ser bi awayekî sistematik zêdebûna binpêkirina mafên mirovan.

Tezkereya ku ji bo Enîs Berbeoglû, parlamenterê CHPyê amade kirine, li Civata Giştî ya Parlamentoyê xwendine û Berberoglû careke din bûye parlamenter.

Li Edlîyeya Çaglayanê herî kêm neh kes ji bo ku xwestine 5 xwendekarên ku piştgirî dabûn protestoyên Bogazîçiyê û ji ber vê hatibûn desteserkirin, were azadkirin hatine desteserkirin.

Atolye BIA wê di navbera 20 û 28ê Sibatê de Kargeha Rojnamegeriya Mafparêz pêk bîne. Kargeh wê bi kurdî be û heta 17ê Sibatê saet 10.00ê hûn dikarin serî lê bidin.

Wezareta Karên Derve ya DYAyê di daxuyaniya xwe ya derbarê Osman Kavalayî de destnîşan kiriye û gotiye, “Em bang li Tirkiyeyê dikin ku divê demildest Osman Kavalayî azad bikin û doza wî bi awayekî zû û zelal were bi dawî kirin.

Bernameya “Valentayna Kurdî” ji ber şewba Covid-19ê wê îsal bi awayê online li Amed û Swêdê di heman demê de pêk were. Di bernameyê de wê sêva mîxekrêj were çêkirin.

Artêşa Tirkan li Gareyê operasyoneke leşkerî daye destpêkirin. Di encama şer û pevçûnan de serpel Burak Coşkun û binefser Harun Turhan mirine.