Bi îdiaya ku “raporeke ne rast a tenduristiyê wergirtiye” dadgehekê Başak Demîrtaş bi cezayê girtîgehê ceza kiriye. Parêzerê Demîrtaşê gotiye, “Di van rojan de ku Başak Demîrtaşê dikin hedef, ev biryar ne tesaduf e.”

Wezareta Tenduristiyê aşkere kiriye ku di 24 saetan de test ji bo 356 hezar û 4 kesan hatine kirin û di encamê de testa 24 hezar û 899 kesan pozîtîf derketiye, 197 kes pê mirine.

Parêzerên ku li HSKyê giliyê heyeta dadgeha doza Kobaniyê kirine, gotine: “Heyet wezifeya xwe li gorî qanûnan bikarnahîne û mafê me yê parastinê hat astengkirin.”

Ji ber peyva “Kurdistan”ê di strana wî de derbas bûye, dadgehekê hunermend Veysî Ermîş bi sal û 6 meh û 20 roj cezayê girtîgehê ceza kiriye. Serokê heyeta dadgehê gotiye, “Em ji bo carekê te efû dikin.”

Şûraya Dewletê di biryara xwe de gotiye, biryarnameya Midûriyeta Giştî ya Emniyetê sînoran datîne li ber azadiyan. Li gorî vê biryarê wê biryarnameya Emniyetê pêk neyê.

Dr. Halîs Yerlîkaya, Endamê Konseya Navendî ya TTBê diyar kirîye ku heta niha li tevahiya cîhanê, 115 hezar û 500 xebatkarên tenduristiyê mirine. Yerlîkayayî behsa hijmara kesên ku ji ber vîrusê li Tirkiyeyê mirine kiriye û wiha gotîye, “Ji kesên ku ji ber Covîd-19ê mirine jê sedî 35,2 doktor, sedî 13 dermansaz û sedî 6,7 hemşîre ne.”

Nirxê Lîreyê Tirk li hember dolar her diçe kêmtir dibe. Dolar bûye 9,97 Lîreyê Tirk.

Komeleya Rojnamegerên Hemdem(ÇGD) tevgerên rayedarên emniyete yên li dijî rojnamegeran rexne kiriye û gotiye, tene ‘rojnamegerên ku li hin saziyên dixebitin’ weke hedef tên nîşandan.

Bekîr Şahîn, Dozgerê Komarî piştî ku parastina destpêkê ya ku ji 173 rûpelan pêk hatiye, lêkolîn bike wê nêrîna xwe di nava mehekê de eşkere bike.

Gotinên strana bi navê “Hevalê Reş” ji kurdî wergerandine tirkî, ingilîzî û almanî.

Yekeyên jinan ên DISK, KESK, TMMOB û TTByê daxuyaniyeke hevbeş weşandiye û gotiye ku, budceya 2022yan ne li gorî zayenda civakî ye û divê pêşniyara budceyê demildest bi şûn de bikişînin û budceyeke wekhevîparêz amade bibe.

Di sala 2020an de ji ber mayîn û teqemeniyan 2 hezar û 492 kes mirine, 4 hezar û 561 kes jî birîndar bûne. Nîvê wan, zarok in.

Wezareta Tenduristiyê aşkere kiriye ku di 24 saetan de test ji bo 358 hezar û 251 kesan hatine kirin û di encamê de testa 27 hezar û 259 kesan pozîtîf derketiye, 203 kes pê mirine.

Parlamenterên jin yên HDP û CHPê di hevdîtinên li Komîsyona Budçe û Planê de pankarta “Em ê Peymana Stenbolê bi şûn ve bîn in û bide pêkanîn” vekirine.

Komeleya Mafên Mirovan (IHD), Weqfa Mafên Mirovan a Tirkiyeyê (TIHV) û Hewldana li Dijî Sûc(!?)ên Ramanê bi navê “Li Tirkiyeyê Binpêkirinên Azadiya Xweîfadekirinê Çiriya Pêşiyê ya 2021an) raporek weşandiye.

Li gorî daneyên TUIKê rêjeya bêkarbûnê di meha îlonê de ji sedî 11,5 daketiye û bi giştî derketiye ji sedî 21,9an.

Akademîsyen Hifzûllah Kûtûmê ku ji ber peyama “Bijî Kurdistanê” hatibû girtin, serbest bûye.

Serokwezîrê Polonyayê ji ber krîza penaberên a li ser sînorê Polonyayê, Serokdewletê Rûsyayê, Wladimîr Pûtîn tohmetbar kiriye.

Parêzer Erdal Kûzûyî daxwaz kiriye ku bila heyeta dadgehê bang li Mehmet Eymur, Serokê Beşa Kontrterorê yê kevn yê MITê bike û li wî guhdar bike.

Derbarê Emîne Şenyaşarê de bi iddiaya ku di 24emîn roja Nobeta Edaletê de heqaret li polîsan kiriye, lêpirsîn hatiye destpêkirin. Şenyaşarê di çarçoveya lêpirsînê de îfade daye.