Mahmût Olgûnê li Girtîgeha Sîlîvriyê girtiye ragihandiye ku ji ber govend gerandiye cezayê dîsîplînê û ji ber pirtûka ku bi kurdî nivîsiye jî 5 roj cezayê hucreyê li wî hatiye birîn.

HDPyê û Baroya Amedê giliyê endamê berê yê MITê, Mehmet Eymurû kirine. HDP û Baroyê, xwestine lêpirsîna sûcên di salên 1990î de hatine kirin, bibe.

Malbatên girtiyên nexweş li avahiya Baroya Amedê dest bi çalakiya “Nobeta Edaletê” kiriye. Baroya Amedê gotiye ku ew ê alîkariya hiqûqî bidin malbadan.

Wezareta Tenduristiyê aşkere kiriye ku di 24 saetan de test ji bo 356 hezar û 514 kesan hatine kirin û di encamê de testa 25 hezar û 101 kesan pozîtîf derketiye, 227 kes pê mirine.

KESK û TTByê piştî ku Komîsyona Rewşa Awarte serlêdanên Akademîsyenên Aştîxwaz qebûl nekir, li Navenda Giştî ya Yekîtiya Milkiyeyiyan civîneke çapemeniyê li dar xistiye.

Çavdêrîxaneya ji bo Parastina Mafparêzan diyar kiriye ku Dr. Şeyhmûs Gokalp ji ber xebatên xwe yên aştîxwaz û mafparêziya rewa, bi tacîza darazê re rû bi rû maye.

Gulistan Kiliç-Koçyîgîtê destnîşan kiriye ku divê mafên zarokan ên mirovbûnê bên parastin û Midûriyeta Giştî ya Xizmetên Zarokan ku di bin banê Wezareta Malbat û Xizmetên Civakî ya Tirkiyeyê de ye, di vî warî de ji pêdiviyan re nebûye bersiv.

Koçberên kurd li ser sînorê Belarûs û Polonyayê ne û li bendê ne ku derî li ber wan vebin û ew biçin Ewropayê.

Lêgerîna Edaletê ya Malbata Şenyaşarî didome. Malbatê destnîşan kiriye û gotiye, "Ev bû 3 sal û 5 meh hêj li holê doz nîne. Kujer jî serbest digerin. Dozger tenê dayika ku li pey doza xwe ketiye didarizîne."

Komeleya Dema Jinan ji bo tevlîbûna pêşangeha bi navê "Di Dema Jinan de Bîra Jinan" bang li her kesî kiriye. Pêşangeh wê di 20ê Çiriya Paşiyê de vebibe.

Mem Araratî gotiye “Vê êvarê rayedarekî ji Şaredariyê li Zîz Muzîkê geriyaye û gotiye, ‘Me nedizanî di konsertê de dê stranên bi kurdî bêne strîn.”

ÎHDyê bang li wan partiyên siyasî kiriye ku li Parlamentoyê komên wan hene û xwestiye ku ji bo rûmeta wan li wan vegerînin qanûneke taybet were derxistin, cihên goran werin aşkerekirin û navê Dêrsimê lê vegerînin.

Wezareta Tenduristiyê aşkere kiriye ku di 24 saetan de test ji bo 350 hezar û 933 kesan hatine kirin û di encamê de testa 23 hezar û 852 kesan pozîtîf derketiye, 215 kes pê mirine.

Endam û rêveberên HDPyê, Alîkarê Serokê Giştî yê PSKyê jî tê de 14 siyasetmedar û sendîkavan hatine girtin. Piştî parêzeran li dijî biryara girtinê serî li dadgeheke bilind dane, dadgehê Bayram Bozyel, Alîkarê Serokê Giştî yê PSKyê tehliye kiriye.

Di doza îstismarê ya li Elmaliyê de M.A., dayîka zarokan, R.A., zirbav, û S.C.G., xalê zarokan beraet kirine. Her sê kes bi tohmeta ku “îstismara zayendî li zarokan kirine” û “eziyet dayînê” dihatin dadkirin.

Hewldanên Israîlê yên ji bo her du welatiyên xwe yên li Stenbolê hatine desteserkirin, dewam dikin. Çapemeniya Israîlê ragihandiye ku, rayedaran gotiye “Em ditirsin Erdogan vê vegerîne fersendeke siyasî.”

Li gorî rapora ISIGê di meha Çiriya Pêşiyê de herî kêm 165 karker mirine. Ji wan karkeran jê16 jin, 149 jî karkerên mêr bûne.

Hunermend Ateş Alparî ji bo balê bikişîne ser rewşa Osman Kavalayî, fotografekî wî li kolanên Stenbolê gerandiye.

Di erdheja eyaleta Hurmuzganê ya li Başurê Îranê de 2 kes mirine, 17 kes birîndar bûne.

Xelatgirên 11emîn Pêşbaziya Çîrokan a Şerzan Kûrtî aşkere bûne. Pêşbazî bi armanca bîranîna Şerzan Kûrtî ji aliyê Egîtîm-Sena Êlihê ve tê li dar xistin.