Abdulkadîr A.yê xizmê nexweşekê/î, li Beşa Lezgîn a Nexweşxaneya Dewletê ya Harranê êrîşî xebatkarên tenduristiyê Suleyman Cengîz û Hayriye Orûçê kiriye. Abdulkadîr A, ji ber tawana "bi zanebûn birîndar kiriye" hatiye girtin.

Endama Meclîsa Partiyê ya HDPê Lîvan Orman û 6 endamên Meclisa Ciwanan kul li Stenbolê hatibûn desteserkirin birine edliyeyê.

Di navbera 30ê Gulanê û 5ê Hezîranê de kêmtirîn kes bi nexweşiyê ketibûn ku hejmara wan 7 hezar û 322 bû. Lê hefteya borî hejmara nexweşan ji 364 hezarî derbas kiriye.

Hunermenda Kurd Pervîn Çakar ragihandiye ku Zanîngeha Artukluyê ji ber ku di lîsteya wê de stranên Kurdî hebûne ji bo konsere salon nedaye wê.

Heft rêxistinên elewiyan derbarê êrîşên li ser Cemxaneyan de daxuyaniyeke hevbeş weşandiye: "Em dizanin ku bi van êrîşan dixwazin li welêt rê li ber pevçûnan ava bikin. Beriya hilbijartina 2023yê dixwazin sûdê ji kaos û pevçûnan bigirin."

Henri Barkeyî ji bo wê îdiaya ku dibêjin wî û Osman Kavalayî bi hev re xwarin xwariye û vê ji bo tawana sîxuriyê bikar tînin gotiye, “Min wê şevê ne bi Kavalayî lê mi rojnamegerekî/e tirk ê/a navda re xwarin xwar."

Li Stenbolê di serdegirtinan malan de 7 endam û rêveberên HDPê hatine desteserkirin.

Mîkaîl Aslan wê li Altinolûka Balikesîrê konserekê bide. Cemîl Qoçgîrî jî wê pê re derkeve ser dikê.

Rêxistina Mafên Mirovan a Îranê ragihandiye ku di nava hefteyekê de li Îranê 32 kes hatine darvekirin ku di nav wan de 3 jin bi tohmeta ku “hevjînê xwe kuştine” cezayê darvekirinê li wan hatiye birîn.

Di çalakiyên ku ji aliyê HDKê ve ku di bin navê "Nîqaşên Havînê" wê bên lidarxistin de, dê mijarên wekî "Pirsgirêka Kurd", kapîtalîzm, ekolojî, ked û koçberiyê bên nîqaşkirin.

Dadgehê biryara astengirina 130 nûçe û weşanên derbarê Mûstafa Dogan Înal, parêzerê berê yê Serokê Giştî yê AKPê û Serokkomar Erdogan de daye.

Li navçeya Kocaaliya Sakaryayê karkerekî Kurd ku ji bo kar çûye wî bajarî rastî êrîşa kesekî nijadperest hatiye û di encamê de birîndar bûye.

Akademiya Zanistan a Polonyayê bi sedema ku ziyanê dide çivîk û guhandarên din, pisîk xistiye nava "lîsteya cinsên biyanî yên dagirker." Ajalparêz li dijî vê biryarê derdikevin.

Li eyaleta Kentucky-yê ji ber barana zêde û lehiyê bi kêmanî 15 kes mirine. Waliyê Kentucky-yê Beshear gotiye, lehî “yek ji lehiyên mezintirîn û kujertirîn ên dhiroka eyaletê ye." Li Tehranê jî hejmara miriyan derketiye 18ê.

Îlhan Îremî di salên 1970yîde gelek stran çêkirine ku rexne di gotinan de hebûn, radîkal û ajîtatîf bûn. Him jî ciwanan ji muzîkên wî gelekî hez dikir.

Rojnameger Ferîd Demîrel li Komeleya Lêkolînên Kurdî wê li ser mijara “Çîrokên Kurdan ên Ermenistana Sovyetê” biaxive ku demeke berê Weşanxaneya Cervantesê pirtûka wî ya bi navê "Çîrokên Şêwra Ermenan" û Weşanxaneya Sorê jî pirtûka wî ya bi navê "Guldesteyek ji Baxê Rewanê" çap kiribû.

Bi sedema ku wê li Şirnexê, li Gundê Hesana yê Suryaniyan birceke leşkerî çêbikin, dest bi birîna daran kirine.

Li Gola Demîrcîler ya nêzîkî li Şarkoya Tekîrdagê 18 kûçik hatine dîtin. Derman dane kûçikan, ew ji ser hişê wan birine û paşê avêtine herêmê.

Rayedaran diyar kiriye ku şopên îşkenceyê li ser lşaê wan cenazeyan hene. Hatiye diyarkirin û gotin, gor ji dema ku DAIŞ li Minbicê serwer bû, maye.

Girtiyê bi navê Alî Ataç xistine hicreya yekkesî û piştî bi du rojan îdia kirine ku wî xwe şewitandiye. Ataçê ku birine nexweşxaneyê, piştî mirina mejiyî, tehliye kirine.