90 kes serê sibê ji emniyetê hatine berdan. Ji 16 kesên ku sewqî dozgeriyê kirine jê 14 kes bi şertê kontrola edlî hatin serbest bûne, 2 kes jî bi daxwaza girtinê sewqî dadgehê kirine.

Li gorî daneyên hefteya dawî yê wezaretê di navbera 11-17ê Tîrmehê de testa 226 hezar û 532 kesan pozîtîf derketiye, 96 kes pê mirine. Hefteya berê hejmara nexweşan nîvê vê hefteyê bûye.

Encûmena Ewlekariya Netewî ya Iraqê biryar standiye ku balyozê xwe yê li Tirkiyeyê bi şûn de bikişîne. HPGyê di daxuyaniyekê de diyar kiriye ku hêzên wan li wê herêmî nînin.

Weşanxaneya Kilê Pirtûka Çetîn Lodî a bi navê “Etar” çap kiriye. Pirtûk ji 138 kurteçîrokan pêk tê û bi giştî li ser serboriyên nivîskar ava bûne.

Li gorî daxuyaniya Qaymeqamê Zaxoyê, kesên li gundê Perexê derketine seyranê, bûne hedefa bombebaranê. Di encamê de 9 sivîl mirine.

Nijadperestan li Taxa Încîlîpinar a navçeya Pamukkaleya Denîzliyê êrişî malbateke Kurd kiriye. Di dema êrişê de kesekî ji nijadperestan gef li malbatê xwariye û gotiye: “Çi karê Kurdan li vê taxê heye? Ez ê we bikujim.”

Li bakurê rojhilatê Ûgandayê ku welatekî Rojhilatê Afrîkayê ye, di meha dawî de ji ber hişkesaliyê zêdetirî 200 kes ji birçîna mirine.

Pêşangeh wê di 22yê Tîrmehê de bi bernameyekê vebe û heta 3yê Îlonê dewam bike.

Serokê Giştî yê Partiya DEVAyê Alî Babacan gotiye, "Li gorî Destûra Bingehîn a îro, partiyeke siyasî ya ku li gorî qanûnên îro hatiye avakirin û partiyeke ku nûneriya îdiayeke û nasnameyeke dike, divê di sîstema me ya demokratîk de tune neyê hesibandin.”

Dadgeha Destûrî du biryarên cida daye û di her du biryaran de diyar kiriye ku mafê kombûn û xwepêşandanê û yê rêgeza qanûnîtiyê yê sûc û cezayan hatine binpêkirin.

Li DYAyê Polîsên Kongreyê duh (19ê Tîrmehê) 35 kesên ku dixwestin ji bo mafên kurtajê li ber Dadgeha Bilind xwepêşandanê pêk bîne, desteser kirine. Ji kesên hatine desteserkirin jê 17 kes parlamenter bûne.

Çavlirêye ku di rojên pêş de dadgehkirina Şenyaşarê destpê bike.

Hatiye diyarkirin ku biryar bi 3 dengan li dijî 2 dengan stendine.

Xemeneyî gotiye, “Parastina yekperçetiya axa Sûriyeyê pir girîng e û her êrişeke leşkerî ya li ser bakurê Sûriyeyê wê li dijî Tirkiye, Sûriye û hemû herêmê be."

Li gorî rapora heftane ya ku Rêxistina Tenduristiyê ya Cîhanê (WHO) weşandiye, hefteya borî li seranserê cîhanê 5,7 mîlyon kes bi COVID-19ê ketine her weha hejmara nexweşan li gorî hefteya borî ji sedî 6 zêde bûye.

Komîteya Hefteya Rûmetê ya LGBTI+ ya Stenbolê di 7emîn sala kesên ku di Komkujiya Pirsûsê de mirine ji bo yadkirina wan û edaletê bang kiriye. Komîteyê gotiye “ Em ê di 7emîn salê de di saet 19.30ê 20ê Tîrmehê de ji bo ku bêjin ‘edalet ji bo Pirsûsê’, ‘edalet ji bo LGBTIAyan’ li pêş Operaya Sureyayê kom bibin. Hûnê hesabê Pirsûsê bidin!.”

Ji ber ku hefteyeke li Girondeya Fransayê agirê bi daristanê ketiye dewam dike, 14 hezar û 900 kes ji herêmê koçber bûne. Li Fasê jî şeş roj in nêzîkî bi qasî 6 hezar û 600 hektarî daristan şewitiye.

Sezgin Baran Korkmaz, xwediyê SBK Holdîngê ku Awusturyayê radestî DYAyê kiribû li eyaleta Ûtahê derketiye pêşberî dadgehê. Korkmaz bi tohmetên ku “pereyên reş spî kiriye” û “sextekarî kiriye” tê sûcdarkirin û ev li dadgehê ev sûcana qebûl nekiriye.

Ji bo bala raya giştî bibin li ser qirkirina daristanan a li Şirnexê, wê Baroya Şirnexê tevî 300 parêzerî biçe herêma ku dar lê tên birîn.

Walîtiya Dêrsimê konsera Grup Yorumê û ya Grup İsyan Ateşiyê qedexe kiriye. Her du koman wê di Festîvala Çand û Xwezayê ya Mûnzûrê de konser bida.