Dadgeha Destûra Bingehîn biryara betalkirina parlamenteriya parlamenterên HDPyê Faysal Sariyildiz û Tûgba Hezer-Ozturkê li gorî destûra bingehîn, yaseyên navborî û rêziknameya parlamentoyê dît û serlêdana van parlamenteran red kir.

Parlamenterê HDPyê yê Îzmîrê Ertûgrûl Kurkçu bi darê zorê derxistin pêşberî dadgehê û li vir bibîr xist ku hîn parêzbendiya wî ya parlamenteriyê heye û wiha got, “Hûnê endamekî MPKEyê çawa dadgeh bikin ku ji bo dadgehkirina wî destûra MPKEyê pewîste”.

Zafer Çaglayan Wezîrê Aboriyê yê berê li DYAyê di dosyeya Reza Zarrabî de bû bersûc. Yek ji sûcên ku Çaglayan pê tê tawanbarkirin “bertîlxweriya bi milyonan dolaran e”.

DYAyê ji ber ceribandinên nukleerê berdewam dike, ji Konseya Ewlekariyê ya NYyê daxwaz kir ku ambargoya neftê dîne ser Koreya Bakur.

Baydemîrî destnîşan kir ku “Em îro ji bo vî tiştî li vir in ku desthilatdara siyasî polîtîkayên xwe yên guvaşê ji ser darazê bikişîne” û wê nobet nava hefteyê berdewam bike.

Serokê Rêveberiya Herêmî ya Kurd li Iraqê Mesûd Barzanî beriya referandûma serxwebûnê axivî û got, “Tenê yek armanca min heye ku gelê min serxwebûnê bidest bixe. Dema ku ez gihiştim vê armancê wê erka min bidawî bibe.”

Wezareta Karên Derve ya Almanyayê hişyarî da hemwelatiyên xwe yên ku wê serdana Tirkiyeyê bikin û gotin ku dibe “girtinên kêfî” çêbibin. Wezîr Gabrielî got ku ev agahdarkirin e.

HDPyê li ber Dadgeha Destûra Bingehînê (DDB) dest bi Nobeta Wicdan û Edaletê kir. Berdevkê Partiyê Baydemîrî got, “Hevserokên me û 10 parlamenterên me 306 roj in bi awayekî bêhiqûqî bi fermana desthilatdariya siyasî dîl hatine girtin.”

Merkelê diyar kir ku divê rêyên diyalogê yên bi Tirkiyeyê re vekirî bimînin û ew ê mijara sekinandina gotûbêjên endamtiya YEyê yên bi Tirkiyeyê re di meha Cotmehê de bi hempîşeyên xwe yên li YEyê re biaxive.

Serokwezîra Almanyayê Merkelê di gotûbêja xwe ya televizyonê de diyar kir ku ew dixwaze bidawîanîna gotûbêjên endamtiya Tirkiyeyê bîne rojeva YEyê. Schulzî jî got ku “Heke bibim Serokwezîr ez ê gotûbêwan bidawî bikim”.

Erdoganî piştî nimêja cejnê ji çapemeniyê re axivî û bersiv da daxuyaniya Serokomarê Fransayê Macronî ku derbarê wî de dabû.

Serokomarê Fransayê Macronî got, jiyana serokatiya cîhanê ne ewqas bifors e û ji bo vê jî ew mînak da ku, neçar e her hefteyê bi Erdoganî re biaxive.

Dadgeha Cezayên Giran a 2. a Enqereyê ji Dadgeha Herêmê ya Enqereyê xwest ku dosyeya doza Yasîn Borû û Selahattîn Demîrtaşî bibe yek, dadgeha herêmê daxwza red kir.

Egitim-Senê(Sendîkaya Perwerdeyê) eşkere kir ku li Rûhayê 367, li Amedê 264 û li Dîlokê 51 endamên wan hatine sûrgûnkirin.

Bi biryara Dîwana Wezîran, Biryarnameyên di Hikmê Qanûnan de yên 993 û 694ê hatin îlankirin. Bi biryarnameyê Qanûna Rêxistina Îstixbarata Neteweyî(MIT) jî hat guhertin.

Di Şampîyonaya Cîhanê ya Gulaşê de Yasemîn Adar ji Tirkiyeyê bû yekem jina şampîyona cîhanê.

Endamên Rêxistina Eskîşehîrê ya MHPyê bi daxuyaniyekê eşkere kirin ku wan dest ji endambûnê berdaye û ew ê bi “Meral Akşenerê re meşa xwe bidomînin.” Endamên Rêxistina Eskîşehîrê ya MHPyê bi daxuyaniyekê eşkere kirin ku wan dest ji endambûnê berdaye û ew ê bi “Meral Akşenerê re meşa xwe bidomînin.”

Seroka Partiaya Sosyalîst a Bindestan(ESP) Çîçek Otlû ku hatibû desteserkirin hat giirtin.

Parêzerên serokkomarê Recep Tayyîp Erdogan gilîya lîstikvanê Amed Sporê kir û diyar kir wî li ser Twîtterê heqaret li serokkomarî kiriye. Polîsan Nakî desteser kir, dadgehê lêpirsîn da dest pê kirin.

Wezîrê karên derve yê Almanyayê, Sigmar Gabrîelî eşkere kir ku piştî minaqeşeya wî û serokkomarê Tirkiyeyê Recep Tayyîp Erdoganî, jina wî bi telefonê hatiye tehdîtkirin.