Rêxistina Hevkariya Aborî û Pêşveçûnê (OECD) rapora perwerdeyê ya sala 2019ê weşandiye. Bi raporê eşkere bûye ku li Tirkiyeyê rêjeya pereyên ji bo perwerdeyê tê xerckirin du qetan ji rêjeya OECDyê kêmtir e.

Li Mûşê 7 endamên meclîsa bajêr yên HDPyî ji wezîfeyê hatine dûrxistin. Alîkarê Hevserokên Giştî yê HDPyê Kaplanî got, “Desthilatdar dixwaze kursiyên HDPyê ji destê wê derxe û rant û talankeriya xwe berdewam bike.”

Li navçeya Xîzanê ya Betlîsê minîbusa gundekî qelibiye û ji ber qezayê 6 jê zarok 10 kes mirine, 8 kes birîndar bûne.

Li New Yorkê di pêşbirka tenisê ya vekirî ya Amerîkayê de Rafael Nadal rikberê xwe Daniil Medvedev têk biriye û bûye şampîyon.

Dadgehê 9 sal û 8 meh cezayê girtinê li Canan Kaftancioglû, Seroka CHPya Stenbolê birî ye. Ceza nehatiye taloqkirin.

Beriya biryara tayînkirina qeyûman bi çar rojan lêpirsînname ji bo Ahmet Turk, Hevşaredarê Bajarê Mezin ê Mêrdînê hatiye amadekirin.

Serokomar Erdoganî gotiye: "Em mecbûr bibin em ê deriyan vekin. Ev bar wê tenê li ser pişta me be?"

Bi sedan wesayitên kirêkirî yên Şaredariya Bajarê Mezin a Stenbolê li Yenîkapiyê hatine pêşkêşkirin. Hatiye diyarkirin ku wesayit di dema Şaredarê AKPyi de hatine kirêkirin û pêwistî bi wan tineye.

Sergei Stanişev, Serokê Partiya Sosyalîstan a Ewropayê (PES) di daxuyaniyeke nivîskî de gotiye, “Weke ku beriya niha jî me gotibû, tohmet siyasî ne û tekane armanc bêdengkirina mixalefeta demokratîk e.”

Lijneya Rêveberiyê ya Navendî ya AKPyê daxwaz kiriye ku Ahmet Davutoglu, Abdullah Başçi, Ayhan Sefer Üstün û Selçûk Ozdag ji partiyê werin ixrackirin.

Erdogan di dema merasîma vekirinê ya Sala Nû ya Edlî de axiviye û gotiye: "Di pergala dewletê da heke îla ku desthilatdariyek bê xwestin ev yek weke di Makezagonê da jî cih digire, serdestiya desthilatdariya gel e."

Mark Esper, Wezîrê Berevaniyê yê DYAyê tevlî Joseph Dunford, Serfermandarê DYAyî civîneke hevbeş a çapemeniyê pêk aniye. Esperî ji Tirkiyeyê re gotiye, “An S-400 an jî F-35. Nabe ku hûn bibêjin em yekê bixin garacê ya din jî derxin.”

Wezîrê kevin ê Dadê û Parlamenterê AKPyê Sadûllah Ergînî ji partiya xwe îstifa kiriye.

Serokwezîrê Kralîya Yekbûyî(Brîtanya), Boris Johnsonî ji qralîçe, Elîzabetha 2. xwestiye ku karên parlametoyê pênc mehan bêne sekinandin. Kralîçeyê daxwaz qebûl kiriye.

Serokomar Erdogan li Moskovayê wê pêşketinên dawiyê yên li Idlibê bi Vladimir Putin, Serokdewletê Rûsyayê re gotûbêj bike.

Di hevdîtinê de behsa biryara tayînkirina qeyûman, destûra bingehîn a nû û reforma darazê hatiye nirxandin.

Di civîna welatên endamê G7an de li ser peymanên nukleerî gotûbêj çêbûne. Wezîrê Karûbarên Derve yê Îranê, Zarîf jî çûye bajarê ku civîn lê çêdibe û bi Macronî re hevdîtinek pêk aniye.

Îlhan Cîhaner, endamê Meclîsa Partiyê yê CHPyê û Parlamenter Alî Şekerî serdana Ahmet Turk, Hevşaredarê Şaredariya Bajarê Mezin ê Mêrdînê kirine ku qeyûm li şûna wî hatibû ragihandin.

Piştî ku Artêşa Sûriyeyê bajarokê Xan Şexûnê yê Idlibê bi dest xistiye, Erdogan û Pûtîn bi rêya telefonê axivîne.

Emmanuel Macron, Serokomarê Fransayê bi Serokwezîrê Yewnanîstanê re civiyaye û li vir derbarê xebatên lêgerînên hîdrokarbonê yên Tirkiyeyê de axivî ye.