Piştî ku Mark Esper, Wezîrê Berevaniyê yê DYAyê gotiye ew ê destwerdana yekalî a Tirkiyeyê li bakurê Sûriyeyê qebûl nekin, Erdoganî axivî ye û diyar kiriye ku “Em ê tevgera Mertalê Firatê û Çiqlê Zeytûnê derbasî merheleyeke din bikin.”

Wezîrê Berevaniya DYAyê Esperî gotiye ku heke Tirkiye destwerdanekê li Rojhilatê Firatê bike ew ê li hemberî vê bibin asteng. Rojhilatê Firatê di bin kontrola HSDyê de ye.

Victoria’s Secretê di kreasyona xwe ya îsal de wê cih bide yekem modela xwe ya transseksuel. Par rêveberekî Victoria’s Secretê gotibû, “Ew di şovên mezin de cih nadin kesên xwedî qalibên mezin û trans.”

Hevdîtinên derbarê “herêma ewle” ya li bakûrê Sûriyeyê, di navbera rayedarên DYA û Tirkiyeyê de li Enqereyê dest pê kiriye.

Serokomar û Serokê Giştî yê AKPyê Erdoganî gotiye, “Em ê bikevin rojhilatê Feratê. Me ev ji Rûsya û DYAyê re jî gotiye.”

HDP, KCD û HDKyê li Amedê daxuyaniyeke hevbeş daye. Hevserokê Giştî yê HDPyê Temelliyî gotiye, “Em bang li desthilatdariya siyasî û muxalefetê dikin ku li cihê polîtîkayên şer û pevçûnê, di polîtîkaya aştiyê de bibin xwedî aqilekî hevpar û bi pêş bixin”

Yekîtiya Niştimanî Kurdistanê (YNK) piştî koça dawî ya Celal Talabaniyî cara ewil dê kongreya xwe pêk bîne.

James Jeffrey, Nûnerê Taybet ê DYAyê yê Sûriyeyê gotiye, nelihevkirinên di navbera DYA û Tirkiyeyê de dibe asteng ku “herêma ewle” bê avakirin.

Serlêdanên ji bo Dibistana Medyayê ya Kaos GLyê dest pê kir. Dibistan wê di navbera 7 û 9ê Îlonê de bi sernavê “Ez bi xwe dikarim nûçeya xwe binivîsim.”

Îsraîlê plana avakirina 6 hezar avahiyên nû li Şerîaya Rojava erê kiriye ku di bin dagirkeriya Îsraîlê de ye. Li gorî nûçeya rojnameya Haaretsê ji bo filistîniyan tenê destûra 715 avahiyan hatiye dayîn.

Duh civîna Lijneya Ewlehiyê ya Milî (MGK) pêk hatiye û di encamnameyê de behsa “korîdora aştiyê” hatiye kirin.

Lijneya Dadwer û Dozgeran biryar girtiye ku serok û endamên heyeta dadgeha Doza Geziyê biguherîne. Li gorî vê biryarê heyeteke din hatiye avakirin.