Di doza ku rojnameger Öğreten, Çelik, Kanaat ên girtî û Yoksu, Sargin û Okatanê de Çelik serbest ma. Öğreten û Kanaat wê girtî bên dadgehkirin.

Lijneya Saziyên Îdarî ya Dadgeha Bilind a Şêwirmendiyê daxwaza temyîzê ji bo îlankirina “herêma metirsîdar” û biryara “îstimlaqkirin(ji-dewletê-re-mal-kirin)”ê ya Sûrê qebûl kir.

Krîza di navbera Madrîd û Barcelonayê her diçe kûrtir dibe û di vê demê de Katalanan gavek din avêt. CUP Partiya Çep bang li welatiyan kir ku çalakiyên “bêîtaatiya sivîlan a girseyî” li dar bixin. Parlamentoyê biryar girt ku roja pêncşemê kom bibe.

Li Herêma Kurdistana Iraqê hilbijartinên parlamentoyê û yên serokatiyê hatin bipaşxistin.

Di lûtkeya serokên YEyê de alîkariyên malî yên ji bo Tirkiyeyê û rewşa gotûbêjan hat nîqaşkirin. Merkelê aşkere kir ku wan li ser kêmkirina alîkariyên malî li hev kirine. Lûtke wê îro berdewam bike.

Wezîre Dadê Gulî got ku hevdîtinên vîzeyê erênî bûn û wiha axivî, “Heke ku niyete xerab tune be, ez li bende me ku di çarçoveya hiqûqa normal de, di çarçoveya dîplomasiyê de derbarê vîzeyan de hin pêşketinên erênî rû bidin”.

Karsaz û aktivîstê civaka sivîl Osman Kavala di dema vegera ji Dîlokê de, li Stenbolê hat desteserkirin ku ji bo civîna projeyekê çûbû Dîlokê.

Serdozgeriya Stenbolê bi sûcê “propagandaya ji bo rêxistineka terorî” doz li Ferhat Tûnçî vekir.

Fermandariya Yekîneyên Berxwedana Şengalê (YBŞ), Hêzên Parastina Gel (HPG) û Koma Civakên Kurdistanê (KCK) derbarê operasyona artêşa Iraqê û pozisyona xwe ya nû de daxuyanî belav kirin.

Serokwezîrê Iraqê Haydar Ebadî got ku pêvajoya referandûmê li paş maye û banga diyalogê li Rêveberiya Herêmî ya Kurdistana Iraqê kir. Mesûd Barzanî destnîşan kir ku encamên referandûmê wê têk neçin.

Wezareta Karên Derve ya Amerîkayê eşkere kir ku hê jî Tirkiyeyê ji bo girtina xebatkarên wan ti delîl nîşan nedaye.

Hêzên Sûriyeya Demokratîk (HSD) piştî şerê çar mehan kontrola bajarê Reqqa yê Sûriyeyê ji destê DAIŞê derxist ku DAIŞê ev der weke paytext ragihandibû.

Serokê DYAyê Donald Trumpî got ku, DYA di pirsgirêka navbera hikûmeta navendî ya Iraqê û Rêveberiya Herêmî ya Kurdistana Iraqê de bêalî ne û ew ne razî ne ku şer di navbera wan de hebe.

Di civîna Lijneya Ewlekariya Neteweyî (MGK) de ji bo hikûmetê ev mijar hatin pêşniyarkirin: Bila rewşa awarte dirêj bibe, bila Tirkiye qada xwe ya asmanî ji Rêveberiya Herêmî ya Kurdistana Iraqê re bigre û deriyê sînor ê Îbrahîm Xelîl radestî Iraqê bike.

Komeleya Mafên Mirovan encamên bûyerên di dema Halê Awarte de eşkere kirin.

Şengalî Wekîlê Wezareta Pêşmerge û Wezîrê Karên Derve Yê Rêveberiya Herêmî ya Kurdistana Iraqê got, ew ê li hemberî wê operasyonê bêdeng nemînin ku hêzên Heşdî Şebî li hin deverên stratejîk ên Kerkûkê dane destpêkirin.

Girtîgeha Amedê dest danî ser kitêba hevserokê Partiya Gelan a Demokratîk(HDP) Selahattîn Demîrtaş ya bi navê “Seher.”

Xebatkarê Balyozxaneya Amerîkayê, Metîn Topûz û parêzerên wî hev nedîtine, wezîrê dadê diyar kir ku ew dê hev bibînin.

67 xwendekarên ku li Zanîngeha Stenbolê di yadkirina 10ê Çiriya Paşiyê de hatibûn desteserkirin, bi şertê kontrola edlî serbest man.

Wezîrê karên derve, Mevlût Çavûşoglû bi wezîrê karên derve yê Amerîkayê Rex Tillersonî re axivî.