12 xwendekarên Zanîngeha Bogazîçiyê ku ji ber hildana ala LGBTI+yan doz li wan hatibûn vekirin, îro hatin dadgehkirin. Danişîn ji ber pandemiyê nîv saetê dewam kir. Heyetê biryar da ku dadgehkirin di 28ê Hezîrana 2021an de dewam bike.

Li gorî biryara ku di Rojnameya Fermî de weşiya ye, 10 fakulteyê nû ku ser bi 8 zanîngeha ne ava bûne. Fakulteyek û 2 peymangeh ku ser bi 3 zanîngeha ne hatine girtin.

Bekîr Şahîn, Serdozgerê Komarî yê Dadgeha Bilind gotiye, wan îddanameya HDPê ji nû ve amade kirine. Îddanameya HDPê ji aliyê Dadgeha Destûrî ve nehatibû qebûlkirin.

Meclîsa Jinan a HDPyê biryara dana xelatê aşkere kiriye û wiha gotiye: “Li derve li hundir bi piştgirtina jinan em ê bi hev re têkoşîna xwe ya li dijî sîstema desthilatdariyê ya mêran dewam bikin.”

Komîsyona 21ê Sibatê ya Platforma Zimanê Kurdî û Tora Ziman û Çanda Kurdî wê li Amed, Wan û Cizîrê mitîngan li dar bixe.

Korkût Eken, fermandarê leşkeri yê berê ku tê îddiakirin ji faîlên kuştina rojnameger Kûtlû Adaliyî yek jê ewe, îddia kiriye ku ti têkîliya wî bi kuştina Adaliyî re nîne û gotiye, “Ez bi Atîlla Peker re çûm Qibrisê. Ma rayedarên dewletê û yekîneyên îstixbaratê nizanin?”

Piştî ku 7 endamên Lijneya Dadwer û Dozgeran li Meclîsê hatin hilbijartin, Serokomarî jî 4 endamên nû tayîn kiriye. Biryara wezîfedarkirina endamên nû yên Lijneyê di Rojnameya Fermî de weşiyaye.

Kemal Kiliçdaroglû, Serokê Giştî e CHPê bersiva gotinên Recep Tayyîp Erdogan, Serokomar û Serokê Giştî ê AKPê yên têkildarî Meral Akşener, Seroka Giştî ya İYİ Partiyê daye. Erdogan ji bo Akşenerê gotibû, “Ev rojên çêtir in.”

Ahmet Davûtoglû, Serokê Giştî ê Partiya Pêşerojê derbarê îddiayên Suleyman Soylû, Wezîrê Navxweyî yên ku li Haberturkê anîbû ziman de gotiye, “Ez êdî li xwe mikur hatim, Bînalî Yildirim, Suleyman Soylû û Berat Albayrak bi serpereştiya Serokomar dek û dolap li min kirin.”

Bi daxwaza rakirina parêzbendiya Omer Ocalan, Kemal Bulbul, parlamenterên HDPê û Saliha Aydenîz, Hevseroka Giştî ya DBPê fezleke şandine meclîsê.

Atilla Peker, birayê Sedat Pekerî çûye dozgeriyê û daxwaznameyek pêşkêş kiriye. Daxwaznameya Pekerî ya bêîmze hatiye weşandin ku tê de gotiye ji bo kuştina rojnameger kutlu Adaliyî ew tevlî Korkut Ekenê, endamê berê yê MITê çûne Qibrisê.

Devlet Bahçelî, Serokê Giştî yê MHPyê derbarê îdiayên Sedat Pekerê bi serkêşiya komeke mafyayê tê tohmetkirin de gotiye, “Wê nikaribe rojeva Tirkiyeyê bike hêsirê xwe” û “em piştgirên dewleta xwe ne.”

HDP, EMEP, TÎP, TKP, Halkevlerî, TOP û Partiya Çep derbarê têkiliyên ‘dewlet-siyaset-mafya’yê de daxuyaniyek hevpar dane. Partiyan bang li rêxistinên cemawerî yên demokratîk, sendika û partiyên siyasî kirine û gotine, “Divê em li dijî vê sîstema talanker ya ku dadê çavê xwe jê re girtiye, tekoşînê mezin bikin û tevahî rastiyan derxînin holê.”

Piştî ku Suleyman Soylû gotiye, Rêxistina Efûyê çar sal û nîv in têkildarî îşkenceyê tu tiştek nedaniye pêşiya me, Rêxistina Efûyê weke bersiv li ser hesabê xwe yê medya civakî raporên têkildarî îşkenceyê û miemeleya xirap yên di salên dawî de hatine kirin, parve kiriye.

Oguzhan Ozbaşê ku ji Tebaxa 2019an û vir ve Alîkarê Serokê Banka Navendî bû, ji wezîfeyê dûr xistine. Prof. Dr. Semih Tumen li şûna wî dest bi wezîfeyê kiriye. Di sala 2021an de Ozbaş dibe duyem kes ku ji heman wezîfeyê dûr dixin.

Baroya Îzmîrê û Amedê giliyê Sedat Peker, Suleyman Soylû, Mehmet Agar, Tolga Agar û Erkan Yildirim, kurê Bînalî Yildirim kirine. her weha Baroya Îzmîrê xwestiye Soylû ji wezifeyê were girtin.

Dadgeha Îstinafê biryara beraetê ya ku di doza kuştinên faîlên wan nediyar in de ji bo 19 bersûcan ku Mehmet Agar, Korkût Eken û Ayhan Çarkin jî di nav de bûne, hatibû dayîn, betal kiriye.

Polîsan li Edene, Şirnex û Dêrsimê bi ser malan de girtine û rêveberên HDP û DBPyê jî i nav de 20 kes desteser kirine.

Parêzerên HDPyiyan di doza Kobaniyê de îro gotine, ew bawer nakin ku dadgehkirineke adil û bêalî pêk were. Heyeta dadgehê biryar daye ku dadgehkirin 14ê Hezîranê dewam bike.

Agirbesta ku di navbera Îsraîlê û Hamasê de hatibû pesendkirin, ji saet 02.00ê sibeya îro pê ve destpêkiriye. Şerê bi êrişên hewayî û bi mûşekan11 roj berdewam kiriye û bûye sedema mirina gelek sivîlan.