Wezîr Heîko Maas, serdana xwe ya Enqerê ji ber keştiya Oruç Reîs ji nû ve li Deryaya Spî dest xebatan kiriye, betal kiriye. Maasî wê biçe Atîna û Lefkoşayê.

Li Qibrisê hilbijartina serokomariyê ya ku Ersîn Tatarî û Mustafa Akinciyî serê wê dikişandin, maye tûra duyan. Xelkê Qibrisê ji bo guherîna makeqanûnî gotine “na”.

Peyv ew jinik e ku hîn di saxitîya xwe de gora xwe kolabû û her roj diçû serdana gora xwe. Peyv tîr e û carna jî kevan e.

Weqfa Mezopotamyayê wê bi awayê online kursa “Rêzimana Kurmancî” pêk bîne.

Wekîla Serokê Parlamentoya Swêdê û heyeta li gel wê li Meclîsê serdana HDPyê kiriye. Fornarveyê gotiye “ew operasyona qirkirina siyasî ya li ser HDPyê şermezar dikin.”

Devlet Bahçeliyî di axavtina xwe de Demîrtaş weke berpirsê çalakiyên ji bo Kobaniyê nîşan daye û gotiye “Demîrtaş terorîst e”. Her weha daxwaz kiriye ku TTB bê girtin.

Li Qirxizistanê encamên hilbijartina parlamentoyê hatine betalkirin. Hilbijartin 4ê Çiriya Pêşiyê de pêk hatibû û piştî hilbijartinê bi tohmeta ku fen û fût di hilbijartinê de bûne, xwenîşdan dest pê kiribûn.

Jonas Sjostedt, Serokê Giştî yê Partiya Çep a Swêdê û heyeta li gel wî xwestin biçin Selahattîn Demîrtaş, Hevserokê Giştî yê berê yê HDPyê bibînin. Lê rêveberiya girtîgehê destûr nedaye wan.

Mesrûr Barzanî, Serokwezîrê Herêma Kurdistanê gotiye ku ew zêdetirî 28 milyar dolaran deyndar in.

Botan International wê di navbera 14 û 18ê Çiriya Pêşiyê de "Kargeha Medyaya Kurdî ya Dîjîtal” pêk bîne.

Wezareta Karûbarên Navxweyî, Walî Turker Oksuz weke qeyûm tayînî Şaredariya Qersê kiriye.

HDPyiyan piştî îfadeyên xwe dane, dozgerî ew bi daxwaza girtinê şandiye Dadweriya Silh û Cezayî ya nobedar.

Nîkol Paşînyan, Serokwezîrê Ermenistanê li ser Twîtterê daxuyanî daye û Tirkiye bi “berdewamkirina komkujiyê” tawanbar kiriye.

Hevserok û Parlamenterên HDPyê beşdarî merasîma vekirinê ya Meclîsê nebûne û li bexçeyê Meclîsê civîneke çapemeniyê li dar xistine.

Ji 20 HDPyiyên desteserkirî 14 ji wan birine edliyeyê û dozgerî dest pê kiriye ku îfadeya wan werbigire.

Dozgeriya Qersê lêpirsînek daye destpêkirin û di vê çarçoveyê de bi ser mala Şevîn Alaca, Hevşaredara Qersê û Cengîz Anli, Hevserokê Partiya Demokratîk a Gelan HDP) yê Qersê de jî girtine.

Edebiyatnasan li dijî operasyonên li ser siyasetmedarên mixalif daxuyaniyek weşandiye. Di daxuyaniyê de gotine ku “Em bang li desthilatdariyê dikin ku dest ji vê politikaya zextan a wê welêt bi salan bixe nava tariyê berde. Em bang li muxalefetê dikin ku li dijî vê bêhiqûqiyê li dora demokrasiyê mil bidin hev.”

Konseya Ewlehiyê ya NYyê, bang li Azerbeycan û Ermenistanê kiriye ku demildest pevçûna li Qarabaxê bidin sekinandin,, rageşiyê kêm bikin û li gotûbêjan vegerin.

Ayhan Bîlgen, Hevserokê Şaredariya Qersê ku di çarçoveya operasyona li dijî HDPê de hatibû desteserkirin aşkere kiriye ku ew ê îstifa bire û gotiye, “Min temenê ku bi demokrasiyê were leyîstin derbas kiriye”

Kordînasyona Heskîfê daxuyanî daye û gotiye, “Beyza Ustuna ku di tekoşîna ekolojîyê de xwedî kedêye, ji bo parastin û jiyandina Heskîfê ji roja destpêkê heta niha di eniyên herî pêş de cîhê xwe girtiye. Kesên ku zanist, aştî, jiyan û xwezayê diparêzin nayên dadgehkirin”