Meclîsa Parlamenteran a Konseya Ewropayê ji bo hilbijartina 14ê Gulanê, wê heyetekê bişîne da ku çavdêriyê bike.

Hevseroka Giştî ya HDPê Bûldan di mîtînga Îdirê de gotiye, “Roja ku hûn dengê xwe didin û diçin ser sindoqan, pisûlayê bigirin destê xwe û tu partiyeke din nebînin. Tenê Partiya Çep a Kesk bibinin.”

Kiliçdaroglûyî ji bo êrîşa li Erzeromê li Îmamoglûyî bûye, gotiye: “Kesên ku kevir di destên wan de ne, bi gotineke din, di bin çavdêriya hêzên ewlehiyê de vî karî dikin. Fotografên wan hene.”

Platforma Jinan a Dîcle Amedê û Tora Têkoşîna li Dijî Tundiyê nerazîbûn nîşanî tacîza dadî ya li dijî jinên girtî da û got, “Armanca bingehîn a hikûmetê astengkirina têkoşîna jinên li dijî faşîzmê ne. Em tu carî dest ji mafên xwe, têkoşîn û azadiya xwe bernadin.”

Semyanî Perîzade bi vê stranê dixwaze bala wan kesan bikişîne ku di hilbijartina 14ê Gulanê de bêbiryar in.

Wesayîta anonsê ya Partiya Çep a Kesk a ku li Tarsûsa Mêrsînê xebatên hilbijartinê dimeşîne rastî êrîşê hatiye. Di encamê de 5 kes birîndar bûne, lastîk û camên wesayîtê hatine parçe kirin.

Namzeta Parlamenteriyê ya Elihê ya Partiya Çep a Kesk Zeynep Oduncuyî diyar kir ku, mijara wan a sereke “naskirina nasnameya kurdan ya di Qanûna Bingehîn de ye.”

Duh li Erzîromê li dijî mîtînga Îmamoglû êriş pêk hatiye. Imamoglû derbarê bûyerê de gotiye, "Waliyê vî bajarî, midûrê emniyetê; em jî li we temaşe dikin. Weha dewam bikin. Waliyê Erziromê, Şaredarê Erziromê; ez ê giliyê we bikim."

Siyasetmedar Ahmet Turkî di mîtînga Dilokê ya Partiya Çep a Kesk de axivî û rexne li desthilatdariyê kir: “Bi siyaseta zindanê hewl didin kurdan bitirsînin. Em ê teslîmî vê siyasetê nebin, em ê heta dawiyê li ber xwe bidin."

Namzeta Parlamenteriyê ya Bedlîsê ya Partiya Çep a Kesk Semra Çaglar Gokalpê diyar kir ku, di pêvajoya xebatên hilbijartinê de “Rastiya ku herî zêde me diêşîne bêkarî û xizaniya li bajêr e.”

Karkerên ku li Yapi&Yapi Holdîngê kar dikin ji ber ku mûçeyên wan nadin dest bi çalakiyê kirine. Kezban Konukçû jî ji bo piştevaniyê çûye çalakiyê û ew jî bi karkeran re hatiye desteserkirin.

Namzetê Parlamenteriyê yê Partiya Çep a Kesk yê Eskîşehîrê Mûslûm Koyun jî di nav de 7 ESPyî duh bi şev hatine girtin.

Milyonek û 7 hezar û 165 hilbijêrî heta niha li derveyî Tirkiyeyê dengên xwe ji bo hilbijartinên 14ê Gulanê bikar anîne.

Li Şirnex, Riha û Edeneyê di saetên sibê de polîsan bi ser malan de girtine û gelek kes desteserkirine.

Saziyên çapemeniyê yên ku beriya erdhejê û piştî erdhejê polîtîkayên hikûmetê rexne dikirin ji bo pêş Hilbijartinên Serokomariyê û Parlamenteriyê yên 14ê Gulanê were lawazkirin rastî cezayên pere û sansurê yên Lijneya Bilind a Radyo û Televîzyonan (RTÛK) û Dadweriyên Cezê û Aştiyê hatine.

Komeke li Arnavutkkoyê êrîşî wesayîta hilbijartinê ya Partiya Çep a Kesk kiriye û bi tevir û bêran li Kamuran Guneş, endamê Partiya Çep a Kesk dane.

Kliçdaroglûyî bersiva Suleyman Soylûyî daye ku hilbijartin şibandibû “hewldana derbeyê”: ”Dibêje, gava kesên diçin ser sindoqan dema dengan bidin û desthilatdarî biguhere wê darbe pêk bê, yaw ên ku derbeyê pêk tînin hûn in.”

Wezîrê Karûbarên Hundir ê Tirkiyeyê Suleyman Soylûyî gotibû ku “14ê Gulanê derbeya siyasî ye.”

Di çarçoveya lêpirsîneke Serdozgeriya Komarî ya Stenbolê de polîsan bi ser malên endam û rêveberên HDK, HDP û Partiya Çep a Kesk de girtine û herî kêm 32 kes desteserkirine.

Tifaqa Demokrasî û Azadiyê ya Kurd” aşkere kiriye ku di hilbijartina serokomariyê de ew ê piştgiriyê bide namzetê Tifaqa Milletparêz Kemal Kiliçdaroglû.