Rêveberiya Tevgerê derbarê notên ku tê îdaikirin yên hevdîtina bi Ocalan re ye daxuyanî da û wiha got: “Notên hevdîtinê yên sexte yên ji aliyê hêzên dijber ve li ser medyaya civakî tên belavkirin, li dijî Rêber Apo û Tevgera Azadiyê hatine amadekirin. Lewma divê ti kes bawerî pê neyîne.”

Li Amedê ji bo gerîlayên PKKyê yên di dîrokên cuda de can dane konê şînê hat vegirtin û bernameya bîranînê hat li dar xistin. Malbaten gerilayan, parlamenterên DEM Partiyê, endam û reveberên partiyên siyasî û nûnerên saziyên civakî tevlî bernameyê bûn.

Wezîrê Dadê Akin Gurlek aşkere ku têkildarî êrîşa li dijî karkerên Kurd a li navçeya Alapli ya Zonguldakê lêpirsîn hatiye destpêkirin. DEM Partiyê jî bang li berpirsiyaran kir û xwest bûyer were lêkolînkirin û êrişkar bên cezakirin.

Mehmet Nûr Ûlûs bal kişand ser xizmetdayîna bi zimanê zikmakî û da zanîn ku xizmeta bi zimanê zikmakî ji bo tenduristiyê şertekî jiyanî ye û banga têkoşîneke hevpar li tevahiya civakê kir.

Fermandarê Giştî yê Hêzên Sûriya Demokratîk (QSD) Mazlûm Ebdî di şahiya Sedsaliya Damezrandina bajarê Qamişloyê de axivî.

Nêrîna Ocalan ya ji bo Îranê û Herêma Kurdistanê: "Divê nakokiyên di navbera Hewlêr û Silêmaniyê de li ser bingeha demokrasiyê bi dawî bibin. Divê Îran êrişên li ser xaka Herêma Kurdistanê demildest rawestîne û dawî li darvekirina Kurdan bîne. Divê Îran mafên Kurdan nas bike û Tirkiye jî roleke erênî bilîze. Ger Îran êrişan ranewestîne, ji bo Kurdan ji bilî parastina hevbeş a bi vîna xwe ti rêyeke din namîne."

Wezaretê bang li Îsraîlê kir ku ji bo "aramiya Sûriyeyê û herêmê" êrişên xwe bi dawî bike.

Yasaya çarçoveyê derket; niha ezmûna esasî ew e ku dê pêvajo li ser bingehê hiqûq, demokrasî û baweriya civakî çawa bi pêş ve biçe. Mijarên weke rola Îmraliyê, vegerên ji Qendîl û Ewropayê, berdana siyasestmedaran û veguherîna DEM Partiyê çarçoveya vê qonaxa nû diyar dike.

Serokê DYAê Trump, piştî ku êrişên leşkerî nekarîn Tehranê bîne ser maseya danûstandinan, berê xwe da operasyoneke aborî ya "perçiqîner" ku Îran û hevkarên wê yên bazirganiyê dike armanc.

Perestar Îkra Avci ku li Kocaeliya dixebitî, bi hinceta tevlî hevgirtina “hûnandina poran” bûye dihat dadgehkirin. Avciyê li dadgehê beraat kir. Lêbelê Avciyê ragihand ku ew ji ber heman parvekirinê ji fermanberiya dewletê hatiye derxistin.

Li gorî rapora BÎSAMê, ji bo ku malbateke 4 kesî karibe xwarineke tendurist û hevseng bixwe, divê mehane 37 hezar û 203 lîreyan xerc bike. Sînorê hejariyê jî gihişt 122 hezar û 217 lîreyan.

Solîstê Grup Ekinê û nivîskar Metin Turan, di Girtîgeha Tîpa T ya Bafrayê de girtî bû.

Tîmên Şaxa Têkoşîna li dijî Terorê yên Rêvebiriya Emniyeta Edeneyê, berbanga sibehê li dijî Weqfa Furkanê operasyon pêk anîn.

Trump nexşeyek parve kir ku tê de Tengava Hurmuzê wekî “Axa nû ya DYAê” ragihand. Îranê da zanîn ku heta DYA peymana meha Hezîranê cîbicî neke wê tengav girtî bimîne.

Berdevkê Zanîngeha Selaheddînê Saman Ebdulah got, “Ev beş ji bo Çîniyan e û ew dê îsal xwendekaran wergirin. Dê hejmara xwendekarên wergirtî di navbera 10 û 20î de be.”

Doza yekem a mafparêza LGBTİ+yan Duru Yilmazê ku di çarçoveya operasyona beriya Lûtkeya NATOyê li Enqereyê hatibû girtin, wê di 24ê Îlonê de pêk were.

Partiya NÛ ya ku GUNDEMARê di meha Gulanê de tenê wekî vebijarkeke texmînî pîvabû, di yekem lêkolîna piştî avakirina xwe de bi rêjeya ji sedî 38,58an di rêza yekem de cih girt. Partiya ku di Gulanê de dihat texmînkirin ku heke bê avakirin wê ji sedî 35,7 piştgirî bibîne, piştî avabûnê nêzî 3 pûanan bilind bûye.

Qanûna çarçoveyî ya “Bihêzkirina Hevgirtina Neteweyî û Yekbûna Civakî" di rojnameya fermî de hat weşandin.

Endama Şandeya Îmraliyê Pervîn Buldanê ragihand ku ji bo faîlên Savaş Buldan, Adnan Yildirim û Haci Karay bên dîtin wan serî li Wezareta Dadê dan.

Piştî bûyera hariyê ya li Amedê, bangên komkirina pisikan hatin kirin. Ajalparêzan bertek nîşanî van bangan dan.