4emîn dadgeha Hevserokê kevîn ê Partîya Demokratîk a Gelan (HDP) Selahattîn Demirtaşê ku di girtîgehê de ye hatiye kirin. Heyeta dadgehê biryar daye ku dîsa girtî bimîne û mehkemeya din taloqî 3yê Çiriya Pêşiyê kirin.

Weqfa Ragihandinê ya IPSyê dê 2yê Îlonê Atolyeya Rojnamegeriya Kurdî û Wergerandina Nûçeyan li AtolyeBIAyê pêk bîne. Ji bo daxwaza beşdariyê îro(28ê Tebaxê) roja dawiyê ye.

Parlamenterên HDPyê ji ber tundkarî di dema çalakiya Dayikên/Mirovên Şemiyê ya hefteya 700î de bi kar anîne giliyê polîsan û ji ber ferman daye polîsan jî giliyê Wezîr Soylûyî kirine. HDPiyan xwestiye ku polîs û Soylû ji ber sûcê “birîndarkirina bizanebûn” werin cezakirin.

Hunermend û siyasetmedar Pinar Aydinlar, piştî sê mehan di girtîgehê de ma, duh bi şev hatiye tehliyekirin.

Şûraya Dewletê ya Yewnanistanê, digel îtiraza hikûmetê mafê paneberiyê daye leşkerê bi navê Suleyman Ozkaynakçiyî. Ozkaynakçî piştî hewldana derbeya 15ê Tîrmehê tevlî 7 leşkerên din reviyabû Yewnanistanê. Çav li rê ye ku ev biryar ji bo leşkerên din jî pêk bê.

Li Semsûrê piştî ku di operasyoneka leşkerî de 4 leşker mirin, leşkeran hevserokê şaredariya nehiyeya Komirê Huseyın Yuka desteser kiribû, îro diyar bû ku Yuka hatiye girtin.

Serokê DYAyê Trûmpî bal kişandiye ser rewşa keşe Brunsonî û gotiye; “Ji bo serbestiya mêrekî bêguneh em ê ti teştekî nedin, em ê asta têkiliya xwe ya bi Tirkiyeyê re kêm bikin.” Brunson li Tirkiyeyê mehkûmê malê ye.

Alîkarê Serokê DYAyê Mike Pence û Berdevka Qesra Sipî Sarah Sandersê bertek dane Tirkiyeyê ku baca hin kelûpelên wan zêde kiribû.

Wezîra Wezareta Ticaretê ya Tirkiyeyê, ruhsar Pekcan li ser cezayên Amerîkayê li Tirkiyeyê birî axivîye.

Dadgehê daxwaza tehliyeyê ya ji bo Keşe Brunsonî ret kiriye. Dadgehê her weha biryara qedexeya derketina ji derveyî Tirkiyeyê ya Brunsonî jî ranekiriye.

Bi Biryarnameya Serokomariyê re, baca hin kelûpelên ku ji DYAyê tên kirîn ji sedî sed hatiye zêdekirin. Biryar di Rojnameya Fermî de hatiye belavkirin.

Atolyeya Wênekêşiya Ji Bo Nûçeyan a AtolyeBİAyê wê di 7-8 û 9ê Îlonê de li Stenbolê çêbibe. Ji bo beşdariyê heta 31ê Tebaxa 2018ê hûn dikarin serî lê bidin.

Serokê DYAyê Trumpî îmze avêtiye bin wê yasayê ku firotina balafirên şer ên bi navê F35an ji bo Tirkiyeyê dide sekinandin.

Wekîlê HDPyê yê kevin Edîp Berk û endama Meclîsa Partiyê Gulşen Ozer hatine desteserkirin.

Aborînasê Marksîst ê Misrî Samîr Amîn di 86 saliya xwe de li Parîsê miriye.

Serokê DYAyê Trumpî gotiye; “Di vê dema ku nirxê lîra tirkan li hember dolarê me bi lezûbezî dikeve, min destûr da ku bacên gumrikê yên ji bazirganîya berhemên alîmînyum û pola yên tirkan tên standin, du qat werin zêde kirin.”

Bulent Tezcan, berdevkê berê yê CHPyê di nava rêveberiya nû de cî negirtiye. Li şûna wî Faîk Oztrak bûye berdevk. Hejmara alîkarên serokê giştî derketiye 19an.

Serokomar Erdoganî diyar kiriye ku kampanyayên curbecur tên meşandin û wiha berdewam kiriye: “Heke ku yê wan dolarê wan hebe, yê me jî Xwedayê me heye.” Tebaxa 2017ê weke îro dolarek beramberî 4,67 lîreyên tirkan bû, lê vê sibê dolarek dike 6,20 lîreyên tirkan.

Endamê CHPyê Canyurtî, bi hinceta ku rêveberiya partiya wî biryara civata giştî ya bihilbijartin dernexistiye, li ber Navenda Giştî ya partiya xwe çalakiyeke protestoyî çêkir.

Piştî DYAyê ji bo du wezîrên Tirkiyeyê biryara mueyîdeyan derxist, her du wezîrên DYA û Tirkiyeyê li Sîngapûrê hatine ba hev. Her du wezîran civîn “erênî” nirxandiye.