Erdogan derbarê YPGê û operasyona Cerablusê de got: “Niha ji me re dibêjin ku ‘ew derbasî rojhilatê Firatê bûne’. Em jî dibêjin ku na derbas nebûne. Li gor tesbita me wê piştrast bibe ku derbasî rojhilatê Feratê bûne."

Duhî hin rêxistinên sîyasî yên kurdan li DTKyê ragihandibûn ku ew ê dest bi greva birçîbûnê bikin û heta digel rêberê PKKyê hevdîtin neyên kirin ew ê grevê bidomînin, piştî daxuyaniyê polîsan bi ser DTKyê de girtine .

Serokwezîrîyê li şûna Alayî wezîrê Wezareta Xebat û Ewlehiya Civakî erkdar kiriye.

HDP, HDK, DBP, KCD û KJA bi daxuyaniyeke hevpar diyar kirin ku eger ku di çarçoveya hiqûqê de bi Ocalan re hevdîtin pêk neyê wê di 5ê Îlonê de ji hêla 50 kesên dilxwaz ve gireva birçîbûnê bidin destpêkirin.

Serokomar Erdogan ji ber pirsgirêkên siyaseta li hemberê YE, Îraq û Sûriyê jî Fetullah Gulen sûcdar kir.

Operasyona TSKê ku li Cerablusê daye destpêkirin di roja 7an de didome. OSO bi piştevaniya TSKê ber bi başûrê Minbicê ve pêş de diçe. Li gorî nûçeya Wall Street Journalê eger ber bi Al Babê li dijî çeperên DAIŞê operasyon neyê kirin, wê Amerîka piştevaniya xwe ya hewayî qut bike.

Serokomarê Fransayê Hollande li Sûriyê êriş û mudaxelekirina Tirkiyeyê ya li dijî hêzên kurd rexne kir.

Rayedarên Amerîkayê derbarê êrişên TSKê û komên girêdayê OSOyê ya li dijî YPG/YPJê de daxuyanî da û ragihand ku ew şer û êrişana nayên qebûlkirin û ew mudaxilê vê yekê nîn in.

Rayedarên Amerîkayê derbarê êrişên TSKê û komên girêdayê OSOyê ya li dijî YPG/YPJê de daxuyanî da û ragihand ku ew şer û êrişana nayên qebûlkirin û ew mudaxilê vê yekê nîn in.

Hiqûqnasan bi daxuyaniyeka hevpar da zanîn ku rêberê PKKyê, Abdullah Ocalan di tecrîdê de ye û daxwaza hevdîtina digel wî tê redkirin, ji bo mûzakereyan divê hevdîtinên digel wî bidomin.

Li Artvînê hin êrîşkaran li konvoya CHPyê ya ku serokê wê partiyê jî tê de bû bi çekên giran reşand. Şofêrê wesayita pêşîkêş a parastinê yê bi dijwarî birîndar bûbû mir û du leşker jî birîndar bûne.

Hevserokatiya Konseya Rêveberiya KCKê derbarê operasyona Cerablusê de daxuyanî da û got: “Divê gelê kurd weke bi ruhê 1ê Mijdarê Roja Kobanê ya Cîhanê û Berxwedana Kobanê ya 6-7-8ê Cotmehê rabin ser piyan.”

Walîtîya Êlihê ji siet 17.00 ê 24ê Tebaxê ve heta fermaneka dî li 6 gundên navçeya Sasonê(Qabilcewz) yên Êlih(Batman) derketina derve qedexe kir.

Mûzakerekerê Hikumeta Kolombîayê Humberto de la Calle û mûzakerekerê FARCê Ivan Marquezî da zanîn ku ‘’Hikûmeta Kolombiyayê û FARCê didin zanîn ku wan bi temamî li hev kirine.’’

HDPê derbarê operasyona Cerablusê de daxuyanî da û got: “Tirkiye bi îşqalkirina Cerablusê ve dixwaze di warê fiîlî û hiqûqî de hebûna xwe di bin sîwana çeteyan ve berdewam bike. Ev hesabeke şaş e.”

Yildirimê Serokwezîr li ser operasyona Cerablûsê axivî û got: ‘’Mixalifên Sûriyeyê li Cerablûsê bi cî bûn, dest bi kontrolkirina qadên wir, gundan kirin. Cerablûs jî di nav de divê hemû qad ji YPG û PYDyê bê paqijkirin."

Berdevkê YPGê Rêdûr Xelîl ji radyoya Dengê Amerîkayê re axivî û got: “Armanca vê operasyonê ne DAIŞ e, hêzên kurd û serkeftinên me ne.”

Alîkara Seokê Giştî ya CHPê û Berdevka CHPê Selin Sayek Boke derbarê operasyona Cerablusê de got: “Ne mimkûn e ku mirov li Tirkiyeyê behsa têkoşîna li dijî DAIŞê bike. DAIŞ li orta Stenbolê seyran dike.”

Wezîrê Karên Derve Çavuşoglu got: “Me di serî da vê operasyonê bi Amerîkayê ra plan kir. Mixalefeta ne tundraw jî hat vê derê.’

Hevserokê PYDê Salih Muslim derbarê operasyona Cerablusê de got: ‘Tirkiye wê di gola genî ya Sûriyê de têk biçe.’ Erdogan jî derbarê gotinên Muslim de wiha got: ‘Hûn hesabê siberoja xwe bikin.’