Axavtin û dengdanên li ser pêşniyara AKPê li meclisê dewam dike. Di encama dengdanên duh û îro de qanûnên 3., 4. û 5. bi zêdetirî dengan ve ji meclisê derbas bû.

Balyozê Iraqê yê li Enqereyê, eşkere kir ku leşkerên Tirkiyeyê dê piştî operasyona Mûsilê ji Başîkayê derbikeve.

Berdevkê Wezareta Karên Derve ya Amerîkayê Mark Toner got ku divê ji bo çareseriya Sûriyê pêwîst e PYD jî di maseya muzakereyê cih bigre.

TAKê daxuyand ku êrişa li Îzmîrê ji hêla hêzên wan ve hatiye kirin.

Axavtin û dengdena li ser guhertina makeqanûnê ku pê payeya rêveberiyê dê bikeve destê serokomar de duh li meclisê dewam kir. 2 qanûnên pêşniyarkirî duh ji meclisê derbasbû.

484 deng hatin bi kar anîn. 347 dengên erê û 132 dengên na bû.

Beriya dengdana ji bo guhertina makeqanûnê Berdevkê HDPê Ayhan Bilgen daxuyand ku ew ê bi awayekî komî wê dengdanê boykot bikin.

Axavtinên li ser pêşniyara AKPê ya derbarê guhertina makeqanûnê de li meclise destpê kir. Di roja yekem de wê tenê 15 kes ji bilî mijarên di rojevê de bikaribin biaxivin û weşana Meclis TVyê jî hat qutkirin.

Ji bo ku li ser teklîfa Qanûna Bingehîn a nû minaqeşe bêne kirin 338 parlamenteran dengê erê bi kar anî. Hinek ji parlamenterên AKPyê dengê xwe bi eşkereyî bi kar anî.

Hin xwenîşanderan li ber deriyê parlamenê çêkirina Qanûna Bingehîn a Nû ya ku desthilata serokkomaran zêde dike protesto kir. Polîsan êrîşî xwenîşanderan kirin.

Wê axavtin û nirxandinên li Lijneya Giştî çend roj bidome? Serokê Meclisê nikare deng bikar bîne, wê çi bibe gelo? Eger biryara referandumê were girtin wê kengî bê kirin? Eger encama referandumê neyînî bibe wê çi bibe?

Sê Berpirsên Weşanê yên Nobedar, Onderoglû, Korûr Fîncanci û Nesîn ku ji bo rojnameya Ozgûr Gûndemê bûbûn nobedar. Hersê rojnameger dê di 11ê Kanûna Paşiyê de bêne dadkirin.

Dadgeha Erzirûmê, bi lêpirsîna FETOyê( Rêxistina Terorî ya Fethûllahgir) cezayê mûebetê da du leşkerên ku beşdarî hewildana derbekirinê bûbûn.

Li dijî Dogan Holdîngê operasyon hat kirin. Rêvebirê holdîngê Erem Turgut Yucel û rêvenbirê berê Yahya Uzdiyen hatin binçavkirin. Tê zanîn ku di çarçoveya heman lêpirsîna ku beriya niha destpê kiribû de nûnerê Dogan Holdîngê yê Enqereyê Barbaros Muratoglu jî hatibû girtin.

Hevserokê Giştî yê HDPê Demirtaş derbarê êrişa Reînayê de daxuyaniyek ji girtîgehê şand û got: “Divê desthilatdarê siyasî hêza xwe ne ji bo êrişên li dijî HDPê, ji bo aştî û ewlehiya civakî xerc bike.”

Cihgirê serokê Partiya Nijadperest a Gelî(MHP) Atîla Kayayî ji ber hewildanên serokê MHPyê yên ji bo referandûmê dest ji karê xwe berda.

Hat zanîn ku Ahmet Şikê rojnameger ji beriya du rojan ji Girtîgeha Metîsê ji bo Girtîgeha Silîvrîyê hatiye birin.

HDPê derbarê guherandina makeqanûnê de şerha muxalefetê diyar kir. Di wê şerhê de hat gotin ku di makeqanûna nû de ferqmeyilî li ser hin aliyên civakê hatiye kirin û her wiha aştiya di nav civakê de jî tê binpêkirin.

Partiya Komarî ya Gelî(CHP) sebebên mixalefeta li Qanûna Bingehîn a nû eşkere kir. Partiya Dad û Geşepêdanê(AKP) reşbelekeka Qanûna Bingehîn amade kiriye û dixwaze ew bibe Qanûna Bingehîn a nû.

Cihgirê serokwezîrî, Nûman Kurtulmuşî eşkere kir ku Halê Awarte heta ku pêwîst e dê dom bike, dê Biryarnameyên di Hikmê Qanûnan de bêne nivîsîn û lêpirsînek li ser 347 hesabên medyaya civakî hatiye vekirin.